ساعدوني الله يجزاكم الجنه يارب
 

السلام عليكم ورحمة الله وبركاته
صباحك رضا من رب العالمين بإذن الله ...راح ادخل بالموضوع على طول اول شيء انا متملكه لي ست شهور طبعا زوجي مسافر خارج المملكه للدراسه بس مشكلتي انه مكالماتنا جدا قليله يعني يمكن كل بعد أسبوعين اتصال ومايتعدى الربع ساعه سوالف عاديه وسطحيه ما احس اني فهمت شخصيته اكثر ولاعرفت عنه شي كثير طبعا مابيننا وسيلة اتصال غير الجوال لا أيميل ولاغيره وانا متضايقه من هالشيئ جدا ومافي احد غيركم اشكيله ودي اتقرب منه اكثر لان مطوله لي مملكه وانا ماعرفت عنه الا الشيء البسيييط والبسيط جدا كيف اتقرب منه وانا والله ماقصرت معه ودائم ابدأ بالمباردة بالاتصال بس هو اتصالاته قليله مو مرتااحه ابد احيان اوسوس اقول يمكن ماهو مرتاح معي واحيان اعذره لإنشغاله بالدراسه ولما يكلمني احسسه حيل طيوب بس سؤالي عنه وهتمامه فيني قليل والكل ملاحظ هالشي الي حولي وهالشي حاز بخاطري افيدوني وساعدوني بمشكلتي ذي الله يجعلكم من سكان الفردوس الاعلى امين يارب

الله يجزاك خير وماقصرت بس هو ماطلب التواصل بالمسن وانا محرجه اطلب هالشي منه اما حكاية اذا كان طبعه كذا الله يعين ويصبرني

اذا عاتبته بلطف قال والله مشغول وان شاء الله راح تقدرين وضعي مااقول الا الله يوفقه ويجمعنا على خير

أختي مملكتي زوجي ألف ألف مبروك لا تدعي لشيطان مدخل ولو شيء بسيط فهو يحاول أن يجعل بينكم فجوه من بداية
الأمر على أتفه الأسباب وقد يكون وضعه هناك غير منتظم لا من ناحية النوم أو الدراسه أو المذاكره يعني لازم تقدري
وبعدين حددو يوم بالأسبوع أو يومين وتتصلو على بعض وتطمنو على بعض ولاتهتمي لمن حولك فصدقيني الناس رضاهم
غايت لاتدرك ومادام أنه طيب فلا توسوسي وإن شاء الله يرجع بكره وتتزوجو وتكونو سعيدين يارب العالمين ...شااااب

الله يوفقكم ويجمعكم بخير وينزل بينكم الرحمة والمودة، من الصعب أعطاء رأي لأني لا أدري ماظروف خطيبك، لكن اقترحي عليه فيه طريقة تكون تكلفة الأتصال عليه أقل سعر من أن يكلم بالجوال، وهي يشترك في سمارت فون، هذي شركة تشحن مثلاً 10 دولار وتكلم عليه وفيه رد آلي وتدخل الرقم اللي بتتصل عليه في السعودية، 70 دقيقة بعشرة دولارات على الجوال، أو 100 دقيقة على التيلفون الثابت، وحاولي تقترحين عليه هالفكرة، ولو تكون مكالماتكم على الأقل كل اسبوع لمدة ساعة شي طيب، الله يسعدكم يارب ويوفقكم.

وهذا رابط الشركة:
http://www.ppoutlet.com/

ياعزيزتي أنا أخوي ملك وسافر لدراسه وماكان يقدر يكلم خطيبته بكثره ..
لأن الدراسـه بالخارج جــدا صعبـه وضغط ..
بحوووث ورا بعض وأختبارات مكثفه ومناهج صعبـه للغايه ..
عشان كذا أعـذريه وكوني عضيـده له في هالوقت ..
واذا كلمـك خلي أسلوبك مرح ونسيـه تعب الدراسه ..
ولاتتحسسينـه أنك متضايقه ..
ترا الغربه كربه .. يكفيه هم الغربه .
وبأذن الله يرجع وتفتخـرين فيه ..
والله يوفقكم ويسعـدكم يارب ..

السلام عليكم

اختي اعذريه اكيد مشغول بس ممكن تقترحي عليه موضوع المسن ... علي
اساس انه ارخص له

الشي الثاني لا تستني منه. مبادرة بالايميل
انتي بادري و ارسلي له كل يومين ايميل تطمني عليه
اخيرا في برنامج اتصالات رخيص اسمه. Smslisto
الدقييقة. ب 5 سنت للسعودية للتلقونات الارضي
اعطيه اسمه يمكن سبب قلة الاتصالات هو غلا المكالمات