كيف ارتب لعودتي بعد الولاده وأهل زوجي موجودين هناك .. نصائحكم
 

السلام عليكم

صبـآح/مسـآء الخير عليكم جميعاآ

اعجبت بصدق تواصلكم في هذا المنتدى و صدق نصحكم وترابطكم
سجلت على طول عشان تساعدوني وانا اكيده ماراح تقصرون :)

اول شي: انا طالعه من الولاده بكريه وابغى ارجع البيت على نهاية الشهر مو الاربعين لاني بصراحه اشتقت لزوجي وهو بعد ولان العيد ع الابواب وماابغا اعيد بعيد وكنت مخططه كذا مفاجئه منها اني برجع البيت من غير مايدري واسوي جو واخليه يرجع من العمل ويتفاجأ بوجودي وكذا

المشكله انو اهل زوجي اضطروا يعملوا اصلاحات في بيتهم وبحكم اني ساكنه جانبهم اظطر زوجي يقولهم تعالوا عندي لين ماتخلصون والبيت فاضي ومن هالكلام هم وافقوا والحين هم عند زوجي بالبيت يعني ببيتي ، يعني كل مخططاتي ومفاجأتي خربت :"(

طبعا هو قال ان الاهل بيجون البيت وكذا وانا مستحيل اقوله لا لانهم كويسين جدا معايا وانا مااقدر اقوله لا لانه مهما كان اهله فاستحيت وخبيت بنفسي وقلت ع عيني وراسي واعطهم المفتاح

السؤال/ ايش اسوي ؟ هل ارجع البيت عادي؟ علما بان اصلاحاتهم ممكن تطول وعلما بان خالتي ام زوجي الله يحفظها مجهزتلي سرير ولاده بالمجلس وتبغى تساعدني باستقبال الحريم لما ارجع لبيتي بس لنا ابغى اصبغ واتحنى واشتريت كذا ملابس جديده وقلت ابغير الاستايل تبعي بس مستحيه من وجودهم بالبيت واكيد ماراح اقدر اسوي لا اجواء ولا البس ولا شي
ابغى حل؟؟؟؟ محتاره وما ابغى ازعل زوجي لأنه هو اضطر يسوي كذا وانا عارفه وحكالي وبنفس الوقت ابغى اسوي مثل كل الحريم لما يطلعوا من الولاده!! افيدوني بنصائحكم
علما ان اهل زوجي يتكونون من ام زوجي وابو زوجي وشغالتهم وبنتهم، وعلما انهم يحبوني مرره واحبهم مرره وانا عارفه انهم مستحين مني وانا مستحيه منهم!!!:/ > اووم الحوسه :/


الشي الثاني/ ابغى اهدي زوجي هديه ومحتاره بين الايفون 4 وبين الايباد ايش تنصحوني فيه بحكم الاحسن من حيث الاستعمال؟

انا من رايي انك تسوي كل الي في خاطرك فيه من تغير استايل وحناء ..الخ
واعتبرهم انهم عايشين سنوات معك في بيت واحد لا تعبيرهم الضيوف عندك
ولا تحسيسهم انهم جوا في وقت غلط علشان ماتفقدي حبهم لك .. لانهم راح يظلوا معك فتره طويله
الله يفرج همك ..

والله يالغلا انا اشوفه عادي بس انتي كم لك بالاربعين عادي ارجعي وزوجك بيفرح فيك وهم ماراح يثثقلون شغالتهم معهم وخالتك ياعمري مستعده لك وهم طيبين. واللي تبين تسوينه لزوجك سويه بغرفتك ولا تحسسينه ان وجودهم مقيدك ومخرب عليك وهذي نقطه حلوه بصالحك اتجاة زوجك. وبالنسبه للهديه اثنينهم حلوه شوفي هو وش يحب.

رائي من راائي شذى وروحي البيت وعندك غرفه انتي وزوجك وخلي بنتهم تسااعدك وزيني الغرررفه حقتك انتي وزوجككك صدقيني بيييييييينهبل عليك جوو الغرفه حلووووو حيييييييييييييييل.... وقصي شعررك واصبيغيه غييييريه مممرره حلوو التغيير كذا يحس انك مهتمه له من شكلك....
والله يووفقك ياارب ولايغير عليك وعلى اهل زووجك..
وعلى الهديه شووفي جوااله اذا كااان نووعيته حقت العاام اهديه الايفوون احلى واذا مااعنده ايباااد اهديه له كلهم حلوووه..

مشكورين ماقصرتوا

شذى الاصلاحات يمكن راح تأخذ شهر بالكثير مو سنوات يعني هل اقعد هالفتره عند اهلي ولما يرجعوا لبيتهم ارجع؟ والا اسوي اللي قلتوا عليه؟ ماما كمان كلامها مثل كلامكم و زوجي يقول اللي تبين سويه تبين تجلسين عند اهلك وانا اجي اجلس عندك مافي مشكله تبين ترجعين البيت و تسوين اللي تبين بغرفتنا كمان مافي مشكله!
اخواتي يقولون لا تروحين وهم في البيت خليهم يروحون وبعدين ارجعي
صديقتي تقول اول يوم روحي فندق وبعدين ارجعي لبيتك عادي وهم فيه > بس الفندق مالو داعي لاني انا ودي ارجع ع نهاية الشهر يعني باقي اسبوع واخلص شهر و ودي ارجع ع نهاية الشهر واكيد بكون لسه معاي الدوره والخياطه ماطابت يعني يبيلي لين اخلص الاربعين !!

نفسي تقول اخذ بكلامكم وارجع البيت عادي بس اخليه يعوضني بذيك السفره بعد الاربعين < بأستخدم كيد النساء :)

الله يجزاكم كل خير ويجعل مثواكم الجنه شجعتوني رغم قلقي

حبيبتي عاشقه والله كانك حاسه فيني وشايفتني صدق :)))

فعلا جواله نوعيته مرره قديمه والايباد راح ينبسط فيه اكثر من الايفون لانه مايحب الايفون مره بس هذا اطلق جهاز بالسوق ومايغلى عليه فشكلي راح اخذ الاثنين ،،

بس ماكنها بايخه يوم اخذ له جوال مايحبه و يوم اخذ هديتين !!

اكملي الاربعين عند اهلك واذا انتهيتي سافرين يومين معه
او فندق حلو ثم ارجعي الى بيتك دون سرير واستقبال او تكلفي على
ام زوجك
مارسي حياتك في بيتك
والهدية اذا كان مايجب الايفون ايباد او جلاكسي 3

يعني انتي لو رجعتي قبل الاربعين سواء اهله موجودين او لا حتكوني لسه على قولك تعبانة والخياطة ما التامت
فلنفرض انك رجعتي قبل الاربعين واهله مش موجودين وانتي معذورة فايش اللي راح يتغير
من وجهة نظري عادي ارجعي بيتك واهله موجودين دام انهه طيبين الله يديمها
واحس برضه تستفيدي من وجود والدته او اخته متلا اخته في حركات الزينة اللي تبغي تعمليها
ووالدته تخلي عندها الطفل لو تبغى تروقي مع زوجك
الشغالة تشيل عنك شغل البيت يعني
انظري للموضوع بشكل ايجابي حتلاقيه حلو
وبالنسبة للهدية الصراحة ماله داعي اي فون واي باد مع بعض واحد منهم يكفي لانهم تقريبا نفس المميزات من ناحية البرامج وكيدت وعلى فكرة كتير كان ما يعجبهم الاي فون ولما استخدموه ادمنوا عليه
واذا انتي ميزانيتك كويسة ماشالله اشتري هدايا لوالتك تشكريها فيه على تعبها معاكي في النفاس وام زوجك كمان بما انها مسويتلك سرير وناوية تساعدك من باب تهادوا تحابوا صدقيني حينبسطوا منك مرررة كتير

اسفة طولت عليكي بس حبيت افيدك