زوجي فاهم الزواج خطأ ؟؟ اتمنى الطلاق بأسرع وقت !!
 

*السلام عليكم ورحمة الله وبركاته

يارب الاقي عندكم من يقف بجانبي ويوجهني بالشكل الصحيح
مشكلتي معقده وتحتاج شخص حكيم ولديه طولت بال
بتكلم عن مشلكتي وبحاول اختصرها

زوجي انسان عصبي جداً مايثمن الكلمه الفاظه سيئه
عمري 25 عمره 26*
انا متزوجه من 11 شهر ثالث يوم من زواجي سافرت للخارج للدراسه اول اسبوع من الزواج ضربني لاني كنت خايفه من العلاقه الخوف شي طبيعي للبنت خصوصاً مع شخص كان داخل حرب ، ثاني اسبوع اكتشفت خيانته ومن يومها والمشاكل ماتنتهي كل ماالاقي خيانه يعتذر ويكذب واصدقه وينتهي الموضوع كنت اتصل على ابوي من ورا زوجي فكر يجي ياخذني بس انشغل وماقدر وقت الغربه اغلب مشاكلنا كانت عن خيانته علاقات كانت قبل الزواج وللاسف مابطلها بعدين تفاجئت بأنه (مايصلي بتاتاً)
حاجه ثانيه مكآفآتي وقت الدراسه بالغربه ماكنت اخذ منها قرش واحد كان ياخذها ويقولي "الله يخليك وقفي معاي وساعديني عشان اكون نفسي وان شاء الله اعوضك " بعد مارجعت من السفر ابوي سألني وين راحت المكآفآت المبلغ ماكان قليل تقريباً 40 الف ريال وعرف اني ماكنت اخذ منها شي وتضايق عرف زوجي بزعل ابوي وطلقني بكل سهوله بحجة ليه ابوي يتدخل بيننا بعد اسبوعين رجعني وهدت الامور شوي ..
الحين من رجعت من السفر صار لي تقريباً 8 شهور اهله بمنطقه ثانيه وهو ساكن عندهم وكل مااقوله المفروض نستأجر شقه مثلنا مثل اي زوجين يقول مافي داعي لأننا بنرجع نكمل دراستنا ،غاب عني مدة 5 شهور بحجة الشغل جالس عند اهله وكنت اعذره وماأضايقه واخليه براحته ، كانت الامور بيننا تمام وكنت احثه على الصلاة كذب علي وقال خلاص صرت ماافرط بالصلاة ، صار لبعثته مشكله وقال خلاص يمكن نسافر لدوله ثانيه، المهم والأهم جاء عندنا قبل عيد الاضحى بكم يوم واستأجر شقه مفروشه ( ولافكر يبحث عن شقه بعقد سنوي ) اول ليله كنا حلوين مع بعض وقالي انا ابيك ولو ماابيك طلقتك من ثاني يوم وهو متغير ينام بالصاله بعد ماياخذ حقه الشرعي من نصحى يوديني بيت اهلي مباشرة ومايجي ياخذني الا بعد مااتصل عليه بآخر الفجر وبعض الايام يقول نامي عند اهلك تغير فجأه مادري شفيه سألته وش اللي صاير ؟ قال بس متضايق لاني ماحطيت لك بيت، بعدها طردني الفجر من الشقه ووداني بيت اهلي قلت ليه قال انا مليت منك ، من بكرا تنازلت واتصلت عليه اجبر بخاطره جاء واخذني ، اتصل على ابوي وقاله بنتك فيها وفيها حط فيني عيوب الدنيا وذكر مشاكل كانت تصير وقت الغربه يعني انتهت من زمان انا استغربت وش اللي ذكره بالمشاكل الحين اغلبها انحلت مثال :قال لابوي انا طفشت منها لانها دايم تفتش وراي*كنت افتش جواله باستمرار بس من رجعنا من السفر مامسكته صار لي اكثر من 8 شهور وكذبته اصلاً واضحه هوغايب عني 5 شهور يعني الفتره طويله متى فتشته !!!!

مثال ثاني : طلب مني اتصل على اخته ايضاً قبل 8 شهور وقتها كنت زعلانه ورفضت وبعدين على طول كلمتها وعذرتني راح قال لابوي بنتك ترفض تكلم اخواتي وتسلم عليهم !!! والحين علاقتي فيهم سمن على عسل بالعكس اكلمهم واسأل عنهم

ذكر مشاكل صار لها فتره طويله مو عارفه ليه؟؟
وعلى طول سافر ورجع لاهله بدون مايودعني !!
بعد ماسافر اتصلت عليه حاولت افهم منه ماعطاني جواب قلتله صارحني باللي مزعلك اتمنى نحل الموضوع بيننا ليه تفأجاني وتتصل على ابوي حتى مااذكر صارت بيننا مشكله اخر مره شفته فيها كان الوضع طبيعي..
الحين يهددني بالطلاق ويرسل رسايل يقول ارسلت ورقتك وصلتك والا لا؟ مجرد تخويف
ومن 3 اسابيع مادري عنه ، من تزوجنا اول مره اطنشه كل هالمده مستحيل اتنازل اواتصل عليه كثير تنازلت بدون فايده الحين مطنشني لانه تعود اتصل واراضيه واذا طولنا اسبوع بس هالمره لا
وانا ماأخطأت في حقه ومازلت اجهل سبب هالتصرف*
اتمنى هالمره يكون لي كلمه وشروط يحط لي بيت ويصلح معاملته لي
بس للاسف ابوي مو معطيني مجال ؟؟ لما طلقني بالمره الاولى رجعني له بكل سهوله بدون شروط
مافي احد يرضى على اخته والا بنته تتزوج وتضل ساكنه معهم ؟
مااقدر ادخل بيننا احد للصلح جربت مره وفشلني وعاند زياده ؟
اتصلت على اخته الكبيره ابيها تحاول تفهم منه ايش الموضوع مافي فايده كان رده لها اني مااهتم فيه ؟
احس اني ضايعه مادري ايش اسوي لامتزوجه ولامطلقه ؟؟
انا خايفه من كلمة مطلقه والحياة الزوجيه محتاجه صبر
بس انا وهو مانصلح لبعض على طول بيننا مشاكل من بداية الزواج ومو اي مشكله كل مشكله اصعب من الثانيه نادراً مانكون متصالحين هالمره اتمنى الطلاق فعلاً لكنه*يرفض *
انسان ضايع وطايش يظن ان زواجنا مسيار زوجه بالاسم فقط يروح ويجي علي متى ماحب مايبي يتحمل مسؤليتي هو قادر يفتح بيت بس لما حس الموضوع صار جد ولازم نستقر قلب الطاوله علي واسهل حل بالنسبه له الهروب
احس كلامي مخربط وغير واضح لكن اعذروني وساعدوني*

مع الاسف عنده علم
ووالدتي تعرف والمسكينه تتمنى طلاقي وراحتي
بس ابوي مايبغى طلاق يقول انا بحاول اصلح بينكم وماشفت منه اي تحرك

مالك الا الدعا ادعي ربك مع كل سجود ان الله يهديه ويسخره ،،اكثري من الاستغفار استغفري باليوم الف مره،،وهو نايم اجلسي عند راسه واقري عليه سورة البقره كامله يومياً لمدة شهر وشوفي ،،ان انصلح الحال والا لكل حادثٍ حديث

يااااااكثرهم اللي فاهمين الحياه بالمقلوب
مو بس الزواج
ادعي بصلاتك وباخر الليل
واوقات اجابة الدعاء ان الله يفرج كربك
لان مالك الا الدعاء دام ابوك مو مستجيب

بيهونها رب العالمين..
مشكلة زوجك الالتزام..
مهم جداً يكون لدى الزوج هذا الشعور..
فكري نحو هذا المحور من التفكير... يجب ان تكون لديه جديه

يقول الله تعالى "فابعثوا حكماً من أهله وحكماً من أهلها إن يريدان إصلاحاً يوفق الله بينهما".
*أرى ضرورة تدخل الوالد ووالد الرجل في الموضوع للجمع بينكما، والسماع منكما، وقول الحق، ثم تقرير ما يرونه مناسباً.
*أو اطلبي من أحد إخوانك الرجال الثقات أن يتحدث إلى أحد أفراد لجان إصلاح ذات البين للتدخل بينكما.
*ولا بد من هذا الحل في ظل عناد الزوج.
*فإن صلح الموضوع فالحمد لله..وإن لم يصلح سنرى حلاً آخراً بإذن الله.

شو هالفوضي هذي وليش ساكته
دخلي ابوكي في الموضوع
واعرفي راسك من رجليكي
قصدي خلي الامور تكون واضحة امامك
ولا ترجعين الا بشروط

جزاك الله خير


الله يفرجها ان شاءالله



للاسف مافيه جديه


والده متوفى ولايسمح لاحد من اقاربه بالتدخل
اخواني صغار اعمامي وخوالي مايتدخلون بهذي الامور

طلبت منه التدخل ومازلت انتظر وش راح يسوي ؟انتظر زوجي يتصل عليه عشان اعرف وش راح يقوله
بس المره هذي راح يكون لي كلمه مو مثل اللي قبلها
الحين مابيدي شي لانه بعيد عند اهله بس انتظره يتصل والايجي؟

الله يكتب ليكى الخير والسعااادة