|
ماهو أفضل اختيار لنوع السيارة ؟
السلام عليكم ورحمة الله وبركاته
شخص ما يقرب لي يريد شراء سيارة وهو محتار بين نوع هونداي ( إما توكسون أو سانتافي أو فيراكروز) وبين نوع سيارة آخر وهو كيا بالعلم أن سيارته السابقة كيا وقد بليت تماما ولايمكن إصلاحها أبدااا هو يريد السيارة أن تكون كبيرة يعني عائلية واختلفت الآراء مابين ان يكون حجم السيارة يسع 3 صفوف من المقاعد أو صفين من المقاعد فقط مارأيكم هنا وخبرتكم بالأفضل من ناحية المحرك والحجم وخلافه؟ ماهي الهدية المناسبة له ؟ ميزانيتي لاأستطيع تعدي 100 ريال تنفع ولاأزيد شوي ؟؟ |
أهلا بك غاليتي روح المساء
ومبروك السيارة مقدما بالنسبة لماركة الهونداي هي ماركة حلوة وصارت مرغوبة بشكل كبير عند الشباب ولو أخذ منها أفضل من الكيا الكيا سيارة خراباتها كثيرة وقطعها غالية ماتلاقيها إلا بالوكالة وأي سيارة تلاقي سعرها رخيص ومعقول دائما تكون خراباتها كثيرة وقطع غياراتها غالية ومالها فروع للموزعين إلا بالمناطق الكبيرة أحيانا تخرب يتطلب إحضار قطعتها وقت وإصلاحها وقت لحاله وكمان أكثر السيارات الجديدة بالذات الصغيرة منها العكوس فيها والتروس إذا خربت تكلفتها غالية شوية والسيارات الكورية الصنع تهرقل بسرعة ماتحتفظ بقوة هيكلها مع الوقت والشغل والكرف عموما الرجال يمكن يفيدوك أكثر مني لأن معرفتهم بهاذا المجال أوسع بالنسبة لحجم السيارة على حسب عدد أفراد أسرته وحمل أمتعته هو يحدد إحتياجه وإذا بغيتي أفضل ماركة وصناعة لسيارات عندك تويوتا ونيسان ومستوبيشي وسوزوكي هاذي كلها صناعتها يابانية وقطع غيارها متوفرة وأسعارها معقولة وخراباتها قليلة وإستهلا كها للوقود أقل وجودتها عالية أدري إني خبطت بعقلك شوية بس أنت عاد تعرفيني زين مايحتاج يارو ح* أيوه نسيت بالنسبة للهدية 100 ريال إن شاء الله تكفي خذي بها محفظة وسبحه وكبك ثوب وميدالية لمفتاح السيارة أحيان تلاقينها هاذي الأشياء طقم في قفص واحد أو إنك إذا عندك إمكانية زيديها شوية وخذي له قارورة عطر أو خذي له طقم إكسسوار لسيارة داخلي وألف مبروك مرة ثانية بس لاتنسين أشرطي على قريبك إن أول وحدة ياخذ بها لفة بالسيارة الجديدة هو أنتي ياروح والله يسعدكم ويهنيكم يارب ويكتب لكم في سيارتكم اللي بتشترونها الخير والبركة اللهم آمين يارب . |
بما اني خبره بسيارات بمرتبة الشرف
راح انصحك بهذي السياره اسمها سكويا سياره عائليه ممتازه متماسكه من تويوتا نظام مانع الانزلاق دفع رباعي (( يعني فيها دبل )) سياره عائله من الدرجه الاولى وافضل من الي ذكرتي اكتبي في قوقل سكويا وتطلع لك << مسوي جايب شي جديد :d |
بنت الحكمي الله يسعدك يارب على ردك
استغربت وجود العنصر النسائي في هالموضوع>>> يمكن لإني جاهلة بهالمواضيع ماأعرف غير الهمر خخخ بالنسبة للسطور الأولى من ردك صادقة بكل كلمة قلتيها ذهب قريبي لشخص يعمل في ورشة تصليح وسأله ونصحه بالهونداي لإنه الكيا كما ذكرتي مسبقا فيها مليون علة وبالنسبة للهدية بصراحة أفكر بالسبحة إضافة إلى ميدالية للمفتاح وتعليقة عليها ذكر الله أو آية قرآنية شرايك ؟؟ وأحطهم تغليفة بعلبة مرتبة مع زينة وتوابعها أنتظر ردك حبيبتي الأخ سكوت سويت لها بحث بصراحة حلوة وتنفع \سؤال كم تكلفتها ؟ رح أطرح عليهم الفكرة |
وعليكم السلام ورحمة الله وبركاته
بالنسبة لهونداي و كيا ما أعرف عنها شئ بصراحه ... لكن إذا عنده عائله أرشح البرادو إذا هو راعي بر أو يوكن الهدية عطرلسيارة |
يعطيك العافية أخوي الفاضل منادي
لا مو راعي بر بس يسافر فيها وهذا اللي هلكها غير الحوادث وكذا والهدية وين ممكن أشتري عطر للسيارة من محلات مختصة ؟؟ |
هلا فيك يالغالية وماعليك أنا أعجبك إن شاء الله في مثل هالمواضيع
من زمان وأنا مهتمه بالسيارات وموديلاتها وصناعتها طبعا بالإضافة إن أبو الشباب كان يتاجر ببيع وشراء السيارات سابقا وقد ركبنا تقريبا جميع أنواع السيارات جموس وجيوب ووانيتات ودداسن وباصات صغيرة وفانات ماعاد بقي لنا إلا الشاحنات والبلدوزرات والوايتات والحراثات هاذي ما أسعفنا الوقت علشان نجرب ونركبها وكمان زوجي بطل بيع وشراء بالسيارات من فترة طويلة طيب قريبك ليش مايشتري سيارة فورتنير من تويوتا وكمان البرادو حلو مثل ماقال اخونا الفاضل منادي والله إن سيارات تويوتا حلوة وجميلة وماتنعاف وتكرف كرف وعملية وحلوة بالسفر او يشتري أرمادا من نيسان سيارة عائلية ومريحة . بالنسبة للهدية إللي قلتي عنها حلوة وفكرة رائعة التعليقة يحطها بالمراية بالسيارة والميدالية يحط فيها المفتاح أنصحك بها لأنها بتدوم معاه أكثر وراح تذكرة فيك كل ماشافها يدعي لك يارو ح بالنسبة للعطر حق السيارة يمكن تلاقينه في محلات زينة وإكسسوارات السيارة كمان فيه مبخرة صغيرة لسيارة تنشبك في ولاعة السيارة ويوضع فيها البخور وتبخر السيارة هاذي كمان حلوة وتلاقينها بنفس محلات زينة السيارات وبالتوفيق ياقلبي وأي خدمة تبينها على عيني وعلى راسي من فوق يالغالية . |
ههههههههه فديتك علميني عشان أصير مثقفة في عالم السيارات عشان أعجب زوج المستقبل *ــ^
ضحكني جمعك لأسماء السيارات بصراحة هناك سعر لن يستطيع تجاوزه وهو 90 ألف أو 95 ألف لكن سوف أطرح عليه الخيارات المذكورة بالنسبة للهدية سوف أبدأ التطبيق بعد انتهاء الإختبارات عشان يفضى مخي تسلمين حبيبتي بنت الحكمي ربي يسعدك ويخليك لزوجك وعيالك ماتقصرين والله |
كل السيارات إلى قالوها فوق الـ90 الا الفورشنر بس 4سلندر ومديل 2012 يجيب بيلقاه ب90 الا اذا يبي مستعمل هذا شى ثاني من 90 إلى 95 يجيب له يوكن مديل 2007 او 2008 :22: بالنسبة للهدية الـ100 ماتجيب شى لكن الافضل عطر سيارة ، شوفي نكتار عندهم كيس ريحته حلوه تحطينها بالسيارة تفوح فيها ورائحتها حلوه موفقه خير ان شاء الله |
| الساعة الآن 05:54 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©