|
خطبني متزوج!!
السلام عليكم
اعود لكم بعد انقطاع عندي مشكلة محيرتني مرره اخوي معه بالعمل رجال متزوج وحالته المادية مب كويسة وعنده اطفال وحلمه يدرس برى عرف ان ناوية ادرس برى خطبني من اخوي قال لي اخوي اقولها لك وانتي بكيفك الرجال داخل على طمع طلبت من اخوي يكلمه ويستفسر منه عن سبب زواجه ويحط الجوال على سبيكر علشان اسمع بس طبعا بدون اتكلم اكيد اخوي يسئل وهو يجاوب ادري زواج بذا الطريقة محكوم عليه بالفشل تدرون وين المشكلة بكل هالخطبة؟؟ اني من سمعت صوته تعلقت فيه صرت افكر فيه على طول وفكري مشغول طول الوقت وادور اعذار واسئلة لاخوي علشان يتصل احيانا اقول مب مشكلة حتى لو تزوجت وبعد فترة تطلقت الاهم ان احس اني انثى بكل ماتحمله من احاسيس ومشاعر وان اصير ام وعندي عيال يشلوني في الكبر |
استخيري استخيري استخيري وادعي بأن الله يجمعكِ بالزوج الصالح ولا تعلقي نفسكِ بصوته ما دامه ما تقدم رسمي وعقد عليكِ ترى بعدين تتعبين وما تدرين يمكن مو هذا نصيبكِ واستشيري كثير ولو كان أخوكِ ما يحبكِ ما كان وضح لكِ عيوبه وأنه داخل على طمع ترى رأي أخوكِ مهم لأنه يخالطه أكثر بس لا توافقي لمجرد الزواج والعيال ترى الخيرة فيما اختاره الله وكم وحدة ما تزوجت أسعد من وحدة متزوجة يعني ما هي قاعدة ثابتة ترى التوفيق من رب العالمين مثل ما يقولون الزواج مثل البطيخة يعني أنتِ وحظكِ عسى حظكِ أحسن الحظوظ وحرام عليكِ ليه تقولين تبغين تتزوجينه فترة حتى لو تطلقتي منه بعدين ترى البلاء موكل بالمنطق ومثل ما يقولون يمكن تصادف مرة ملك من الملائكة وتصادف ساعة إجابة ويكتبها عليكِ ويتحقق كلامكِ وبعدها تندمين استغفري عن هذا الكلام واسألي الله الخيرة في جميع أموركِ واحفظي هذه المشاعر لزوجكِ القادم ومن يتق الله يجعل له مخرجاً ويرزقه من حيث لا يحتسب وعسى قريب تبشرينا بتمام خطبتكِ وزواجكِ من أحسن الرجال |
فكري بمنطق ومن كل الجوانب
هو رجال متزوج وماراح يكون لك وحدك بيشاركك فيه زوجته وعياله غير كذا انتي قلتيها داخل على طمع على اي اساس حكمتي ان الحياه بينكم تستمر لحد ما تجيبين عيال طيب وفرضنا جبتي عيال وماخلاهم يعيشون عندك وانتي عارفه اكيد المشاكل اللي تصير على الاولاد فكررررري من كل الجهات هذا زواج ماهو لعببه كل شي خذيه ببساطه وعديه الاااااا الزوااااج فكري بالصغيره والكبيره علشان بعدين ما تندمين على شي وحاولي تمسكين عواطفك لانك ما تدرين وش المكتوب وصدقيني طال الزمن او قصر اذا لك نصيب في الزواج بتتزوجين واذا لا فلا ادعي ربي يعوضك باللي احسن منه واحد يكون ملكك وحدك وشاريك ماهو يدور من وراك مصلحه واولا واخيرا استخيري |
عادي بعدين تتطلقين تعالي شربي من كاس المطلقات وبعدين احكمي
|
هههه عادي أتطلق..عادي
الطلاااق كسر في القلب مايحسه إلا اللي تجرعــه أكيد.. بعدين شنو ذنب الأطفال اللي يكون أبهاتهم بهذي العقلية الأنانية..!!! شنو ذنبهم؟؟؟؟؟؟؟ الله يرزقج الطيب الصالح ولايذوقج طعم الطلاق أبداً..,,, |
الله يجزيكم خير من الاحباط واليأس الي انا فيه صار عقلي وتفكيري مشوش استغفر الله هالايام احس اني اموت موت بطىء وضايق خلقي مرره مابي اتزوج متزوج وادخل في مشاكل مع زوجته وعياله وماابي انتظر ويمكن في النهاية يكون مصيري برضو متزوج |
ما تدرين وش مكتوب لك
وحتى لو كان بالاخر نصيبك متزوج ما تدرين يمكن يكون افضل بكثييييير من ذا اسال الله ان يرزقك الزوج الصالح وان يفرج همك وهم كل مسلم ومسلمه |
وعليكم السلام
لا استطيع أن أشور عليكِ لأني لا أعلم لا بظروفك ولا ظروف الرجل ، لكن استخيري وفكري ألف مره قبل الإقدام على هذا القرار وفقكِ الله |
حياكِ الله أختي ..
لماذا نفسكِ رخيصة إلى هذه الدرجه .. لماذا أنتي محطمة كل هذا التحطيم .. الحياة لم تتوقف على زوج طلّق أو حياة زوجيه لم تستمر.. ضعي نصب عينيكِ التفاؤل والنظرة المستقبلية الجميلة .. حثنا الرسول صلى الله عليه وسلم على أن نعيش في الحياة على الأمل الجميل والحلم السعيد والتفاؤل الحسن ففيه الرضا بقدر الله ومنه العيش الرغيد والسعادة في الحياة .. ارضي بما قسم الله لكِ واقنعي بما أنتِ به ، واجعلي نُصب عينيكِ أن غدأ أفضل من اليوم ومابعد أفضل من الغدْ وهكذا الحياة .. ولو كنتي في أسوأ حال . لأن الضجر من الحياة والعيش لايمكن أن يغير من الحال إلى حالٍ تَسُر بل يزيد الألم إيلاما , والوجع وجعاً أشدّ . والزواج أيتها الفاضله ليس مجال تجربة ولا محطة للتوقف ثم مغادرته .. لا .. بل هو حياة وعشرة عمر إن يسر الله أمور الزوجين .. لاتفكري بما مضي من أيام سوء .. او بما فيها من ايام كدر وتنغيص للعيش .. فما يخبئ القدر لنا لعله أفضل مما كان . أسأل الله أن يوفقكِ ويرزقكِ بالزوج الصالح الناصح . |
ينقل للقسم الأنسب
|
| الساعة الآن 07:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©