|
هل تؤيد/يـــن (الملكة - العقد - كتاب الكتاب) لفترة طويلة ؟ ولماذا ؟
السلام عليكم ورحمة الله وبركاته كيف الحال اخوتي ؟ كما هو موضوح في العنوان :- هل تؤيد/يـــن (الملكة - العقد - كتاب الكتاب) لفترة طويلة ؟ ولماذا ؟ :25: أتمنى أن تكون المشاركات من المتزوجين / المطلقين / العاقدين / المخطوبين / المقبلين / والمنتظرين / بجنسيهما الذكور والإناث :d بانتظار تجاربكم ومشاركاتكم |
وعليكم السلام ورحمة الله وبركاته مرحبا حبيبتنا الماضي الدفين يشرفني أكون من المبادرين للرد على موضوعك ..
بصراحة أنا أفضضضل يكون بين الملكة والزواج مدة لاتقل عن شهرين ولاتزيد عن 4 أشهر !! وماأفضلها طويلة لأن بطبعنا مافيه مكالمات بين المتملكين فالموضوع مايفرق عندي طال أو قصر ماراح أستفيد شئ !! ... ولأسباب كثيرة أفضل الوقت القصير نسبيا من هذه الأسباب أحس عند الناس اللي طبعهم يكون بين المتملكين مكالمات بعضهم تحدث مشاكل ومناقر بين الشاب وزوجته لأتفه سبب لو يدق ماردت يزعل وهي لو ترسل له مسج ومايرد عصبت عليه ,, وهنا أقول البعضضضض مو الكل طبعا لذلك نسد هالباب ونرتاح !!! .... ويمكن يملون من بعض بحكم طول الفترة وبالتالي تفقد الأيام الأولى من الزواج طعمها وفرحتها ... وعند بعض الناس تزيد الضغوطات النفسية في فترة الملكة فوده يعرس بسرعة ويفتك من هالهم والإنتظار ... هذي مجرد تحليلات شخصية ... وبالأخير خير البر عاجلا ... |
اهلا اهلا .. :d
عن نفسي بخير .. وان شاء الله انت ِ والجميع بخير .. اشوف الخطبه تكون وسط افضل يعني سنه وان ان طالت سنتين بالكثييير .. فيه امور تتكشف خلال الخطبه ويكون لك الخيار بالاستمرار او لا ... افضل من العقد يوم الزواج .. ولا يعني بالضروره كل ماطالت الخطبه عرفتيه اكثر وعرفتي سلبياته وايجلبياته .. لان الامر حسب المصداقيه - الصدق مع النفس ثم مع الاخرين .. يعني لايظهر كثير من الامور ولا تتكشف الا بعد الزواج .. سواء من الرجل او المراه ... ارجع وواقول انا مع كتابة العقد قبل الزواج بفتره كاافيه .. لاتقل عن سنه .. بين ملكتي وزواجي تقريبا 5 شهور ... مرت كانها 5 دقائق. وان كتب ربي نصيب ماراح اقبل بااقل من سنه او 10 شهور .. الله يوفق الجميع .. يعطيك العافيه حبيبه على الموضوع الحلو .. |
لا اوويد ان تكوون طوويله اقصى مده 6 شهور او اقل من السنه
اما اذا زادت احس تزيد المشاكل وهيييك شي وشكرررا |
اممممم
احلى شي تكون وسط ومع المكالمات تفهمه ويفهمها وتحدد اذا تستمر او لا |
ياهلا والله
لك وحشه ولمواضيعك ولردودك :) بالنسبه لي أشوف خير الأمور اوسطها يعني لاقصيره ولا طويله القصيره أحس فيها تضحيه فالملكه تكشف لك بالطرف الآخر أشياء كثيره مستحيل تعرفينها ألا بالعشره والعشره تكون عن طريق الملكه من خلال المكالمات واللقاءات :30: مثل الأسلوب والشخصيه والتعامل والعقليه والثقافه وأفضل الملكه الطويله على القصيره وبالنهايه أيام الملكه أذا كان الطرفين صالحين ومقتنعين ببعضهما تكون من أحلى أيام العمر واللي مهما طالت مستحيل يمل اصحابها منها واذا كانا الطرفين غير صالحين او غير مقتنعين ببعضهم تكون عكس ذلك محدثتك ملكتها كانت طويله وكانت من أجمل ايام عمري وأتمنى لو تعود:23: الله يرزق كل عازب وعازبه بالشريك الصالح اللي يسعدك ويخلي أيام حياته من أسعد الأيام :14: |
وعليكم السلام ورحمة الله وبركاته بخير بطلتك خيتو أفضل تكون الملكه 6 شهور ... بالنسبه لي كانت فترة ملكتي شهر وآحد مع إني أكثر من مره حآولت أأجل زوآجنآ وأطول فترة الملكه لكن قدر الله وماشاء فعل .. مع العلم بأني طلبت الطلاق قبل الزوآج بسبب استعجآله اللي خوفني لكن بالنهايه أستخرت وتزوجنآ وأنتهى زوآجنآ بـ الطلاق وأذا ربي كتب لي نصيب مره أخرى رآح تكون فترة الملكه 6 شهور فقط ولن أكتب عقد الزوآج الا قبل الزوآج بـ أسبوع ! |
شهرين كويس ماايد تكون طويلة
|
أشكر جميع الردود وأنتظر مزيد من الآراء ولي وقفة مع رد الأخت ندمانة حيل اقتباس:
لم أفهم أختي ندمانة ما كتبتيه هنا هل يمكن أن توضحيه |
افضلها من 4شهور الى 7شهور اذا قلت لم يفهم الطرفان بعض
واذا طالت كثرت المشاكل والتوفيق بيد الله سبحانه ماضر اهلنا مايعرفون بعض غير ليلة زواجهم |
| الساعة الآن 10:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©