|
والله همي كبير
السلام عليكم ورحمة الله وبركاته
ارجو من الله ان الاقي حل لمشكلتي معكم وارجوكم ساعدوني تراني تعبت وجسمي نحف وذبل أنا امرأه متزوجه من 12 سنه تقريبا وزواجي كان عن حب بيني وبين زوجي مشكلتي بدأت في السنه الاولى من زواجي علاقاته النسائيه تسببت لي الكثير من المشاكل ادت الى طلاقي مرتين المهم تحملت كثيير علشان أولادي مشكلتي الاساسيه واللي الحين أنا فيها ان زوجي تعرف على وحده من غير جنسيتي أنا خليجيه وهي من دول المغرب كانت بداية علاقتهم عمل هي تبحث عن عمل وزوجي يساعدها وتطورت العلاقه أكثر واكثر واكثر لحد تعلقه بها وأخيرا وصل الامر بي انه يمد ايده عليي ويضربني ضرب مبرح لأني ماارضى باللي اشوفه وكلمت اهلي وماباليد حيله وأخيرا اسمع من ناس انه تزوج بها واأجر لها شقه واشترى لها سياره وطبعا هو ينكر كل الكلام اللي اسمعه واللي اشوفه أخيرا صار ينام كل اسبوع برع البيت ويسهر لحد الصبح وأيام مانشوفه أبدا وانا احاول أتمالك نفسي وماتكلم لكن يوصل الامر انه يهجرني ويبتعد عني ويخاصمني وطبعا قبلها طردني من البيت اللي بنيناه أنا وهو ويمكن أنا اكثر وغير المبالغ اللي سلفته أرجوكم ساعدوني تراني والله منهاره وماحد راضي يساعدني |
الله يكون بعونك حبيبتي , وفوضي آمرك لله .[ وعلى الله فليتوكل المتوكلون]
زوجك هجرك وخاصمك لأنه طبق المقوله ~> [ عرض الصياح بالصياح تسلم ] وان شاء الله يكون ماتزوجها . وان كان فعلا تزوجها حاولي تعرفين الأسباب الي دفعته للزواج بها , وقولي له انا مقصره عليك بإيشْ ,, وخلي احد من اخوانه ولا ابوه يكلمه ويرده لصوابه !! ومعليش حبيبتي تصبري عشان أولادك . والله يرده لك وان شاء الله يكون الي سمعتيه مجرد اشاعات . |
اختى الفاضله او شيء انتى الغلطانه لانك ماخذيتى موقف من الاول بس خلاص اللى صارصار مدام انك ضحيتى عشان عيالك كلميه قوليلو مدام انك اتزوجتها اعدل بينا يعنى ليله بليله معليش هو صعب بس ايش تسوى اصبرى ولاتعبين نفسيتك عشانو عيشى حياتك وديرى بالك على عيالك مالك شغل قيه وربى ييسر لك الخير ان شاءالله ولاتسمعين لكلام الناس حاولى اجذبيه ليكى واى واحد يقولك زوجك راح عندها وسوالها قليلهم ماابغى اعرف اخبارها ولااخبارو
وربى عيالك |
ما باليد حيلة اختي
الرجال اذا وصلت به لدرجة يضرب مرته مشان وحدة ثانية خلااااص وكلي امرك لله وربنا راح يحاسبه على اعماله |
والله أني مامقصره فيه حتى لما كنت اناقشه في نفس الموضوع يثور ويتضايق ويتعمد يسوي كذيه علشان يطلع من البيت أنا كلمت امه ولما ناقشته صار النقاش ضدي أني أنا اللي احاول اطفشه من البيت وان أنا اتهمه بالباطل صدقوني اوقات يصير مثل العسل بس اذا سكتت على أفعاله وينفذلي كل طلباتي بس اعرف ان قلبه مامعي - تعبت من الضرب والاهانه والطرد من بيتي حتى الدجالين رحتلهم وعرفت طريقهم وقالوا اللي مااريد اعرفه بس لو اعرف وين تسكن علشان ابرد اللي في قلبي وابين صدقه من كذبه
|
والله صابره على أفعاله يشرب الخمر - ومايصلي ولا يصوم وانا كل يوم ادعي ربي انه يهديه ويصلحه وربي كريم عطوني حل أرجوكم الحين هو هاجرني وينام بالغرفه الثانيه ولا يكلمني ولا بينا اي تواصل والسبب أني ماعاجبني اللي يسويه في وفي أولادي ولما تناقشت معه راح يمد ايده ويضربني ضرب أعوذ بالله منه وامر الشغاله تشيل الراضي وثيابي وترميهم برع وقدام أولادي حصل هذا الشي وانا متحمله ومن يومها لا يكلمني ولا اكلمه ونايم بعيد عني شوفولي حل أرجوكم
|
باختصار عودي كما كنت سابقاً المرأة التي عشقها زوجك وتزوج بها
زوجك افتقد هذا فيكِ وأخذ يبحث عن أخرى..!! بالإضافة إلى أن تمسكك به بهذا الشكل ومحاصرته يزيد نفوره وهذا آخر ما يريد في المرأة.. ويتضح لي بأن زوجك يحب المرأة التي تحب نفسها كثيراً.. يحب أن يبقى هو يركض خلفها لا هي من تركض خلفه.. أما مسألة الصلاة والصيام وشرب الخمر فإن كان هذا حاله من قبل زواجك به فأنت من ألقى بنفسك في هذا النفق المظلم.. |
اقتباس:
شلون يعني أفهم من كلامك انك رحتي لدجالين . يعني سحره !! افا يً اختي تشركين بربك عشان زوجك تزوج عليك خيبه ..,, |
اقتباس:
هذى نقطة ..النقطة التانية انك ما وضعت حدود لزوجك في مسالة ضربك واهانتك من البداية وتنازلت عن حقوقك وهو مع سؤء اخلاقه وانانيته دفعتي له اموالك الرجل لايحب المراه الضعيفة التي تبقى معه مهما اهانها وضربها وطردها وان بقى معها اما لمالها او لمتعته الشخصية واكيد سيبحث عن اخرى لها هيبتها وشخصيتها اختي ابتعدي عن الدجالين ولا تذهبي اليهم ابدا لاتبيعي دينك واخرتك بعرض من الدنيا اذا اخترت البقاء مع زوجك وهذا ما احسه في كتابتك فأعلمي الحياة قصيرة لاتقضيها في الهم والحزن عيشي لنفسك وابنائك اشغلي نفسك فيما يفيدك ربي ابناءك افضل تربيه عيشي كانك غير متزوجه او ارمله وان حضر زوجك في يوم من الايام ادي ما عليك من حقوق وواجبات لاتنتظري منه شيئا ولا تتذللي له اتركيه ولا تنسي الدعاء في كل حين ووقت فالله هو مدبر الامور لا يملك زوجك من امره شيئا ناصيته بيد الله وقلبه بين اصبعين من اصابع الله يقلبها كيف يشاء اتركي زوجك واستعيني بالله وتضرعي اليه وعليك وعليكي بالاستغفار قال تعالى (وماكان الله بمعذبهم وهم يستغفرون) ا |
نصيحه لاتواجه جوزك ابد
جوازك لو يحبها كان اعترف بجوازه منها قدام ناس وحطك في امر الوقع مادم ينكر فهدا يدل اما تكون هي زوجه لي تسلية ووناسه للجنس بس عشان كيدا تركيه لاتجادل معه تري اكره شيء عند رجل رفع صوت ومجادله انتي اهتمي بنفسك وبجسمك ادا كنت سمينه انحفي واهتمي ببشرتك ونوعمتها وشعرك وادا جاء في بيت ابتسمي وعامليه بطيبه وحسنه لاتكشير في وجهه ابد لاتقول فين رحت فين جيت عادي كانو مافي شيء ادلعي عليه خالي كلامك دلع من تجربه ثقافيه نفسك في امور جنسيه |
| الساعة الآن 09:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©