|
دراستي وخطيبي واهلي
السلام عليكم
ابغى ماعدتكم والحل دقايق بس حطوا نفسكم مكاني انا مخطوبه من مده طويله واكلم خطيبي بدون ماحد يدري من مده طويله المهم السالوفه طويله شوفها وساعدوني وربي اكتب وانا ابكي من الهم اللي فيني والمفروض القانون اللي عند اهلي اني لازم اخلص دراستي عشان اتزوج ..وانا لي سنين وانا ادرس بالجامعه وماتخرجت او بالاصح مانجحت وكل سنه وانا احاول المهم الترم الاول كان المفروض اني انهي دراستي لكن الله ماكتب لي هالشيء ومانجحت ..وعشان كذا كان المخطط له اني هالترم اعتذر عن الجامعه واكمل مع خطيبي لما نتزوج .حاولت باهلي اقنعهم اني مااكمل هالترم طبعا هم مايدرون اني اكلمه اصلا بس اهلي رافضين الفكره كليا وحتى انا اصلا لو بقعد بالبيت اهلي ماراح يرحموني من نظراتهم هاذا غير التعذيب اللي بيصير لي لاني جالسه ماداومت ..وخطيبيب طبعا زعلان لدرجه مو راضي يكلمني نهائيا :( . .انا اللحين اليوم وبكره عندي فرصه اني اعتذر عن دراستي من الجامعه وش اسوي وربي تعبت وربي اكتب لكم وانا ابكي ماابي اخسره ومابي اخسر اهلي ساعدوني قبل لا انهبل |
هلا فيك ...
نصيحه لوجه الله اضغطي ع نفسك وانجحي بالترم الباقي لضمان مستقبلك .. بالنسبه لمحبتك له الله يوفقك ويوفقه,, لا تخسري دراستك ,, اكسبس اخلبك وارجعي حق خطيبك وتفاهموا واوعديه بأنه الفصل هذا تخلصي دراسهوو بسألك اختي خطيبك ليش زعلان ؟ |
الله يفرج همك كملي هذا الفصل وتفاهمي مع خطيبك ولازم هو يقدر وضعك موفقه |
زعلان!!! ياليت بس زعلان اللي مايكلمني :(:(:(:(:(:(
تتوقع ليش؟؟ لان انا واياه متفقين اني المفروض هالترم اعتذر عن دراستي وهو يتقدم لي عشان نكون مع بعض وبعدين لما نتزوج اكمل معه ..بس انا استخرت وصار العكس وكل شيء صار عكس اللي خططنا له انا كلمت اهلي عشان اجلس هالترم بس هاوشوني وقالوا لازم تكملين هالترم عشان تكملين دراستك لان لسى باقي لي سنتين يمكن عشان اخلص فهذا اللي مزعله واحترت ماعرفت وش اسوي خطيبي :( اهلي ودراستي احبه وامووووت فيه وخايفه اخسره بسبب دراستي واهلي وربي مادري وش بسوي بنفسي من الضيقه اللي فيني من صار هالموضوع وانا لا نوم اعرف ولا حتى الاكل ااااااهـ بس ساعدوني |
هلا فيك ،،،
انا فهمت الموظوع ,,, كثير من البنات تزوجوا وهم يدرسوا وكمان الحمد لله ناجحين ,,, فموضوع انك تكملي وبعدين تتزوجي او تزوجي وتكملي .. انا شايف انه تزوجي وخليك بدراستك ,,, اقنعي اهلك ,,, لأن الرجال اذا حرمتيه من شي تخافي انه يروح للحرام او يتركك ويتزوج عليك لا سمح الله ,, فخذي بالنصيحه وتزوجي وانتي تدرسي بس اضغطي واقنعي اهلك الله ييسر لك امورك يا اختي |
أختي الكريمه أذا كنتم تكلمون بعض ولم يعقد قرانكم بعد فهذا غلط ولايجوز غير أن مكالمتكم لبعض فتحت مشاكل لك كنتي في غنى عنها فلو ماكان بينكم
تواصل ماكنتي الآن بهالحيره وكان الكلام والتواصل بينه وبينه اهلك هذا في حال أنه لم يعقد قرانكم :) طيب عزيزتي ليه زوجك مايكلم اهلك ويوضح لهم رغبته بالزواج الآن ويوضح لهم أنك ستكملي دراستك معه بعد الزواج ؟! او يطلب أهله يكلموا أهلك بالذات انك ترسبين يعني السنوات حتكون دبل ؟ الله يوفقك ويسهل لك ويكتب لك مافيه خير وصالح لك |
اللي صار صار لاحد يقول لو ..لاتزيدون همي:(
كيف اهلي يقتنعون هنا المشكله |
جاوبني مالي غيركم يساعدني
|
حاولي تضغطين على نفسك هذا الترم ولا تكلمينة الا اذا نجحتي لانة هو يبغاك تنجحين يمكن كنتي ترسبين لانك تكلمينة وشاغل تفكيرك هو
نصيحة مني اهتمي بدراستك وربي مراح ينفعك لازوج ولا اهل ماينفعك غير شهادتك نصيحة من وحدة مجربة انتبهي على دراستك خلصي دراسة وبعدين الزواج لاحقة علية |
حبيبتي:محد بينفعك لا اهلك ولا خطيبك غير شهادتك ودراستك
حاولي تكملي وتنجحي رضى اهلك اول وبعدين خطيبك قوليله سويت استخاره .....والخ وبس |
| الساعة الآن 07:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©