|
محتاره في القبول به أحتاج ارائكم
السلام عليكم مالي في المقدمات بدخل في الموضوع على طول تقدم لي شاب عمره 38 سنه اعزب بوظيفه مراسل .. راتبه 3000 مستوى التعليمي متوسط حيرانه في القبول :( معلوماتي : بنت 31 سنة غير موظفة .. مستوى التعليمي بكالوريوس سئلنا عنه والكل يثني عليه ولله الحمد اذا تم الزواج راح اسكن في بيت اهله في غرفتين وحمام في حال تم تثبيته في الوظيفه راح يكمل المطبخ .. هو تقريبا شايل البيت , عنده اخوان متزوجين كل واحد ببيته , وباقي اخته واخوه وامه فقط راي الوالد بالموضوع : الرجال ماعليه شي بس خايف علي من ناحيه المشاكل ممكن تحصل من اهله ومن راتبه وكيف راح يصرف علي خصوصا بعد الزواج والانجاب كلامي ملخبط اسفه محتاجه لكم بعد الله ساعدوني :( |
الله يتمم لك على خير
انتي تشوفين نفسك وتتخيلين انك بتسكنين مع زوجك في غرفتين ومع اهله وتتحملين انه لو جا في يوم من الأيام طلبتي منه شي وقال ماعندي اذا تتقبلين هالحياة توكلي على الله مادامك تبين الستر والرجال يمدحونه اما اذا كنتي ماتتحملين وعايشه في ترف راح يصعب عليك العيشه معه وانتي شوفي عمرك فوق الثلاثين وماتوظفتي وان شاء الله بيتعين مع الوقت يمكن يجي أمر ملكي او مع الميزانيه الجديده وان شاء الله تزين اموره ولو تساعدينه على تكميل تعليمه مسائي عشان يستفيد هو من ناحية زيادة الراتب والمستوى التعليمي والله يوفقك ان شاء الله |
يا اختي بغض النظر عن السكن مع اهله
تقولين 3000 وتقولين شايل اهله الحين 3000 ماتشيل شخص لحاله فما بالك اهله وانتي اختي الكريمة , المال عصب الحياة حتى لو ارتحتي مع الرجال , بتطلع الراحة مر دام مافيه فلوس لاتستهينين بالفلوس وخلي عنك المثالية الزايدة اذا بتعيشين معه على هال 3000 ترى منتب عايشة خصوصاً انك منتي موظفة اما اذا الرجال له مصدر دخل ثاني ؟ او اهله يقومون فيه او.. او... وانتي مقتنعة بتعليمة ومقتنعه بمسمى وظيفته ومقتنعة بعمره توكلي على الله وتزوجيه على فكرة اذا ماكنت غلطانة ترى مسمى (مراسل ) هي المصطلح المنمق لمسمى (فراش ) وإن اخطأت فياليت الإخوان يصححون لي الله يوفقك ويسعدك مع الرجال اللي يهنيك ويبسطك وتراك منتي كبيرة ياعمري وعمرك مناسب لأحلى زيجة |
مستقبل غامض
فراش هو اللي عند الباب المراسل هو اللي يرسل أوراق من مكتب إلى مكتب . . عموما أختي أنتي فكري بالموضوع، وعمرك تقريباً مناسب لعمره وأنتي بأول الثلاثينات وأنا أميل انك توافقين إذا تأكدتي من كل مواصفاته، اتمنى نقاشه حول الأمور المادية وحول دخله وكيف سيتصرف بالمال مع وجود زوجة وأهل، ربما لديه مصادر أخرى ، ربما عنده مال كثير مجمعه، أنا أميل لمثل عمرك بعدم التفريط في فرص الزواج . .والله يوفقك . . |
بالطبع ستقرائين آراءنا ولكن أكيد في بالك راي معين أو قد كونت راي فيه
القبول به أفضل ومن يعيلهم أخ وأخت سوف يعملون على اكمال حياتهم ويبقى هو وأنت ووالدته ونسأل الله لك التوفيق |
عاد تدري فكرت مراسل تلفزيون :)
المهم يا اختي المهم تشوفي نفسك هل بتقدري تعيشي على ظروفه ؟؟؟؟ او تتوظفي و تسااعديه ؟؟ اتوكلي .. اما اذا ماعندك صبر على الاقتصاد في المعيشة و التنازل عن كل الكماليات و بعض الاساسيات كمان و المقدرة على العيش مع اهله ... فالا يكلف الله نفسا الا وسعها و ارفضي افضل لك ا |
السلام عليكم |
الإستخارة ثم الإستخارة ثم الإستخارة
وما يحدده الله لك سيري فيه على بركة الله |
أنا مع رأي أخوي غريب وأختي سيدة الموقف
أؤيد أرائهم وبشدة .. ولاتهون باقي الآراء .. استخيري والله يوفقك ... للعلم لو أنا مكانك وافقت ودورت وظيفة لي ... اساعده فيها .. بس أهم شئئئئ يكون دييين وأخلااااق ... بالنسبة لغرفتين حلوو جدا لاحظي الشقق الجديدة الصغييييرة الآن ترى كلها غرفة نوم وحدة ومقلط صغييير ومجلس شبر بشبر ... وصالة ماينقعد بها من صغرها ... يعني وضعك ماشاء الله حلو غرفتين ببيتهم أكيد واسعة إن شاء الله ومع الأيااام بتتحسن الأحوال .. الخير والفرح مايجي مرة وحدة والقناعة كنز لايفنى .. ودامك ماشاء الله بكالوريوس فحاولي تبحثين عن عمل لو بمدارس خاصة موفقة قلبي ... تحيآآآآتي .. |
اختي سنك مش سن اختيار ونقاوه انتي اكيد فيك تحددي هل انك تقدري تعيشي معاه في هالظروف ولا لأ ......
وكل كلامنا هذا مجرد رأي بس صلي استخاره وربنا يوفقك ويسعدك حبيبتي |
| الساعة الآن 11:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©