|
زوجي يحبني ولكن لديه ضعف جنسي
السلام عليكم ورحمة الله وبركاته
باكتب لكم مشكلتي باختصار. واتمنى من الله ان تساعدوني لاني في قلق. وحيررره. اسال الله ان يساعد من ساعدني. تزوجت قبل عشر سنوات بابن عمي. انا من مكه المكرمه. وانتقلت لمنطقة زوجي. وهي قريه بسيطه جدا. عجبتني الحياة في القريه. زوجي يحبني بجنوووون. وانا بادلته نفس الشعوور. انجبنا ثلاثة اطفال. ولله الحمد. متفوقين وموهوبين ولله الحمد. قبل سنه ذهبت لاهلي لمدة شهر لان كان عندهم مناسبه. بصراحة لا اخفيكم سرا. اني اشتقت لحياة المدينه وصخبهاا و و احسست بملل فظيع من حياتي. واحسست ان اولادي سيصبحون اقل من غيرهم. مادري ليه جاني هالاحساس. بعدها جاتني فكره غرييبه !! انا معلمه ومرتبي قوق 12الف ولله الحمد. زوجي من سبع اشهر اصيب بضعف جنسي وعرض نفسه لطبيب. اخبره ان لديه هرمونات ولازال يحاول العلاج. ولا فائده. هذا عزز من الفكره الغريبه اللي جاتني وهي انني اتطلق. واخذ شقه بجانب اهلي بمكه. وادرس اولادي باحسن مدارس. واتمتع بحياتي بجانب اهلي. ومافي مانع اعيد تجربة الزواج !! زوجي يحبني. لكنه يكره اي رحلات سياحيه او تمشيه لو بسيطه. زوجي يحبني لكنه لايهتم بمظهره ولاشكله زوجي يحبني بجنووون ولازلت احبه. لكن هذه الافكار تراودني صباح مسااء * |
زوجك الرغبه عنده معدومه
او ممكن مره في الشهر ؟ اذا هي معدومه فمن حقك تتطلقين وتتزوجين اللي يعفك بس مو من حقك تحرمين اطفال من ابوهم لمجرد انه مايهتم بشكله ولا يحب الرحلات والسياحه انتي شايفه موقفك قوي بسبب الوضيفه واهلك بس موقف اولادك ضعيف لانه يتمنون يعيشون مع ام واب حتى لو غرتهم حياة المدينه في البدايه الا ان في نقص رح يكبر بداخلهم رح يسالوك بيوم ياماما ليش تركتي بابا ماكنا نشوفه يضربك ولا يهينك وكان يحبك ويحبنا ليه حرمتينا منه او حرمتينا منك لانك بزواجك رح تتركي حضانة اطفالك لابوهم وهذا من حقه ومن حقه يساومك على الطلاق مقابل تنازلك عن الاطفال المني جدااااااااا موضوعك وحسيت انك انثى تبحث عن مصلحتها فقط وراحتها بغض النظر عن مستقبل ومشاعر الابناء والزوج الذي قدر الله عليه ان يبتلاء بما ابتلي به من مرض |
بالنسبه للرغبه غير معدومه
لكن لا يتم الانتصاب. ماعرف صراحه هل هذا ضعف جنسي ام ضعف انتصاب !! انا تعبت من كلام زميلاتي صرراحه. كلهم يسالون كيف قدرتي تعيشي بها القريه !! انا كنت اخر بسطه على هدووءها لكن مادري ايش اللي تغيرر داخلي. المشكله كلما شفت حب زوجي لي. اتحسسر من هالافكار. واقول بخاطري. ليه مايعوض الحرمان اللي عندي بالرحلات والسفريات ياناااس من حقي اعيش !! |
هذا ليس تفكيرك وانما تفكير الشيطان بان تطلبي الطلاق وتعيشي في بيت في المدينة بعد زواج دام سنوات؟؟؟؟
التفريق بين الزوج وزوجته، إن هذا من أحب الأعمال إلى الشيطان. (إن إبليس يضع عرشه على الماء، ثم يبعث سراياه (جنوده)، فأدناهم منه منزلة: أعظمهم فتنة (إغواءً وإفسادًا) يجيء أحدهم، فيقول: فعلتُ كذا وكذا، فيقول: ما صنعتَ شيئًا. ثم يجيء أحدهم فيقول: ما تركته حتى فرقتُ بينه وبين امرأته، فيدنيه منه ويقول: نِعْمَ أنتَ، فيلتزمه (أي: يحتضنه)) [مسلم]. استعيذي من الشيطان الرجيم واستغفري والله يهدي بالك ويبعد عنك التفكير السلبي |
لي من اول مشكلة تواجه زوجك تفكري تتخلين عنه والله اذا كنت مكانه وهو فكر نفس تفكيرك ما رضيتي يا اختي خليكي واقفه معاه في محنته وادعيله من قلبك ان الله يشفيه
بالنسبة لموضوع انه زوجك ما يحب السفر والتمشيات حاولي انك تحببيه في ها لشي يعني ممكن تحجزي تذاكر سياحية لداخل المملكة -طبعا انا ما اعرف شخصية زوجك واذا كان بيرضي على هالتصرف-بس خليه له مفاجاة وحاولي انك تمتعيه وتسعديه في هذي الرحلة وخليها احلى ايام زواجكم عشان يتحمس ويعيد التجربة حتى الطلعات والتمشيات خليها اوقات ممتعة وسعيدة واشكريه جدا اذا اذا رجعتو وكافئيه ثاني يوم بغدا مميز او بليلة رومنسية ... حبيبتي ابنك على ماتربيه وزوجك على ما تعوديه موضوع الاهتمام بالمظهر والبس سهل جدا وممتع من تجربتي زوجي كان يهتم بلبسه بس كنت احس انه مو مرتب ومو عاجبني لبسه بس فكرت اني استغل طلعاتي للسوق واشتريله الي احب اشوفه عليه كل شي اشتريت له مو مرة وحده لا مثلا في المناسبات واذا كان عنذه مقابله مهمه اروح واشتريله او في الاعياد حتى الساعة والقمصان والعطور وصار يلاحظ مدح زملانه واصحابه حتى صار ينزل معاي ويشتري وشويه شوية ذوقة صار احلى منى ماشاء الله حاولي ان لاتنقلي كرهك للقريه لاولادك بل حببيهم فيها .. بصراحة احس ان القرية افضل بكثير من ناحيه تربيه الابناء والسلوك ..ما شاء الله تبارك الرحمن انا اشوف انه مو ناقصك شئ متعلمة ومعلمة وزوجة وام وحالة ماديه ممتازة وقبل ذلك كله الصحة...كلها تعم تنتظر من صاحبها شكر الله عليها فغيرك ومه كثر من لايملكون نصفها بل ربعها بل اقل من ذلك اختي ارى ان ما ينقصك هو( القناعه) فمفهوم السعادة هي ان نحب ما نملك لا ان نملك ما نحب ان الرجال الذين هم مثل زوجك ليس من السهل ان نجدهم وما يدريك يا اختي ان كنت ستجدي السعادة في زوج اخر غير زوجك العلم عند الله ولكن كما قالو عصفور في اليد خير من عشرة على الشجر اخر ما اوصيك بة ان لاتراقبي الناس فمن راقب الناس مات هما وانظري الى من هم دونك لتستشعري نعم الله عليك واستعيذي من الشيطان الرجيم ونزغاته |
الله يجزيكم خير
اختي سوسو. والله تاثرت من كلامك. الله ينور درربك |
اقتباس:
|
هذي افكار شيطان يبغا يبعدك بينك وبين زووجك
زوجك ماشاءلله يحبك ويمووت فيكِ ليش تطلبي الطلاق .. بخصوص الضعف الجنسي ان شاءلله فترة وبيرجع لك مثل اول وأحسن .. بس انتي خليكِ معاه وساعديه وعززي ثقته بنفسه آآكتر .. أكييد هو كمان زعلانه على هالحال .. ماشاءلله تبارك الله موظفة وعندك اولاد وزوجك مايعيبه غير اشياء بسيطه ابداً ابداً ماتستدعي للطلاق .. وكيف ضامنه يا اختي الغاليه انك لو اتطلقتي بتتزوجي بزوج طيب وخلووق .. احتمال كبير لآ .. حافظي على الموجوود يا اختي .. أعانكِ الله ووفقكِ لكل ما هو فيه خير وصلآح ,’~ |
اقتباس:
الظاهر ما جتك هالافكار الا من كلام زميلاتك وزنتهم عليك :29:...... قفلي اذانك وعيشي حياتك:17: .... |
عطييه كرت احمر وش تبي فيه
ايش يعنى عشرة عشر سنوات ايش يعنى زوج طيب ايش يعنى اطفال ايش يعنى الوفاااء وهل جزاء الاحسان الا الاحسان ايش يعنى التضحيه منتدى انوووووووووووثي لو صاحب الموضوع رجل لوجدت الهجوم من بنات حواء كالنحل الغاضب يلسع من دون رحمه مصلحتك انتى عارفتها لكن مصلحة الاطفال فى القرية مع ابوهم صدقيني اغلب المثقفين وذوي المراتب والمناصب العليا نشأوا فى القري |
| الساعة الآن 05:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©