|
وصلتني رساله من عضو يقول ماراح القى زوجه احسن منك
كيفكم عساكم بخير اتمنى لكم التوفيق جميعا والله يسر امري واموركم بصراحه انا مو مشكلتي انه بيتزوجني مشكلتني اني اخاف ارده ويرجع للحرامبصراحه انا حابه اقلكم مشكله عندي وحابه اسمع رايكم انا انسانه لي بعالم النت 5 شهور وعمري 21 بس الكل يقول عني عقلي كانه 100 شغلي الشغال الدعوه ونصح البنات ولا اقول اني مااتكلم مع الشباب بس بنطاق معين في شات المنتدى الدي امام الناس وفي مواضيع عامه في احدى الايام وصلتني رساله من احدى الاعضاء يقول فيها انا اتشرف اكون في منتدى فيه امثالك وصراحه انا ماراح القى زوجه احسن منك على الاقل انتي شفت كيف تصرفاتك بعالم المنتدى واخلاقك وقسم لي انه ليه فتره يحبني وانه بسببي ترك الزنا يقول انا سرت اخاف اخونك وانتي مجرد سكنتي قلبي قلي انا مستعد اجي اخطبك من اهلك هو سوري عمره34وانا سعوديه ارجوكم سعدوني محتاره اخاف يرجع.. |
يابنت الحلال اللي بيتوب بيتوب لله
ماهو للناس واذا كانت توبته خالصه لله ماراح يرجع واصلن ما يندرى صادق ولا يقول كذا عشان تعطينه وجه وانه يحب من مجرد كتابات ومنتدى صدقيني ماعنده سالفه بس كذا يبي يلعب والله العالم بالنيات لكن وجهة نظري انا ابدا ما اؤمن بحب النت ولا حتى مكالمات يا بعد الزواج يا بلاش واسحبي عليه ولا تكلفين على عمرك وتردين عليه احقرييييييه ومهما ارسل طنشي ولو فرضنا صادق اهلك بيوافقون ؟؟؟؟؟؟؟ انتي موافقه ؟؟ يعني الموضووع باااااين |
فعلا اللي بيتوب بيتوب لله ..
و انصحك بالزواج من رجل ملتزم اصلا و لم يزني من قبل .. لان الرجل الذي لم يزني من قبل و له دين و اخلاق فانه يهاب بشدة ان يفعل ذلك و لا يجرؤ عليه ابدا نفسيا و معنويا قبل ما يكون من اجل الشرع .. |
انتبهي لايلعب عليك انتبهي انتبهي
قلت السعوديين على قفا من يشيل انتبهي انتبهي ولو رجع للزناا انت وش دخلك هذا يبي يسحب فيك الين توثقين فيه بعدين يبتزك ويخليك عبده تحت رجوله ولاتزر وازتا وزر اخرى مالك ذنب انت ذنبه على جنبه |
هذه بداية الطريق
لا تكوني ساذجة وتسمحي له بأن يلعب على الوتر الذي يؤثر فيك وبطيبتك لا تثقي بأي شخص من عالم النت قد يكون متراهن مع احد اصدقائه مثلا على أن يصل لك وصدقيني هذه تحصل كثير خصوصا مع البنات الملتزمات بآداب الحديث ويكون التحدي اكبر بالنسبة للشباب للاطاحة بها ارجوك اقطعي الرسائل الخاصة وغيري المنتدى بكبره ترا الدنيا ما توقف على موقع واحد اشتغلي بالدعوة والنصح على أرض الواقع وانضمي لإحدى اللجان الخيرية النسائية أو انضمي لمنتدى نسائي بحت أو اكتبي مقالات وانشريها واطلبي الاجر من الله سبحانه وتعالى بدون تواصل مباشر مع الاعضاء احنا ننصحك من واقع تجربة في عالم النت عمره سنوات وانتي توك صغيرة وطفلة بعالم النت :) الله يستر عليك ويحفظك ويبعد عنك عيال الحرام |
مشكورين وماقصرتم انا استحاله اتزوجه ولافكر اساسا بس انا خايفه اخد دنبه ادا رجع عن جد بس خلاص مالي دخل فيه وكلامكم عين العقل ومشكووورين مره ثانيه لتفاعلكم بالموضوع. |
أنا مع كلام إخواني "رجل حليم", "حطموك يا قلبي",....... هذا الرجل لا تعلمين عنه إلا في هذه المنتديات, ولا تعرفين عنه شيء فاحذري أختي الكريم من المجهول... وانصحيه بأسلوب جميل, وأنك لن تردي عليه بعد هذه الرسالة التي ستنصحينه بها .... والذي يريد التوبة النصوح فلا يهمه أحد ولا يهمه إلا مرضاة ربه وتوبته عليه, وأنت تستحقين الإنسان الدين المحافظ على صلاته وواجباته الدينية.. " أسأل الله العظيم أن يرزقك الرجل الصالح عاجلاً غير آجل" اتركيه يا أختي وكوني واقعية, ولا تجعلين عواطفك وطيبتك الزائدة أن تؤثر فيك.... " فهناك ذئاب بشرية تتربص بهؤلاء العفيفات",,,,,, احذري ثم احذري ثم احذري.. "" ما أردت إلا النصح من خوفي على بنات المسلمين, والله أعلم بحالي, والله يحفظك ودمتي في رعاية الله وحفظه يا أختاه" |
اختي بنت ابي تسلمي لرد على موضوعي
مع الاسف انا اول مره اسجل بمنتدى كان نسائي ولاسف بعد مده لاتزيد عن اسبوعين ولثقه بنات المنتدى الدين سبقوني بي اكتشفت ان صاحب المنتدى يستقل كل فتاه تسجل بالمنتدى قصه طويله وتاكدت بنفسي من صدقهم وشكوانهم للجنه المسوله عن المنتديات بشكل عام ولاكن بدون فائده وتركتهم لربهم وسارت ماتفرق منتدى نسائي ولا المهم الي بالمنتدى محترمين ولا مشكوره ياعسل لنصيحتك. |
طالب الستيره ربي يوفقك ويرزقك سعاده في الاخره حتى يرضى عنك وسعاده في الدنيا حتى ترضى
ومشكوووره على النصيحه. |
حبيبتي أنا لا اااااااااثق أبدا أبدا بمثل ها العلاقات
وبخصوص انه يرجع للزنا والعياذه بالله هو رجال وعاقل وواعي ومسؤول عن نفسه والمثل يقول كلاً ذنبه ع يمبه(بمعنى كل انسان بيحصل ذنبه عليه اهو) انتي مالج ذنب فرجعته ابداً لان لو كانت توبته صدج بتكون لنفسه مش عشان ماوصل للي يباه خلاص يرجع ف وساخته استغفر الله وأخيرا السموحه منج لأني عصبت عليه ههههههههههه :29: بالتوفيق حبوبه |
| الساعة الآن 08:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©