|
ممكن مساعده في ذكرى زواجي
مرهبا مرهبا
كيفكووووووووووووووووم راح ادخل بالموضوع على طول بلا مقدمات ولف ودوران ابي منكم مساعده اذا ممكن ذكرى زواجي قرب وابي افكار للحفله لو سمحتو يعني انتم يالرقاقيل وش تحبو من مفاجئات وكيف احلى لو تكون الحفله مفاجئه او متفقين من قبل على اليوم وايش احلى هديه بنظركم غير الساعات والعطور والاجهزه الكترونيه والجوالات ابغى شي جديد وانتم يالبنات ابدعوني بافكاركوم اتمنى للجميع السعاده والحياه الهدئه مشكورين مقدما |
مرحبآ
آنآ صرآحه من وجهة نظري انو يكون ذكرى الزواج متفق عليه والاثنين يشاارك في ترتيب وتجهييز ليله رومانسيه اذا كنتي حابه تعملي له مفآجأه خليها بعيد ميلاده بتكون اححلى اما االافكآآر امم في كثير ,, مثلا : تختارين لونين محددين انك بتجهزين فيهم وبعدها تعرفين شتسوين مثلا تشتري بالونات ع شكل قلب وتثبتينهم بالاض بقطعة صغيرونه من "شريط لازق" وشوي ع الجدار ونثري شويه شموع من نفس اللونين , وطبعا تكونين مجهزه المفررش اللي ينااسب مع االلونين اللي اخترتيهم .. اشتري ورد طبيعي ونثري منه ع المفرش بالشكل اللي تحبين قلب او فراشه او نثريه عشوائي وجهزي البانيو بالرغوه والماي الدافي وزينيه البابنيو بالشموع وعندي ملاحظظه لك :/ ع فكره وانتي تجهزين تجيك الافكآآر اتمنى اني افدتك وعذرني ع الكلاام الكثير |
مشكوره يالغلا افديني كثير
|
ياليت اقدر افيدك بس من جد اجهل في هذي الامور
بس بتكلم ع الهديه عموما الهديه كل ماكانت انثويه بسيطه عفويه تكون مره احلااا في شي شفته بالنت من يومين وعجبني وهي تاجره تسويلك مسبحه باسم زوجك مره انيقه و حلو تسوين لزوجك شي خاص بأسمه مع تغليف القنت و بوكيه ورد و موفقين |
تقول إحداهن ..
( كلما فكرت بإقامة حفلة عيد ميلاد , تذكرت قول الرسول صلى الله عليه وسلم عند الحوض : إنهـــم مني . فيقال: ( إنك لاتدري ماأحدثــوا بعدك !! يستحق منا التأمل إن كنا نريد مرافقة الحبيب في الفردوس .. الحفلة صلحيها بأي يوم وبدون مناسبة . والله يخليكم لبعض ويديم حبكم . |
هلا قلبي والله اختصاصي الحفلات احبها مره لاني امووت بالتجديد اخر مره في عيد زواجي االثاني طبعا العشا مره ماتعبت نفسي كلمت مطعم ايطاليي اني بسوي حفله وهم قامو بكل شي تخيلي حتى يوم وصلنا للمطعم استقبلونا برا وفتحوا باب السياره مره الصراحه روعه مضبطين العشا والطاوله وشموع وكل شي رومانس وانا عاد مسويه البيت من بدري غرفه النوم لاعبه فيها لعب والصالون حولته لديسكو طبعا بالاضاءات والاجواء الخافته وطاوله الطعام حطيتها في الصالون حطيت عليها الكيكه والشموع في وسطها والكاسات والاطباق كانه في مطعم بالضبط والمناديل وطبعا الاغنيه الرومانسيه مرره واااو والحمام مليت البانيو مويه وحطيت فيه الشمع المضئ اذا سمعتي فيه بمجرد مايلامس المويه ينور والاضاءه الخافته وبخرت الحمام بالعوود وجهزت بيجامته اللي شاريتها طبعا وامناشف مره كان جو شاااااعري والالعا الرومانسيه مره لانسيها اسمعي برسلك رساله ع الخاص اكملك في اشياء خااااصه واي سؤال حاضره ياقلبي بالتوفيق00
|
أنا أخر علمي بالحفلات يوم أتخرج من الابتدائي :d
عندي فكرة إذا عندك له صورة شينة خليها على القاتوة .. أشوف حلو حركات الصرقعة :d بس تعتمد ع طبيعة الزوج |
اقتباس:
مع احترامي الكبير لكلامك الا ان فيه مخالفات شرعيه عيد الزوج محرم شرعا الغناء محرم شرعا التكلف بمثل هذه الامور لا تحسن ولا تجمل الحب بالقلب والعشره وليس بالديسكوا والاعياد المبتدعه والامور المحدثه وانصح صاحبه الموضوع ان لاتتصل بهذه الاخت اما ان تذكر على المكشوف او تتركها لحال سبيلها وانصحها ايضا بعدم التكلف ليله الزواج وان تقراء سوره البقره وعليها بالدعاء وترك التكلف والطيران بالعجه الثقل زين ياجماعه |
اقتباس:
موفقة |
اي والله صح كلامهم
خليها قبل التاريخ بيوم او بعده يعني لايصادف نفس اليوم عشان تبتعدين عن البدعه!! الله يوفقك ويهنيكي |
| الساعة الآن 08:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©