|
ياليت تغازل على الاقل تحس (تورطت)
السلام عليكم ورحمة الله وبركاته
لي شهرين متزوجة عمري 26 وهو 33 هو موظف بالديرة وانا عند اهلي بالديرة ثانية الى يرتب وضعه اسكن مع زوجي ان شاءالله احبه بجنون ولا اقدر اعيش بدونه يجي بالاربعا ويروج بالجمعة وباقي الاسبوع اتعذب وهو يدري اني احبه .. والمشكله لايعرف الرومانسي ابدا ...وانا رومانسية بزود ..وهو اعترف قال انا مااعرف الرومانسي ..(اتكشخ واتلبس واحط المكياج قال لي وين تبي تروحين ياناس انواع البراءة ) اتكشخ علشانه والشي الثاني يكره الجنس.. ...احيانا اقول مهو طبيعي واحيانا اقول طبيعي ...لو البس انواع الاغراء عادي عنده ..وقال لي تراه مايغريني يموت على افلام والمسلسلات والاغاني ..واذا بكيت عادي عنده مايحس يخلني ابكي الين اسكت من نفسي..حتى الضم مايضمني الان بدا المشكله قبل اسبوع كنت اكلمه واسولف معه وهو كل شوي يقولي عندي واحد والا عندي ضيوف ..والا يحط على الصامت ..وربي انقهر منه ... واذا شفت اختي تكلم زوجها تكلم الين بعد الفجر ...انقهر من زوجي ليش مايسوي مثله .. وقلت له عن اختي وزوجها ...وبدا يهاوشن لاتقارين بي باحد غيري ..وانواع الهواش ..وقال لي احمدي ربك اني مااغازل ..وقلت له ياليت تغازل ((وياليت ماقلت له لان كنت اصيح وانواع الصياح ) وسكر بوجهي والحين هو زعلان وشلون ارضيه ..حاولت معه كل شي مافي فايدة ...وقال لي انا مااقدر اعيش معك عجز اتحمل ...كل هذا عشان انه بارد وانا حارة .. |
مالك غير شهرين احس توكم .. بعد سنة يتغير إن شاء الله .. خاصة إذا كان عنده ضغوطات ومومتفرغ نفسيا اصبري شوي عليه لاتستعجلين خليك هادية وكل شي اكسبيه بهدوء مو بالقوة والعجلة ..
|
اذا حب الواحد يكون حساس ومستعجل كثير ولحوح مرة، انتظري ياختي شوي مع الزمن ان شاء الله يتغير ولا تكدرين خاطره دايم ترى يمل
|
بجد مثل ما قال احمدي ربك
ومن ثم انتظري لحين تكونو تحت سقف واحد ولا تخافي رح يتغير يا دوب شهران لسه ما تعود عليكي احمدي ربك انو هيك تعرفيه انه هو لك فقط ولا ينظر او يغازل وصدقا لا تقارنيه باحد لا اختك ولا زوجهاااااااا ولا حتى ابوكي وامك مثله عمله نادره احتفظي فيه ومن ثم رح يرضى انما خفي مسجات عليه اكتفي بواحد في اليوم وعلى خفيف ارسلي له اغنيه يحب ان يستمع اليها او مقطع يضحك هو يحبه ادخلي عليه من هذا الباب |
وضعك عادي ورح يكون افضل من كذا بس عليك بالصبر
زوجك شكله على الفطرة وما له بحركات الغزل والرومنسية مع اني ارى ان هذه مهارة يجب ان يتقنها الزوج ولكنني اعذره لاننه لا يتعلمها بطرق نظامية في مدرسة او بطرق تلقائية في بيتهم حين نشأته اثقلي ولا تخليك خفيفة ولا تقارني زوجك بغيره.. هذا تصرف استفزازي علميه الرومنسيه شوي شوي تري فيه ناس يعتبرونها عيب..!! ويخجلون..!! زوجك ذهب لاهو بالمتشدد وعنده تربية وحدود تمنعه عن الخطأ فحافظي عليه اعتذري عن استفزازك له وبيني له حبك له وشغفك فيه لمحة... كنت اعرف واحد في مجتمعنا اشتهر هو وزوجته بين الاقارب بالكناري من زود الانسجام وحركات الرومنسية والحب العلني بينهم هذا غير اعياد الحب وعيد زواجهما وسهراتهم الخاصة في الفنادق والهدايا الحمراء قلوب ودباديب وشموع و..و...و.. لدرجة انه في السوق انواع الضحك ومشبك يده بيدها ويا ناس شوفوني بسس وبالصدفة اكتشفت انه راعي علاقات مع بنات وغزل ومواعيد وجنس وكل شي الله لا يبلانا... هل تريدين زوجك ان يشبعك رومنسية وهو من وراك لعوب؟؟ احمدي ربك انه انسان نظيف.. وهذا نادر في هذا الوقت |
لانك غثيتيه...يااختي اثقلي شوي...الرجال مايحب الوحده الي تموت فيه وتتلصق فيه وكل شوي اتصالات على الفاضي..جبتيله الغثيان...هذا الكلام مو من راسي ترى هذا الواقع ..
تخيلي انتي قدامك 10 صحون حلا ومحلوف عليك تاكلينها كلها وماتوقفين..وش تحسين وقتها..؟.., ,مو مثل لما كل اسبوع تاكلين مره او مرتين قطعه وحده من الحلا..تحسين انك متلذذه فيها ومتشوقه...صح؟؟ اثقلي يااختي زوجك مو بطاير موجود وان شاء الله تعيشون مع بعض تحت سقف واحد...وخذيها نصيحه مني لاتبينين لزوجك حبك الجنوني هو عارف انك تحبينه مايحتاج تبينين له كل يوم وكل دقيقه ..خليك طبيعيه راح الله يسهله.. جاك اللله يحيه وقومي بواجباتك تجاهه بدون تقصير..اما انك تجلسين طول الوقت تتلصقين فيه وتتمسحين فيه وتتغزلين وتفرضين عليه طبع مو طبعه وتبينه يصير رومانسي..انتي كذا بتتعبين وفي الاخير بتخسرينه..شوفي كل الزوجات الي مثلك وش سووا فيهم ازواجهم..يااتزوج عليها ياايقلها مني بمرتاح معك...معه حق والله كيف بيرتاح ووحده متلصقه فيه ومخليته محور حياتها يحس كانه مربوط من كله جهه.. بصراحه..معه حق يخلي جواله عالصامت....خلاص يااختي شوفي زوجك وش يبي وش الي يريحه وسويه ..دام اسلوبك مو عاجبه ولامريحه غيري اسلوبك..خففي اتصالاتك اعطيه فرصه يعبر من نفسه بدون ماتفرضين عليه. .اعطيه فرصه يتصل هو ويسأل عنك..واعطيه فرصه يفقدك.. |
بسم الله يمه منكم اكلتونن بقشوري
لا والله انا ثقيله ولا اني غثيثه مااكلمة الا مرتين بالاسبوع وخمس دقايق والباقي الايام رسالة مرة باليوم ... بس انا خفت عليه كل شوي يمرض من البرد وماعنده مناعه ... واذا مارد علي اصيح صياح اخاف صار له شي ومااحد يهتمه ... بس هو مايحس بي |
السلام عليكم ورحمة الله تعالى وبركاته
الأخوات هنا كفوا ووفوا ، ولكن بالفعل من المستفز جداً مقارنة الرجل برجل آخر ، كأنكِ تقولين لزوجكِ أنت فاشل ولست ك ذاك الرجل ، ف يا أختي في الله قبل كل شيء أعرفي أطباع زوجكِ في هذه الفترة واعرفي ماذا يحب وماذا يكره ، وتجنبي مايكرة وتقربي له بما يحب ، وسوف تجدينه كما تريدين . الله يوفقكم يارب . |
جزاكم الله خير ....
ماكلمته ولا كلمن ..ولا اي رسالة حتى الان .. ....وربي اني اشتقت له ...وش اسوي واذا شفت صورته بجوالي اتعذب |
وش علاقة عنوان الموضوع بالموضوع ؟
|
| الساعة الآن 09:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©