|
هل اطلب من زوجي اثبات لشراكتي ؟
اخواني واخواتي العزيزات ... سبق واستشرتكم في امور ومشاكل قد مررت بها .. ووجدت منكم كل العون اثابكم الله تعالى لاتزال مشكلتي مع زوجي بخصوص منع اولادي من الذهاب لوالدتي . وهم دائما يطلبون منه الذهاب لها فيغضب ويقول لهم : جدتكم ماتبيكم !!!! بس هم يعرفون الوضع .. والمشكله الحين معاملته معي تسوء واصبح يقول انا بديت اكرهك من كرهي لامك انا طبعا رديت عليه باحسن رد وقلت له انا احبك ومستحيل اكرهك وذكرته بالكلام الطيب اللي كان قد قاله ومدحه لي بالصبر على طباعه ...الخ وسألته انت تحبني ؟ فقال : حبك مكلف فانتي تريدين بيت وانا لا استطيع ان ابني لك بيت مع العلم ان لديه عمارتين تجاريات ويبني الثالثه الان وانا لم اضغط عليه مجرد كنت اسولفله عن احلامي بالبيت الجديد وتصميمه وهو كان يسمعني باهتمام ويعدني بان اول ماتخلص العماره يبدا ياخذ من الايجارات ويشتري ارض ويبني شوي شوي ... المهم الايام هذي صاير كل ما اجنمع مع اخوانه يسألونه زوجتك وين تودي فلوسها وين يروح راتبها ليش ماتاخذ منها مبلغ . الزوج يجوز له الاخذ من مال الزوجه . ومن هالكلام . ولما استلمت جمعيه مسويتها مع زميلاتي اخذها مني بالقوه وقال هذي رواتب السواق للسنه الماضيه كلها . انا كنت ما اخليك تدفعينه بس الحين لا . كلام امك فتح ذهني لامور كثيره . وهو يكذب قصده كلام اخوانه . والشغاله اليوم يعصب عليها يوم قلت له لا تعصب عليها احنا نترك صغيرنا عندها . قال عادي انا بكره ابيعها وتجيب لي 15 الف .... صراحه غرييييب !!!!! انا الحين لي عنده 100 الف كنت دافعتها له لاكون شريكه له في عمارتها اللي يبنيها الحين وبعد كم شهر كنت ناويه اخذ قرض عشان اكمل مبلغ الشراكه .. بس اختي حذرتني تقول هو ماسولف على احد انك لك فلوس عنده اكيد ناوي ياخذها . وانا بصراحه ماعاد وثقت فيه . بس كيف اطلبها منه بدون مشاكل . او كيف اضمن حقي على الاقل . حسبي الله ونعم الوكيل فيه . |
أختي الكريمة حاولي أن يكون هذا الأمر عن طريق طرف رسمي ثالث مثل مكتب عقاري أو ما الى ذلك
|
اسمحيلي اقولك غلطااااااااااااااااااااااانه جدا الفلوس لاددخلت بين الزوجين جابت المشاكل وفي النهايه الطلاق بعيد عنك مثل ماصار في اختي الشراكه دمار للحياه الزوجيه المفروض من وقتها جيبتي شهود اخوانك ابوكي اي احد تثقين فيه من اهلك وتكتبين كم اخذ منك علشان مافي مجال للف والدوران واضح من اسلوبه انه ناوي ع نيه والله اعلم واصحك تاخذي قرض لين تستردي فلوسك اتكلمي معاه بهداوه واسلوب لو يعطيكي دفعات اهم شئ يدفعها000وبالتوفيق
|
ياربي .......... احسكم خوفتوني
|
والله الحق حق .. والدنيا فيها حياة وموت على اقل تقدير ...
ومن الضروري توثيق اي شراكه او دين .. بمستند ولو ورقه بسيطه .. يحفظ لك حقك كوني حازمه في امورك الماليه من بداياتها .. ولا تفرطي في امر فيه مصلحتك .. حتى ولو مع زوجك او اختك او اخيك .. او غيرهم .. حفظ للحقوق |
اقتباس:
|
وثقي حقك
الله يسر أمرك يارب |
لنفرض ان زوجك رفض يعترف في شراكتك ومن كلام اخوانه شاف هذا المبلغ مساعده ؟
رح تتطلقي من زوجك رح تهدمي بيتك رح تشتتي عيالك ؟!!!!! عشان فلوس ادري تعبك وشقاك وهو واعد بشي بس اخلف انصحك تجاهلي امر الفلوس واذكري له الموضوع بشكل طبيعي يعني قولي له انا بعد كم شهر باخذ اقرض واكمل مبلغ الشراكه ونسجلها وشوفي ايش يقول اذا طيب خلاص ولاحظتي انه صادق وقتها قولي قلبي الدنيا حياة وموت وابغى اثبت حقي بورقه بشهود باي شي يعجبك وان شاء الله يتفاهم اذا بدا يتهرب ويقول اي شراكه ذكريني والا يستهبل والا حسيتيه مهو صادق قولي يالله خلاص بس المال الحلال مايضيع ومايضيع شي محفوظ عند رب العباد وصيري ارمي كلام عن المال الحرام واضراره واحاديث وبس هنا ينتهي دورك اذا استجاب ورجع فلوسك كان بها مارجعها قولي بوجهه انتي اكلت فلوسي وهي ماخرجت من نيتي ورح تبقى بذمتك واستخلفي فيها رب العباد وانسيها |
مع راي
ياجرح لوعاند واعتبرها حلال عليه وانتي زوجته ودافع فيك مهر ومن هالكلام ماراح تشوفين منه فلس!! الله يعوضك بفلوسك المفروض من الاول طالبه توثيق هالشي او بلاها هاذي الشراكه لان الدنيا فيها صدماات والله يستر من شرها |
والله شكل زوجك يخوف من ناحية الثقة فلذلك يلزم عليك أخذ الاثباتات المناسبه
|
| الساعة الآن 10:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©