|
عندما اقترب موعد الملكه ستنفصخ الخطبة
لو دريت ان الملتزمة هكذا يكون تفكيرها لما اقدمت على خطبة فتاة ملتزمة
انا شاب عادي مثل كثير من الناس اصلي واصوم وخاف ربي قلت لامي ماتخطبيلي الا وحده ملتزمة عباية على الراس وجونتي الخ....... يوم خطبنا البنت امها قالت ولدكم ملتزم ولا عادي امي قات عادي (وافقو) قبل الملكة بشهر تقريبا ام البنت اتصلت وقالت كلام غريب (البنت ماتخرج ولا تروح زواجات ولا شبكات وهي تبغ تسوي شريط الزفة وما تبغ العريس ينزف الخ.... المهم قالت وانا احس انه مافي توافق بيناتنا ايش رايكم اكمل معاهم ولا اسحب من بدري؟؟؟؟؟؟؟؟؟؟ |
والله اذا امها تقول كذا انا اشوف انها تقول احس مافيه توافق انت احسب امورك على ان مافيه توافق واتركها
ولاكن اذا انت راغب في البنت اطلب انك تشوفها ثاني مره وتجلس معها وتتحاورون على هالشي ولاكن لاتستعجل في امر الملكه وبالنسبه للزفه وانا اشوف انه بدري تتناقشون في هالموضوع ولاكن انا خطيبتي مصره اني ماانزف معاها ووافقت ولااهتميت |
اذا انت شايف انك تقدر تستمر
فكان بها اما اذا انك مررره منت مرتاح فمن اللحين احسن وترا الزفه والاشياء بدري عليها واستخير وشوف وش ترتاح له والله يكتب لك اللي فيه الخير |
ياااخوي ليه تسحب اصلاااا وين المشكلة ؟؟
ان كان على الزفة حتى اناااا قلت لخطيبي ماينزف معي لان عندنااا عيب يدخل العريس ع المعازيم وحرام ومن هالكلاااام والله يسعد قلبه ابد ماعارضني رغم عندهم ينزف العريس مع عروووسته وحتى التصوير قلت له بالفندق وانو ابووي مو راضي انو التصوير بالقااعة وبرضووو بصدر وسييع رحب بالفكرة .. وانهاااا ماتخرج زواجات وشبكااات عااد اغلب الملتزمااات كذااا وتبي الجد اوفر لك والله طلباتنااا يالحرااايم بالزواجات وحضورهااا ماتخلص وتأخذ مبلغ وقدره .. واذا فيه اشيااء ثاانية غير المذكورة فهذااا شي ثاااني بس يمكن والداتهاا ذكرت كذاا من بااب المصاارحة والاتفاااق من البداااية وبالتووووفيق يااااااااارب |
ياأخي أحمد ربك وأقدم بعد الأستخاره هذي وين تحصل في هذا الزمن ماشاء الله تبارك الله مع انه كثير فيهم خير .....شااااب
|
اخى الحبيب الحبترى قال الرسول الكريم صلى الله عليه وسلم "فظفر بذات الدين" والله لو هى فى المعاملات تتقى الله مثلما تتقى الله عز وجل فى هذه الآمور اذن هى نعم الزوجة الصالحة بسم الله ما شاء الله لا قوة الا بالله وانت تعلم ان الدنيا متاع وخير متاعها الزوجة الصالحة استخير الله وتوكل على الله ولا تغرنك الحياة الدنيا فهى متاع الغرور والى زوال ولا يبقى الا العمل الصالح فأجعل زواجك لكى تعف نفسك بارك الله فيك وبنية اعفاف فتاه صالحة |
اخي الكريم
(البنت ماتخرج ولا تروح زواجات ولا شبكات وهي تبغ تسوي شريط الزفة وما تبغ العريس ينزف الخ.... البنت ماتخرج يعني بمعنى ماتخرج تتمشى يعني بس تبغى تجلس في البيت 24 ساعه او هي ماتخرج بمعنى ماتروح زواجات ولا افراح التي قد يعمل فيها منكرات او هي لاتزور احد بمعنى لاتقوم بالواجبات الاجتماعيه بالنسبه لشريط الزفه فهذه ليلتها ومن حقها تعمل ماارادت ومن ناحيه انك ماتنزف معها برضوا من حقها وهذا قد يكون افضل وانت ياخي الكريم ممكن تسالهم هل هم يسمحوا بموضوع الزيارات بعد عقد النكاح هل يسمحوا بالاتصالات الهاتفيه بين فتره الملكه وقبل الزواج وهل في الزيارات اللي بين الملكه والزواج كيف تكون هل يكون ابوها طول مانت موجود هو موجود وفقط تكتفي بشوفتها فقط لا تتحدث معها لاتستطيع ان تناقشها حتى تعرف هي كيف شخصيتها واخير اخي عليك بالاستخاره ففيها الافاده وكذالك لاتكتفي بالاراء الموجود هنا بل اذهب الى اهل الاختصاص فالموضوع يتطلب خبره وتوضيح |
انتا طالبها انها تكون ملتزمة ,’~
فين المشكله؟؟ بنات الناس مو لعبه حتى لمن يجي وقت الملكه تفاجئهم انك ماتبغاها اتقي الله ياشيخ ولا تخلي الشيطان يحليلك شغله الطلاق ,’~ |
مافي مشكله دام انك تريد فتاة ملتزمه
واستخير مره ومرتين وثلاث حتى تبين لك والله يوفقك ويرزقك بماتتمناه |
الأم حطت إحســآس إنه مآفي توآفق بينكم
وهـآذا ظلم لك ولهــآ وإحساس مبني على لآشيء مجرد افترآضات تعرف على البنت أكثر وأنظر لمميزآتهــآ يمكن تكون هي أكثر وحدة تناسبك |
| الساعة الآن 01:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©