|
أفكر بالزواج من اخت صديقي
سلام عليكم مرحبا بكم :) بدخل في الموضوع على طول اسمي حسن وعمري 20 سنه ادرس هندسة في السعوديه لي صديق اعتبره ويعتبرني اخ له :) يعني بالعربي حنا اخوان اكثر من اصحاب ودائما معاه ونشتغل وندرس سوا وحتى اني قريب من اهله اخوانه واعمامه وابناء عمه حتى ابوه المهم من حبي له ودي اخطب اخته لكن انا مبكر على الزواج تفكيري اني اخطب بعد التخرج لكن المشكله اخاف انهم يرفضون فبتصير شوي الامور مش طيبه ويا صاحبي او ان الوالده الله يخليها ترفض هذا الشي واحيانا افكر اقول هل انا صحيح ابي اتزوجها ولا تفكير طائش هذا !! فمادري يا جماعه صاير شوي افكر في شي ممكن ما يصير ما رأيكم |
الله يكتب لك اللي فيه خير
واذا ناوي نية جدية وليس لعب تقدم لها ولايكون لاجل صاحبك كلمه صديقك في الموضوع وشوف ايش رده واذا تقدمت ولا قدر الله رفضوك لاتخلي هذا الشئ ياثر على علاقتك بصديقك لانه في النهاية كله نصيب والله يسهل لك امرك |
مادام تنوي الزواج بعد التخرج فلا تفاتحهم في الموضوع وكمل دراستك وركز عليها وامسك الوظيفة ثم افتح الموضوع ماشوف اي داعي لفتح الموضوع ، والزواج قد يكون بعد 4 سنوات !! فاحتمالية تغيير رايك بعدين كبيرة وقد تتغير معايير اختيار الزوجة عندك وتتوهق مع صاحبك وتعرقل حياة البنت بخطبتك المبكرة كلامك صحيح واظن ان تفكيرك الان متسرع |
كلام سليم :)
أنتظر رأي باقي الاعضاء |
طيب إيش علاقة أنك تحب صاحبك وتعرف جميع قرايبه
وعلاقة أنك تتزوج أخته ..؟؟ خليني أقولك .. إذا كان عندك رغبة في البنت .. يعني شوفتها أو سمعت عنها أو على الأقل حاسس إن قلبك متعلق بها .. فلا مانع أن تلمح لصديقك إنه ودك تتزوج ويشرفك أنه كما جمعتكم علاقة الصداقة أن تتوطد إلى علاقة صهر في يوم من الأيام أما لو ما في راسك شئ عن البنت .. فلا تستعجل فإذا نويت بجد وكانت لك مقدرة عندها تقدم . بارك الله فيك |
اركد شوي يالحبيب
حسني مبارك و بن علي و القذافي راحوا في اقل من سنه فما بالك 4 سنوات راح تصير فيها اشياء و اشياء بعدين يمكن البنت مايعجبك شكلها او انت ماتعجبها و يصير بالموضوع حساسيه شوي بينك وبين صديقك و تخسر الاثنين خلك الان في دراستك و لاتوظفت ان شاء الله يصير خير وربنا يوفئك |
اقتباس:
|
ترا ماله داعي ذكر اسمك ياحسون :d
والعمر كله يارب عقبال 100 سنه بصراحه رائيك مو بمحله ابدا يعني حتى لو فاتحته ووافقو مايمديك تسوي اي شي الا لما تتخرج ممكن فيك عجلة شويتين وتبي الزواج بس تبي خطبه عشان تريح بالك كل هالاشياء لاحق عليها,, بس انت تخرج وربك ييسرها ,, وسوائن وافق صديقك او لا الامر واحد هذي قسمة ونصيب مايحتاج فيها حساسيات الله يوفقك يارب |
أنااا من رأي انه بدررررررررررري جداً على الزواج بااقي لك أقل شئ أربع أو ثلاث سنوات ..
وماتدري يمكن تحجز البنت وتخطبهااا وبعد هالسنين تكبر وتتوسع مادارك ويصير تبي بنت بمواصفات غير ... انااا أفضل وهو الله الأحسن لك يأأخووي تآجل أو تبعد فكرة الخطبه والزواج عن بالك لبعد أربع سنوات أكثر شئ على بال ماتتخرج وتلاقي وظيفة وتحووش كم فلس ووتتقدم وانت مستعد من جميييييييييع النواحي .. ترى كله لمصلحتك وشكل البنوته بعد صغيره اذا انت عمرك 20 اكيد هي اصغر منك والآافضل لها تكمل دراستهااا .. موفق يآآآآآآآآآآآآآرب |
مررررررررررررررة بدري على الزواج
|
| الساعة الآن 06:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©