|
أخوي يبي يخطب بنت عمي < أنا محتارة
السلام عليكم ورحمة الله وبركاته ,,,
أخوي اللي يصغرني بعام قرر الزواج من بنت عمي ,, ويقول أنا ماأبي أتقدم لها رسمي من البداية ... وطلب مني أن تكون البداية عن طريقي ,, يعني آخذ رأيها اذا موافقه أو لا ,, << طبعاً أنا كان عندي ومازال احساس يقول : ان ابن عمي يرغب بالزواج مني لكن متردد !! وعلشان كذا أنا قلت في نفسي : تمهيدي لزواج أخوي من بنت عمي يشجع أخوها للزواج مني ! المهم : أخوي يلح علي بأن أخبر بنت عمي باتصال هاتفي أو رسالة وآخذ رأيها ... أنا مترررددة وماني عارفة كيف الاسلوب والطريقة اللي أكلمها فيها وبنفس الوقت أتمنى أني ما أتدخل بهالموضوع هذا أبداً ,,, والله ماني عارفه وراسي مليان وتفكيري مششششششششوش أنتظر ردودكم ونصائحكم وجزاكــــــم الله خير |
حب لأخيك ماتحب لنفسـك
|
ايش قصدك بالضبط ؟؟
انا ابي طريقة مناسبة أكلمها عن الموضوع وكذا |... أنتظر ردود بقية الاعضاء |
وعليكم السلام ورحمة الله وبركاته
انا لا اعرف مدى علاقتك مع ابنت عمك لاكن بعطيك وجهة نظري اذا كان اخوك مو مستعجل على الزواج انا برايي ماتدخلي دغري مع بنت العم وتقولي اخوي يبيك زوجه له وبيتقدم لك عشان ماتنصدمين وتصدمين اخوك بشي . ارسلي لها تلميح فقط مثال : قولي لها اخوي اذا جاء طاريك احسه يشرد فكره شكله طايح بهواك وحنا ياغافل لك الله خليها بضحكه كذا وشوفي ردها واذا ماردت ازعجيها فتره بنفس الأسلوب لما ترد وراح تعرفي من ردها كل شي اذا الأمور زينه قولي تراه بيخطبك في الايام الجايه وفقني ووفقكم الله |
اقتباس:
أعجبني ردك ,, لكن أنا بصراحة مافي رسايل بيني وبينها نهائي لانها اصغر مني بثلاث سنوات هي تقريبا علاقتها مع اختي اللي بسنها اكثر ... بس أختي رفضت تلمح لها بالموضوع وقالت انا ماراح اتدخل بالموضوع وماأحب أكون خطابة ! وحتى انا بصراحة ماحبيت إني أتحشر بالموضوع وتمنيت ان امي هي تبلغهم او ابوي وخلاص ,,, وغير كذا اخاف اذا ماتوفق اخوي بالزواج او مااعجبته بيلومني انا !! والله تفكيري مشوش اعذروني ,, في اشياء كثيير بس ماني عارفه كيف اوضح وخصوصاً اني حاسه ان اخوها بيتقدم انا عن قريب .. وماني عارفه كيف اخلي علاقتي معاهم ,, |
قولي لها انه اخوي ناوي يتزوج
وانا فكرت فيك لانك بنت عمي وش رايك ؟ اخذ رايك بالبداية قبل لايصير كل شي رسمي وقولي انه الموضوع حاليا مجرد افكار والله يوفق الجميع |
ليه خايفه من ااموضوع وشايله همه وتحسين حاشره نفسك بالعكس
اخوك طلب منك تسالينها وتاخذين رايها مبدئيا يعني لو ماتم الموضوع او ماعجبته هذي مب مشكلتك لا مب انتي اللي اخترتيها والا اجبرتيه ياخذها هو بارادته اختارها وكل مافي الموضوع انك تسالينها عن رايها هل ترحب بفكرة ان اخوك يخطبها او لا ماتبيه يتقدم لها احسن من انها تكون خطبه رسميه وتخرب العلاقه او تتوتر لاتعطين الموضوع اكبر من حجمه اذا رحتي لبيتهم قوليلها وشوفي رايها وقولي لاخوك وانتهى الموضوع |
اقتباس:
عندي شعور بانك خايفه انه لو بنت عمك رفضت أخوكي انه تصير حساسية ويتأثر موضوعك انتي وابن عمك توكلي على الله أولا :) ثانيا .. لو تكلمتي مع بنت عمك بينك وبينها وبدون ما أهلك أو اهلها يعرفوا ما راح يصير حساسية ولا زعل بينهم لأنهم ما عرفوا .. بس انتي وأخوكي وهي . وأنا احترم أخوكي لأنه طلب رأيها بالأول حتى يتاكد بأنها موافقة وما تنغصب من أهلها لو قالهم هم بالأول . تشجعي ومهدي للموضوع مثل ما اقترح الأخ ابو شنان .. لمحي بس وشوفي نظرة عيونها وتعابير وجهها واذا شفتيها مرتاحة اسأليها بشكل مباشر .. وتقدري تلمحي وبعدها تصرحي بنفس الجلسة .. الموضوع سهل وما يحتاج تردد أو تحضير طويل . ننتظر أخبار طية :) الله يجيب اللي فيه الخير للجميع ويوفقكم :) |
جزاكم الله خير جميعاً ...
بالفعل أختي بيتا .. اللي موترني في الموضوع إنو اخوها في احتمال كبير بيتقدملي ,, وأخاف لانو احيانا زل باللسان تفركش الموضوع ,,, وأنا أحب أكون عند حسن ظنهم ,,, لكن ان شاء الله ربي ييسر الامور .... |
شوفي لو اخوك اتقدم رسمي و رفضوه
ساعتها ممكن فعلا تحصل حساسيات بين الاسرة و يرفضوا ابن عمك اذا تقدم لك لكن لو فقط تم الرفض من الفتاة بدون ماحد يدري .. خلااص (هنا حفرنا و طمرنا :) يعني جسك لنبض بنت عمك في مصلحتك :) مافيها توتر المسألة زوريها .. او اطلعوا كلكم سوى بعدها اتصلي على اخوك يروحكم وبعد ماتقفلي السماعة معاه قولي الله يرضى عليه فلان طيب و حبووب يابخت الي بتاخذه :) مفكر يتزوج ربي يوفقه وابتسمي.. وصدقيني راح تفهمها يومين ولا 3 و اطلعوا مرة ثانية .. وقولي لها الموضوع دايركت ايش رايك .. لو ماتبيه عادي واحنا نضل عيال عم و الموضوع ينتهي هنا و خلاص صدقيني مافي بالقلب اي احقاد ولو في قبول منك باقول لاهلي يجوكم رسمي .. ها ايش رايك ؟؟؟ وانتهينا لا تقلقي |
| الساعة الآن 07:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©