|
هل هي عناد ام ماذا ؟
السلام عليكم ورحمة الله وبركاته
اليوم وانا بالعمل شفت اعز زملائي ضايق خلقه وماله خلق شي ومداوم وهو سهران طبعا اخذته وطلعنا لاحدى المقاهي الي تحت وجلست انا وياه وطلبت له لكن للاسف ماشرب شي من ضيقة الصدر سالفته كالآتي : الرجال بيمشي لخارج المملكة باذن الله في شهر 8 القادم وطلب من اهله انه يحصن نفسه ويتزوج ، ودورو اهله عن فتاة ولقوها بشهر 12 الماضي .. والدته كلمة والدة البنت .. وطلب ابوها انه يقابل الرجال .. راح الرجال وقابله بعد الخطبة بـ6 ايام وبعدها من بكره دقو اهل زميلي وقالو متى نمر نشوف بنتكم وحددو لهم بعد 5 ايام عشان امه واخته يشوفون البنت .. وبعد شوفة الام والاخت قالو اهل البنت عطونا فرصة نبي نسال عن الولد .. وفعلا جلسو اسبوع ونص ولادقو .. بعدها دقت ام الولد وخرشتهم ومن بكره ، شاف زميلي ابو البنت مصلي وياهم العصر ثم بالليل دقو وقالو حياكم الله اخطبوها رسمي بعد 3 ايام ، وفعلا راح زميلي وابوه وخطبوها ثم قال ابوها بدق عليك يافلان بكره واتفاهم وياك .. وفعلا من بكره اتصل على زميلي وقال بمرك بالعمل .. وجاء العمل وسال عن الرجال .. بعدها قال بدق عليك قريب ونحدد الشوفة .. واستمر الوضع هذا اكثر من اسبوع ثم اتصل زميلي وقال لابو البنت تراكم طولوت علينا .. قال لاخلاص مرنا بعد 3 ايام عشان تشوفها .. ومن بكره اتصل ابو البنت واعتذر عن الشوفة واجلوها يومين زيادة وقال زميلي اوك .. بعد يومين شافها وارتاحو لبعض ورد عليهم بعدها بـ3 ايام ولقى الرد منهم برضو انه على بركة الله ... يوم الخميس وهي بداية المشكلة :d دقت ام الولد على ام البنت وقالت نبي نحدد الملكة وتكون بشهر 3 القادم عشان يخلص امور ابتعاثه وابتعاثها والزواج يكون بشهر 7.. قالت الام راح نرد عليكم بالخصوص هذي .. مرت 5 ايام ثم دق ابو البنت على زميلي وخلى البنت تكلم زميلي عشان يتفاهمون مع بعض .. البنت تقول لزميلي تبي الملكة بشهر 7 وانه يروح برا ثم بعد شهرين تلحقه هي .. طبعا هو من شروطه انه رجلها على رجله ويسافرون مع بعض .. يوم شاف البنت ودها هيك تنازل عشان خاطرها لكن هو مصر ان سالفة الملكة بالكثير ماتكون بعد شهر 4 والزواج كان باي يوم تبيه انا مستعد لكن مستحيل اتنازل عن سالفة وقت الملكة لانه مافيه مبرر .. الرجال الان ضايق خلقه ولا له نفس احد بسبب هالعناد .. وكل واحد راكب راسه الحين .. وابوها قال برد عليك بكره .. والرجال ينتظر بكره احر من الجمر ولايدري وش يسوي فقلت بسال وارد عليك مشورتكم يالربع ، لاني بصراحة مستغرب جدا .. عاداتنا وتقاليدنا الي اعرفها .. الخطبة مثلا شهر 2 فيكون الملكة شهر 4 .. لكن استغرب هيك :d |
ينتظر الرد وعلى أساسها يحكم..
فإن وافقوا على طلبه كان بها ونعماً هي وإن لا فالينظر في سبب التأخير .. إن كان سبباً مقبولاً فهذه نقطة تحسب لهم وإن لم يكن هناك سبب واضح فاليعيد النظر في الأمر برمته فمازال صاحبك في سعة وبنات الحلال في كل مكان ولله الحمد.. وبالنسبة للملكة أعرف من يقيمونها بعد أسبوعين من الخطبة وحفل رائع وبهيج وكأنه مخطط له من شهر.. |
اقتباس:
|
تأخرها أشهر من اجل أن تجهز نفسها لملكة ثم ستعود لبيت والدها بعد انقضاء تلك الليلة ....!!!!!!!!!
اسمحلي هذا جنون.... وليس بعذر ومنطق غريب لم اسمع به مطلقاً.. شهر ... شهران ....... مقبولة والمتعارف عليه هو أن يملك العريس على عروسه والشبكة تترك للوقت المناسب للعروس على أن لا يطول عن عدة أسابيع.. وإذا أراد الزواج وأخذها معه فكم ستبقى تجهز نفسها ؟؟ على هذا الحال عام كامل لا يكفيها.. إذا كان هذا ردهم لتجهز نفسها فقط ... فهناك خلل لا محالة.. |
اقتباس:
فهو اخذ قرار الآن وسوف يتحدث به مع ابيها غدا .. ان يكون الملكة والشبكة بنفس اليوم وتكون بشهر 4 او 5 بالكثير ثم يكون الزواج بشهر 6 ويعيش معها لمدة شهرين ثم يذهب للخارج وبعدها بشهرين تلحقه زوجته فاتوقع هذا الراي سليم وغير ذلك مناسب للجميع فما رايك اخي الكريم ؟ |
طيب وش فيها لو ملك بشهر 7 عادي جدا كل ناس وعاداتهم واذا هو مستعجل يروح يدور غيرها
|
اقتباس:
المشكلة مايقدر ياجل لشهر 7 .. لان بعثته تبدا شهر 8 يعني لازم يمشي بنصف شهر 7 متى يمديه يسوي الملكة والشبكة والعرس ؟ :) |
الله يكون في العون عندنا وعندك خير. بس على الاقل زميلك اعجب بها ومرتاح لها
يقيس الامور من كل النواحي. الاب. والام. واهم شي البنت. يعنى عيلة مناسبة له من كل ناحية وصعب يحصل بدالهم. يحاول مع الاب باسلوب لانه اكيد له الكلمة الاولى والاخيرة في تحديد الزواج. يعني مو بكيفها الست واذا ماوافقت. من اولها اجل بعد الزواج ايش حتسوي بدعيله نفس دعوتي لاخوي اذا فيها خير وسعادة له الله يكتبها من نصيبه تقريبا نفس مشكلة صديقك ( بس انه وقت النظرة قال مو اللي في بالي وقال بمشي ). لكن اخي يريد التاخير لظروف عمله. ووالد البنت رافض. والتاخير بسيط كله كم شهر. مو سنة. |
اقتباس:
دام هذي سوالفها ومراحلها :d المشكلة ان الاب والام معطيين بنتهم الحرية باتخاذ الرأي والتصرف وهذي اكبر مشكلة .~ |
| الساعة الآن 12:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©