|
افكر في الارتباط فعلياً من زوجة المستقبل لكن هناك عراقيل تعيقني في الارتباط
السلام عليكم
حي الجميع كلن بأسمه انا شخص ابلغ من العمر 28 سنه داخل في ال 29 سنه افكر في الارتباط فعلياً من زوجة المستقبل لكن هناك عراقيل تعيقني في الارتباط انا ولله الحمد وسيم ولا احب ان امدح نفسي كثير ووسامتي من احد الاسباب التي تعيق لي امور الزواج :( وطبيعة عملي تحتم علي ان اسافر شهرياً الى بريطانياً لإنهاء تعاقدات الشركه هناك انا شخص مسئول عن اهلي وخصوصاً امي وحينما افكر في الارتباط تتراوى صورة امي امامي ومستحيل اتزوج واترك امي لحالها حتى لو قلت باخذ شقه قريبه منها اصير كيذا اكذب على نفسي وحينها امي راح تكون وحيده وانا لحالي في بيت مستقل وهذا بحد ذاته اعتبره رخامه وتقصير مني كارجل مسئول وقررت في نفسي كتالي البنت الي افكر الارتباط فيها قبل ماتقبل فيني لازم تقبل في وضع امي خصوصاً ان امي منفصله عن ابوي ولازم الزوجه تتقبل العيش مع امي في بيت واحد منها انا اكون مطمئن على زوجتي في سفري وغيابي ومنها ترد الصوت لأمي وانا اقول في قرارة نفسي يابختها من صارت امي خالتها :) لكن المشكله ماتكمن هنا فقط البعض رفضوني لشكلي وتخيلهم اني راعي مغازل والخ ؟ والبعض يرفض طبيعة عملي لكثرة سفري وعلى قولتهم هذا راعي سفريات ؟ احس مالها دخل هههه والبعض يرفض والسبب عدم الرغبه في العيش مع الوالده انا ماادري وش اسوي يعني اذا تخلصت من مشكله تطلع لي مشكله ثانيه ؟ قسم بلله طفشت وتنرفزت ماعاد ادري واسوي وين كلام الناس الي يقولون البنات مالين البيوت كلن يدور الستر ؟؟ وانا من ناحيتي راح اعطي البنت الي تبغاه من فلوس واحترامي واهتمام وحب وكل الي يدور في بالها بس انا وصلت لمرحله اصبت فيها في الاحباط ؟ شوركم وهداية لله يا الاجاويد هل انا على خطأ هل انا مبالغ ؟ |
هل ظروفك تسمح تاخذ شقه لامك وشقه مقابل لها لزوجتك لانه ناذر تحصل وحده تقبل بعمتها معاها الا وحده بنت حلال لانه الاغلب تقول عدوتها مو عمتها
|
8
8 8 اقدر اسوي الي تقولين عليه بس انا مابي افرقهم عن بعضهم ابيهم يكونون اصدقاء |
أنشر في محيطك أنك عندما تتزوج ستأخذ زوجتك معك في رحلات العمل
وستجد من تقبل بك بإذن الله لأن هناك من تحب السفر , وستوافق عليك , وهذه ميزة بالنسبة لها وأيضاً عندما تسافر معك , سيكون باستطاعتها التأكد من أنك لا تسافر من أجل العبث . |
شف أخوي مع إحترامي الشديد لو انا مكانهم برفض دون مشاوره
أول شي وسيم وراعي سفر = ..... إضافه لكذا أسكن مع أمه هاذي فيها نظر لو الأم عجوز وكبيره في السن ممكن لكن كذا يعني الوحده تبي تاخذ راحتها في بيتها وتلبس وكذا وطبيعة عملي تحتم علي ان اسافر شهرياً الى بريطانياً لإنهاء تعاقدات الشركه هناك اقتباس:
شف أخوي أنا قلت لك رايي عشان أبين لك سبب الرفض ونظرتنا أحنا البنات لهالشي والزواج قرار مصيري أجلس في بيت اهلي أحسن من مشاكل ونظرة البنات بعضهم أتزوج زواجه صاحيه وإلا أجلس عموما أخوي أكيد فيه بدل البنت الف راح ترضا فيك لكن لاتتشرط وخذ لك بنت فوق 25 وعشرين لو تبيها تسكن مع أمك البنات إلي أصغر في الغالب ماترضا بأم الزوج ولا تعرف تتعامل معها أو بنت ظروفها صعبه مثل أمها متوفيه أو أبوها عشان تشوف شي عندك ومع أمك وتحب العيشه معكم وأهم شي وحده ترضا تعيش مع أمك وبصراحه بنات هالزمن أندر من النادر ترضا تعيش مع أم زوجها وبعضهم أعوذ بالله تعاملها كأنها عدوتها إلا إذا ساكنه بعيده عنها الله يوفقك ويرزقك الزوجه الصالحه |
عليكم السلام
اخي اولا احب ان اهنئك على برك بوالدتك. تانيا انت لست مخطئ ابدا فامك وحيدة وقد ولدتك لتكون سندا ومؤنسا لها في كبرها. ومن ليس فيه خير لامه فلن يكون فيه خير لزوجته. فلو تقدم لي رجل بار بوالدته فسيكون ذالك سببا للموافقة عليه. بالنسبة لخطباتك المتعددة فربي لم ياذن بعد بزواجك. موفق اخي الله يرزقك الزوجة التقية النقية ويجعلها قرة عين لك. |
ماشاءالله باار بامه ومحد يبيه ..!!
شوووف لو انا بواافق على طووول مع انه تحس شوي الوحده ماتكون اخذه راحتها حييل بس لو انا بواافق بس بشرط اني اساافر معاه .. يعني كماان صعبه انك تساافر وترووح وهي جالسه بالبيت .. هذا راي .. وترى مو الكل يرضى انه يكون احد معهم بالبيت يعني صعبه ... والله يووفقك يارب للخير |
اقتباس:
انا ناشر في محيطي اني باخذها معي في كل سفره لي وصدق انا ابيها تجي معي في كل سفره بس فيه بعض السفرات مقدر اخذها والسبب تنقلي في لندن اماكن كثيره فاصعب اني اسحبها معي في كل مكان |
نصيحتي لك : واصل البحث .. لان زي مافي بنات يفكرون بانفسهم
فقط ويعتبرون اهتمامك بامك - عيب .. فيه بنات يعتبرونها ميزة وشي ايجابي ومطمئن من جهتك .. لو كنت تملك فيلا تقدر تخلي زوجتك لها على الاقل جناح تاخذ فيه شي من الخصوصية الله ييسر امورك |
اقتباس:
اسافر للعمل اترك النجاح عشان محد ينتقدني ؟ اقتباس:
وامي في الجناح الثاني وتحت مافيه احد ؟؟ اقتباس:
ولو قعدت مع امي وش بيضرها ؟؟ ولو انها ماسافرت معي تقعد مع امي وبتنبسط امي اجتماعيه ووسيعة صدر وزي ماقلتي البعض تفكيره مدري شلون وادري انك تبينين لي نظرت البنات وانتي ماعليك عتب اقتباس:
اقتباس:
والله هذا الزواج غثى :( اقتباس:
|
| الساعة الآن 08:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©