|
زوجي اقترح نعيش كل واحد ببلد ووافقت
أود أن تشاركوني التفكير باقتراح انطرح علي أنا وزوجي ووافقنا عليه لكن يمكن وافقنا للأسباب الخطأ .
أرجو منكم الجميع مشاركتي برأيكم وبالذات المغتربين بأمريكا . الفكرة انه نرسل ولدنا اللي عمره 16 سنة يعني بالصف العاشر الى الولايات المتحدة حتى يكملوا السنتين الباقيين من المدرسة هناك وهكذا يقدروا يكملوا جامعة هناك .. راح يعاملوهم كطلاب أمريكيين من ناحية اقساط الجامعة . طبعا كان اعتراضي الخوف على أخلاق وسلوكيات الولد خاصة اننا مواجهين معاه مشاكل بالتدخين وبادمان ألعاب النت ويا دوب قادرين عليه هنا فكيف هناك . وكان الرد أنه السلوكيات عندنا بالأردن خربانه أكثر من هناك . وواذا خايفه عليهم ممكن تقعدي معهم 6 شهور .. ولأنه كان فيه كلام ثاني من زوجي بنفس الجلسة عن انه الرجل ينبسط لما ينشغل خارج البيت ويقدر يرتاح من شوفة زوجته فأنا كنت متضايقة ووافقت على الاقتراح .. وليش بس 6 شهور :29:؟؟ أقعد الوقت كله:25: قال زوجي .. أقعد أنا 6 شهور وانتِ 6 .. نتناوب ومع العلم انه عندنا بنت انهت دراستها الجامعية وبانتظار الوظيفة أو الزواج ... سكينة انصدمت من الاقتراح .. تقول لي يعني ببقى مع والدي 6شهور بالسنة لوحدنا .. مرعوبة رأيكم يا جماعة لو سمحتوا ... بموضوع الحياة هناك لشاب بعمر 16 .. وهل فعلا في استفادة كبيرة تستاهل البهدلة .. خايفة من النقلة من مجتمعنا لمجتمع منفتح بهذا العمر .. كيف ممكن أسيطر أنا أو زوجي عليه هناك لو جرفه التيار وبهرته الحياة هناك ومن ناحية ثانية ... هل هذا حل لمشاكلنا أنا وزوجي أم هو هروب وراح يكون باب لمشاكل أكبر . |
سافري بيتا بيشتاق لك
سافري افضل وما تخافي امريكا مثل باقي الدول حاليا ما عاد فرق بين لبنان الاردن امريكا استراليا كل العالم منفتح مع النت انما البنت شو خذيها معك ولو شهران او تحاول تكمل مدرسه عندك |
واواواواو
شوفي انا ولدت وفتحت عيوني وانا في بلد غير بلد الاصلي لدرجه انه الواحد اصبح ينصدم لما يعرف اني من بلد كذا!!!السبب موسلوكي او في اخلاقي لاااااااااااااا ابدا الحمدلله والله كان عندي كل المحرمات والفلوس وكل شئ كان بوسعي اني اجيبه في اقل من ثانيه واحده بس الحمدلله اهلي ربوني احسن تربيه وعلموني كيف اكون انا بدون مااحد يأثر عليا بس الكلام هذا كان زمان يعني قبل 27سنه اما دحين هل انتي تعتقدي انه ابنك ممكن يكون لحاله في بلد زي امريكا؟؟؟ولكن هي في الاول والاخير تعود لحسن التربية والعمر .بالنسبة لاي دولة تختارين إذا انتي عارفه انه ماحيتغير اذهبي انتي او اخته معه بس إذا تركتيه لحاله ممكن حيرجع وكل مفاهيمه كلها مختلفه عن المجتمع وعن العادات والتقاليد انا عشت طول عمري مع الوالده بحكم انشغال والدي اطال الله في عمره في السلك السياسي تعلمت اكون قويه تعلمت انه انا راح اكون المضره لنفسها اذا سويت شئ غلط تعلمت ادافع عن نفسي لبست الحجاب في وقت كنت لسه صغيره يعني في عمر 7سنين بس خسرت لغتي العربيه خسرت عادتنا خسرت تقاليدنا خسرت اكون بين اهلي خسرت اشياء كثيره وبرضو كسبت اشياء كثيره ...بس بانهايه التربية اساس في كل شي ومن تربى على شي شاب علية حتى ولو كان مقيم بين اهلة؟؟؟؟؟ وطريق الخير وطريق الشر في كل مكان ومو محدد في منطقه معينه إستخيرو وشوفو |
اقتباس:
خاااااااااااايفه ... لانه الولد ذكي وطمعانين بشهادة نروح نخرب حياته كلها وابو الشباب اذا مش طايقني بنقدر نفترق بطريقة تانية |
اقتباس:
تعودتوا على قوة الشخصية .. عارفين مبادئكم وعارفين انه الغرب غير عننا ..عاشرتو الاجانب وشفتوا عيوبهم وراحت الهالة اللي حواليهم تعلمتوا كيف تفكروا لانفسكم اولادنا تعلموا حد يفكر لهم حتى بالمناهج الدراسية .. مبهورين بالثقافة الغربية ومو شايفين عيوبها والى ان يعاشرهم ويعرف عيوبهم من حسناتهم خايفة يتوه |
لا بيتا في توعيه كبيره للتلاميذ
ومن ثم انتي قربو ما تخافي اتكلي على الله ببلاد بالمخفي يصير فيها بلاوي بتغيري جو بيتا وتصير قويه مثل اختك التؤأم ههه والناس والعائله بتصير تنظر لك غير انو شو جايه من امريكا روحي هونيك بتعرفي قيمة الاسلام وبتحسي بطعمو غير وبتلتقي بالجاليه الاسلاميه والمساجد بتاخذي فكره عن الدين في الغرب ويمكن تصيري مثل الداعيه احمد ديدات رحمه الله اقول بيتا حولي لعنااااااااا والله وتعمر استراليا فيكي وفيني هههه |
برأيي الشخصي الأفضل تدرسي الموضوع الف والف مرة قبل ماتوافقي على هالخطوة
الاردن مهما كان الانفتاح فيها ومهما كان المجتمع الطلابي فيه فساد مستحيل يكون متل امريكا،، كمان ماتنسي انك رح تكوني انت لحالك معه هناك، انت كيف سلطتك عالولد بالأصل؟؟ يعني بيتقبل منك منيح؟ بيسمع كلامك؟ الك سلطة قوية عليه والا لأ؟؟ اذا كانت علاقتك بهالناحية ضعيفة ولو شوي، برأيي تنسي الموضوع،، لانو الوضع يلي شايفتيه هلا من ناحيه سيطرتك عليه، هاد منك انت بالاضافة لخوفه من ابوه (مهما كانت العلاقة!) هو صح الشهادة من هناك لها وزنها وقيمتها من ناحية الوظيفة والمستقبل، لكن يبقى الصالح العام أهم كمان نقطة، عندك حدا هناك من قرايبك او معارفك؟؟ يعني رح تكوني رايحة وانت ماعارفة شي نهائي؟؟ والا عندك معرفة بالبلد او عشت فيها فترة مثلا؟؟ في مرة تحملتي مسؤولية البيت والاولاد كاملة لفترة طويلة؟؟ تكوني انت لحالك بدون اي مساعدة او وجود لزوجك بالبيت!! كلها امور الها دور ووزن.. لا تخلي توتر علاقتك بزوجك او زعلك منه يدفعك لقرارات بدون تفكير عميق ودراسة كل الايجابيات والسلبيات فكري وفكري ووازني الايجابيات والسلبيات للكل،، بدون ما تدخلي علاقتك انت وزوجتك بالنص!! (انسيها هلا) وبعد هالتفكير استخيري، واستخيري كتير كمان، وان شاء الله الله بيقدم يلي فيه الخير والأحسن للجميع.. الله يوفقك وييسرلك الأفضل دائما.. |
لابد ان تفكري بالامر قبل اتخاذ قرار مصيري كهذا..
ففي تلك الديار الكثير من المصائب واللتي راح ضحيتها الكثير الكثيرمن ابناء المسلمين من الشباب الطيب والذين لم يستطيعوا مقاومة المغريات ..والشهوات قد يذهب وقد يتخرج ..وقد يعود ..ولكنه لن يعود كما ذهب ...لن يكون ذلك الابن الذي ارسلتيه ستتغير مفاهيمه عن المجتمع وعن الدين وعن امه التي ستخسر الكثير من اجل ارساله.. نصيحة مني ..انا درست بفرانسا ..واعرف الاوضاع جيدا..ورايت العجب العجاب اعلم ان الضغوط قويه جدا عليك وانت تريدين الفرار من واقعك المؤلم .. لكن لا ترضخي..بيتاكوني قويه.. ان النساء الاتي صنعن الرجال كن اقوياء.. اكتب وكلي حسرة .. فقد ذكرتيني بالذي مضى |
أهلين بيتا انتي بنفسك عارفه الطريق الصحيح وحاسه ان اللي مخوفك هو تضييع فرصة في التعليم أفضل هناك.. وانتي أكثر وحده عارفه ابنك واتجاهه.. وما قلتيلنا كيف علاماته؟؟ بس عارفه ... عندي أخوي بأستراليا والله يحكي لي بلاوي للأسف عن بنات وأولاد هناك لدرجة انه قرر ما يحتك إلا بناس أكبر منه في الثلاثين وفي الأربعين كمان ويعطيهم بس ليله وحده في الأسبوع يقول بس عشان ما أنسى اني سعودي وباقي الأيام يسكر عليه الباب ويجلس يذاكر أحسله و أول ما رجع وشفناه جلس يبكي ويبوس رجول امي وأبوي ويقول انتم في نعمه عظيمه هناك العيشه فتنه فتنه وهلااااك وضياااع ودايم يحكيلنا عن حياتهم ووضعهم جداً مقرف والصراحة أحس وكأنهم حيوانات في زريبه والجميع بكرامه بس حيوانات متطورة جداً ومنظمه لأبعد درجه وفي نهاية الأمـــــر جنتهم في أرضهم وكسبوا الدنيا وضيعوا الآخرة الله لا يبتلينا فإذا كانوا بهذه المواصفات ... ايش تتوقعي حاينقلوا لأبنك ؟؟؟ ومره سمعت د. وليد الرشودي يقول الإستخبارات الأمريكية تدرس حال الطلبة العرب على أراضيها ونحن نقدم لهم أبنائنا على طبق من ذهب..!!!! يعني يفتحولهم مجالات وأشياء كانت محرمة شرعاً وعرفاً ويجلسوا يشوفوا تخبطهم فيها عارفه ليه؟؟؟ عشان يطبقوا هذي النتائج المخزية على بقية الشعوب العربية للأسف ويعرفوا من أين تؤكل الكتف وأخيراً ابنك يابيتا هو رأس مالك وأهم ما تملكي في هذي الحياة.. ابنك يا بيتا أمانة في عنقك راح يسألك ربنا عنها.. وشوفي هذي الجوهرة الثمينة فين حاتحطيها.. ودايم أدعيلهم في سجودك.. والتوفيق بيد الواحد الأحد سواء عندك ولا في أمريكا وإذا ربي ما كتب له التوفيق والله لو توديه أرقى جامعات العالم ماراح تغيري شي وإذا ربي كتب له التوفيق والسداد والله لو كان في أتعس جامعة هو موفق موفق والله وليه ونصيره وكفاك ذلك يا بيتا.. والشق الثاني من مشكلتك زوجك؟؟ والله ما صارت عيشه ولا اسمه زواج .. ورصيد كل واحد بقلب الثاني راح ينزل.. زوجك امسكي فيه يابيتا بخيره وبشره بكره عيالك راح يكبروا وكل واحد يتزوج وانتي ماراح يبقالك إلا هو ترجعوا اثنين زي ما بديتوا ... وساعتها شوفي شغلك معاه وطلعي اللي بقلبك لا تخافي :18: |
الله يكتب لك الخير ويصلح أحوالكم ........
تخطيطكم مبدئيا جيد استخيري ... |
| الساعة الآن 02:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©