|
قنعاتي !! ام مجاراة العصر ؟؟
السلام عليكم اخواني ابي اطرح لكم موضوعي للنقاش وللخروج بالفائدة لي ولكم انا عمري 25 وخطيبتي 17 والحين باقي في فترة الخطوبه وباقي ما تمت الملكه انا موظف بوظيفه مرموقه وهي باقي طالبه واحنا من مجتمع قبلي متشدد وبحكم اني باقي لم املك عليها إلى الان باقي ما كلمنا بعض المهم انا ما احب بعض الاشياء التي اصبحت من ضروريات هذا الزمن انا انسان اعارض بشده فكرة البلاك بيري وفكرة برامج الشات في الجوالات اللي صارت اكثر من الهم ع القلب وكل يوم يطلعون لك ببرنامج جديد كذالك الفيس بوك والتوتر وذي البرامج اللي طابين فيها الشعب ذي اليومين وكذالك اللاب توب الخاص انا اشوف ان بنات هذا العصر اصبحت ذي الاشياء بالنسبه لهم من الضروريات لكن انا معارض لها وبشده ولا اقبل فيها ابداً هل يعتبر ذالك عيب فيني وتخلف مع العلم اني لن اغير نظرتي ذي ابد ومتمسك بها ؟؟ او ان هذا اللي مفروض يكون وهذا هو الشيء المنطقي ؟؟ وكيف التعامل مع خطيبتي واقناعها بالشي اللي فيني علم باني لا اعرف ماهو رائيها بالموضوع من الاساس وقد تكون مثلي في نظرتها لذي الاشياء ؟؟ |
طيب ممكن ان ترسل اختك تسألها وتناقشها في افكارك
وحتفهم وجهة نظرها ماحتكلم بنظرتك لانك قلت انك متمسك فيها وماحتغيرها ابد:( * تحياتي |
مافيه شي يجي بالشدة
اذا كنت تحبها تقدر تبين لها ان هالاشياء مو من ضروريات العصر و شوفيني عايش بدونها وهي بدورها راح تقدس تفكيرك هذا و تستغني معروف تبي اي شي من البنت خذه بالعاطفه .. اذا وفق الله و تمم لك كون لها كل شي عشان ما تفكر باي شي غيرك و تعال لها باسلوب كذا .. بس بقولك حاجة صغيرونة .. ترى هالامور لها طعم ثاني ايام الملكة و حلاتها بين الزوجين يتواصلون عن طريق البرامج ذي و بتشوف هالشي بنفسك و حتغير رايك الله يوفقك و يهنيك يارب |
الحـرمان ماينفع الأيــآم هاذي ابد
لآ مع الزوجة ولا مع الأطفال بإمكانها بكل سهولة تفتح في اي مكان واي زمان الحل في تعزيز الرقابة الذاتية والتوجية السليم و الأستخدام الإيجابي لتقنية بعدين البنت عمرهـآ 17 لسى في فترة المراهقة المعروفة بالعناد والمزاجية فما ينفع الحرمان والرفض لأنه ممكن تعاند وتتمسك في الأشياء دي اكثر كنوع من اثبات الذات سدد وقآرب ..والله يوفقكم |
اقتباس:
اختي صغيره ولا تجيد التحدث في ذي الاشياء وقد توصل لها الموضوع بشكل اخر قد تأخذ عني فكرة غير صحيحه انا من سؤالي عنها انها لا تتعامل بذي الاشياء ابدا واساسا عائلتها محفظه جدا وهذا اللي خلاني اخطبها بالاصل وكنت اتمنى اسمع رايك في ما اشوفه تحياتي لك |
اقتباس:
انا عارف ان مافي شي يجي بالشده وانا ان شاء الله ابي احاول معاها بكل موضوعيه واحاورها بكل لين وابي اكون لها اخ وصديق وزوج وحبيب بس كلش الا ذي الاموور :d اما سالفة ان لها طعم ثاني ايام الملكه انا اشووف انها بالعكس تسبب كثير من المشاكل ولي في اصدقائي اكبر مثل وربي اعرف واحد طلق من مثل ذي الامور وتطنيش وكذا |
اقتباس:
وانا واثق فيها جدا وما اعتبر ذا حرمان اعتبره شي من حقوقي عليها اللاب توب للجميع والبرامج الاخرى مالها داعي وبامكانها نتواصل مع بعض بالرسائل خصوصا ان حالتي الماديه فوق الممتازه اما من ناحية العمر انا خايف من ذي النقطه بالضبط هل تعتبرون انا فارق السن بيننا كبير عشان كذا انا مو متقبل ذي الاشياء |
هذه فعلاً اصبحت من ضروريات العصر والبعض منها مثل الفيس بوك وتويتر هذه لاتحتاجها خطيبتك ابداً اخي الكريم اذا كانت لاتعرف ولاتستخدم هذه الامور وانواع التواصل فلابأس بإمكانك مستقبلاً ان تفتح لها المجال في اللي تشوفه مناسب ويرضيك ولابد تتفهم عمرها 17 سنة صغيرة حاول تتفهم طبيعة المرحلة اللي تمر بها وزي ماقالت الاخت خذها بالعاطفة واللين والحنية
ولابد انها تعرف عن البلاك والواتس وغيرها وتراه مع من هم بعمرها ولعلها تتمنى ان تقتني احداً منها وماان ترى خطيبها او زوجها لايحبذ هذه الامور فلربما ترى انك معقد او متشدد فراعي طبيعة تفكيرها والمرحلة العمرية وفقك الله بماتحبه وترضاه* |
فارق السن ليس كبير على العكس
ولكن ان كنت تتمنى ان تتزوج في القريب العاجل لاانصحك لانها لابد ان تؤهل ان تكون زوجة اولاً ويااما بنات كبار في العشرينات ومنتصفها واكثر ولم يؤهلن ليكن زوجات فحسب التربية الاسرية التي تتلقاها في بيئتها فلابد ان تفهم انك خطبت من هي بعمر المراهقة فتنبه لهذه المرحلة واصبر عليها واغدق عليها من حبك وعطفك وحنانك وستجد مايسرك منها بإذن الله |
اختي الكريمه اهلا بك كنت اضن ان فارق السن قد يكون له دور بس طمنتيني اكثر ولا تظنين اني رافض لذي الاشياء من جهل بما تحتويه بل بالعكس انا جربت اكثرها ومن هنا اقتنعت بانه لا يجي من وراها الا المشاكل خصوصا برامج الجوال وهناك برامج لا داعي لذكرها تركب على اي جوال وربي خراب انا معاك ان هناك برامج مفيدة وقد يكون انسبها الوتس اب للمحافظين لكن نحن كمجتمع قبلي له عادات وتقاليد نرفض ذي الاشياء وليس تشدد او تزمت وانا مع الاخت ان يجب تهيئه الفتاه و توجيهها التوجيه السليم للستخدام الإيجابي لتقنية لكن عندما اشوف البعض يدردش مع زوجتة بالفيس بوك او البلاك بيري ولسته تروح ولسته تجي او اي برنامج واشوف نكها اللي مادري ويش تحس فيه وصورتها الرمزيه اللي ما ادري اشلون جايه وربي استحقره اشلون يقبل على نفسه تكون زوجته في مثل ذي البرامج وين الغيره انا شخصيتي كذا ما اقدر اغيرها |
| الساعة الآن 03:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©