زوجي يشرب خمر
 

السلام عليكم ...انا متزوجة من 8 سنوات ولدي 3 اطفال ....زوجي من عايلة محترمة ..اول زواجي لاحظت ان زوجي يحبني ويحاول يتفانى في خدمتي ويحمد الله علي وبعد شهر صرت الاحظه يتملل وحسيت انه منزعج ويهاوشني ..واذا دخل الحمام (الحمام الثاني للضيوف غير حمامنا الخاص)الاحظ انه يطوووووووول واذا طلع القا عونه حمرا ونفسيته زفت !!!...ومره بالصدفة لقيت تحت المرحاض كيس ابيض عليه صورة شيشة !!!....واجهته وقال معسل ...بعد مرور السنين والنصح كان يوميا يتغدى ثم ينام اول مايجي من دوامه واذا صحا المغرب شرب بيالة شاهي عالسريع ويطلع برا البيت من المغرب ومايجي الا مع الفجر وايام الاجازات مايجي الا سبع او تسع الصبح...والادهى انه كان مايرد عاى اتصالاتي حتى مره ارسلت له البيت فيه حريقة تعال تكفى ويوم جا الصبح لقيت الرساله ما فتحت اصلا !!!!.......بكيت نصحت هددت قلت لاهلي قالت امي تعالي عندنا ورفضت تكلمه .....اهلي كانو بمنطقة ثانية وانا كنت ادرس بالجامعة ونهاية الاسبوع اقول ودني لبيت خالتي مليت من الوحدة ..ووداني ويوم نزلت دق علي وقال انا بسافر وبرجع يوم الجمعة !!!...انا انهرت وتكررت هذي الحركة منه كم مره .....اضطر اني انام عند بيوت خالاتي او بيت جدي وما معي اي اغراض وطبعا هو مايرد على اي مكالمه لين يرجع .....الحين صارعندي اطفال واهلى استقروا بمنطقتنا بس يوم الاربعاء ينزلني عندهم ويقول بجيكم شوي بعدين يسفهني ومايجي الا يوم الجمعة ..ومره رجعني اخوي لبيتي ولقيته يشرب ويدردش مع بنات ويواعدهم !!!..اخوي شافه واخذني بيت اهلي كم يوم ورجع زوجي يترجاني ارجع وانكر كل اللي شفناه انا واخوي!!!!!..........وبعدين رجعت للبيت وقعد اسبوعين ماطلع ولاشرب وكان طفشان وامس وداني لمكة يومين مع امه واول مارجعت قالي ان عنده انتداب وكنت حلفت له انه مايروح انتداب الا وانا معه او يكنسل انتدابه ..طبعا رفض واصر يروح لحاله ويتحجج بكذا عذر ..قلت له اختر انا او الانتداب وبكره الثلثاء راح يمشي وانا قررت اروح بيت اهلي ........
ملاحظة :اول زواجي صابتني التهابات شدييييييييييييييدة لمدة سبع شهور وقالت لي الدكتوره انها مرض السيلان ولكن خلاياه ميته من فضل ربي وقالت انه منتقل لك من زوجك عن طريق السفرات ...طبعا زوجي ضحك بكل برود وقال لاتصدقينهم ..!!!

انا سالت امه قريب وقالت لي انه يشرب من قبل زواجي !!!
انا الحين محتاره اطلب الطلاق او لا ؟ ......اكثر الناس يقولون اصبري واهلي رفضوا يواجهونه يقولون عشان مايفصخ الحيا .....لكن انا تعبت وهو ماعنده نيه يعترف او يعتذر .....والمشكله ان غيرتي شدييييييدة ......مالحل؟

الله يعينك يااااارب ويهديه لك ويصلحه لطريق الهدايا يارب

امين ........جزاك الله خير

اح اح يشرب خمر
الله يعينك ويصبر قليبك . وديه لأقرب مستشفى . وعلمي اهلك عليه وحاولي تتقربين منه واعرفي وش الاسباب الي تدفعه للشرب
وحطي ببالك ان آخر شيء تفكرين فيه هو الطلاق
طيب اوكي نفرض انك لاسمح الله تطلقتي . ايش راح تستفيدين ؟؟
اول شيء راح يطلق عليك لقب مطلقه وميه بالميه راح يحطون العيب فيك مو من الرجال
لأن هالايام صارو يناظرون الرجال علا انهم ملاك مايغلطون . وهم مادرو انهم اساس الغلط
بعدين والله حرام عندك اطفال . كملي حياتك مع ابوهم عشانهم !!
لاتخلين للشيطان صلطه عليك .. وزوجك لازم تعالجينه دامه يشرب مدري يتعاطى .
واحتمال المناعه ضعيفه عنده وبيصبح جسمه قابل للأمراض ,,
وطلعي النت عن بيتك ولا تخلينه يدردش ترا ماضيعهم الا هالشاتات
والله يكتب لك الخير

جزاك الله خير يا اختي ....لكن هو عنيييييد مستحيل يوافق على طلباتي ....اساسا هو للحين يكابر ويقول اني اتوهم!!!

السلام عليكم ورحمة الله تعالى وبركاته

أطلبي الطلاق الله الغني عنة ، هذا الشخص غير صالح للمعاشرة الأدمية

مدة صلاحية معاشرتة أنتهت ، أذهبي وأطفالك إلى أهلك

ولاتندمي علية ، بل أفرحي ، لانه لايليق بكِ أن تعاشري من يجعل الله أهون الناظرين

خمر ، ومخدرات ، ولايصلي ، وخائن ، ومهمل ، وغير متحملٍ للمسؤولية ، ومريض بأمراض الزنا

ماذا تنتظرين أكثر ؟ أن يرمي بكِ أنتِ وأطفالكِ في هاوية الطريق ؟ أو أن تصابي منة بالأيدز ؟

خروج بألم .

والله يا اخي انا ساذهب لاهلي وساعطيه فرصة اخيره لاجل بناتي فقط ........المشكلة ان حسادي من اقرباءه كثر ومن اول زواجي وهم يحاولون النيل مني ...خاصة اننا نسكن فيلا مساحتها قرابة الالف متر وانه ابوه من عائلة مرموقة ....والناصحين يقولون لا تشمتين العدوان وتضيعين بناتك ......لكني ساستخير وساتكل على الله ..........جزاك الله خير

أخي المتفائل
كلامك صحيح
بس انت حطها بمكانت اختك راح ترضا عليها الطلاق ؟؟
طلاق تراه مو لعبه . وراه تشتت ووراه بلاوي وبتحرم بناتها من ابوهم
اختي شغلي البقره ببيتك واقري انتي وزوجك عند المشايخه يمكن الي فيكم عين
وحسبك الله ونعم الوكيل علا من حسدك . استغفر الله وهم مالهم شغله الا حسد الناس

أختي في الله

أعلم ماهو شعورك والله العظيم ، ولكن لاتشتري الدنيا على حساب آخرتك ، هذا الزوج لايصلح لأي شيء

ألم تفكري ماذا لو نقل لكِ مرضاً مستعصياً ؟ وألم تعرفي بأنه لايجوز شرعاً معاشرة من لايصلي فما بالكِ باللذي لايصلي ويشرب الخمر ويتعاطى المخدرات ويزني ويخون ؟

تطلقي منة ولاتندمي علية مثقال ذرة ، الله الغني عنه وعن فيلتة وعن رماقة أهله ، كلها لن تفيدك ولن تعينك على ما أنتي فيه .

أشتري آخرتك .