|
هل أترك وظيفتي وأهلي وبلدي وأوافق أم أنتظر ؟ (حلت المشاركة21)
السلام عليكم ورحمة الله تعالى وبركاته
الحمد لله وأخيرا جاني خاطب هههههه ولكني محتاره جدا وياليت تشاركوني في الامر وتعطوني رأيكم سأخبركم بصفات الخاطب إيجابياته وسلبياته الايجابيات: رجل ملتزم كما أخبرونا والله اعلم، عمره قريب من عمري، حالته الماديه جيده، إنسان محترم ومثقف السلبيات: من دوله أخرى، متزوج وعنده عيال، سأضطر أن أترك عملي إذا وافقت بصراحه أنا ماني صغيره يعني في الثلاثين وحلمي بطفل صار هاجسي اليومي، ولكن إن وافقت فيعني ان اترك بلادي وأهلي ووظيفتي، وحاليا أنا على أبواب تكملت دراستي العليا فهل اترك كل هذا واتزوج اهلي البعض يقول توكلي ووافقي والاخر يرى ان انتظر ولا اضحي بكل شيء واذهب محتاره جدا والامر صار له اكثر من شهر واحس الخاطب بدأ يمل ويطلب بالرد انتظر ارائكم لو انتم مكاني ماذا تختارون |
ياهلاااااا وغلااااااااا فيكِ العااااااااابدة
شكله هذي دعوووووووووتي لك ترى دااااااايم ادعيلك انتي والبنات بالمنتدى شوفي مواااااااصفاته حلوه بالنسبة للسلبيات انتي تقولين من دولة اخرى اتوقع انه من دولة خليجية قريبتي متزوجة قطري وماشاء الله مبسوووووووطة وبعد متزوج وعنده عيال الحين لاتخافين من البعد الله يسلم المواصلااااااات وكونه متزوج الحمدلله كثيييييييييير معددين ومبسوطين وماهو شرط عزوبي بيسعددددددددددك ! طبعا مايحتااااااااااااج اوصيكِ بالاستخاااااارة استخيري وانتي تستشعرين كل كلمة بالاستخااااااااارة والف مبروووووووووووك ياعرووووووووسة :14: |
والله حبيبتي اذا تقدري تنقلي اوراقك وتكملي من البلد الجديد حلو
ووظيفتك قدمي اجازه من غير راتب لمدة سنه او سنتان ومن ثم وقت تلاقي انو الحمد لله رب العالمين كلو تمام وطيب قدمي استقاله من العمل الدراسه فيكي مثلا انو تدرسي ووقت الامتحان تقدمي او تحولي دراستك عن طريق الانتريت ووقت الامتحان تنزلي منو تشوفي اهلك ومنو تقدمي على الامتحان اعتقد هذا افضل حل يعني العريس بيد والوظيفه والدراسه باليد الثانيه لانو حرام نقول لك اتركي كل شي واذهبي معه وايضا حرام نقول لك اتركي العريس لذلك اجمعي الثلاثه معااااااااااااااا يالتوفيق ما رح نوصيكي بالاستخاره اكيد عم تعمليها الله يقدم اللي فيه الخير لك يا رب |
هلا فيك اختي الغاليه حنين للأمل
جزاكي الله خير الجزاء على دعائك الصالح والله يرزقك بالمثل هو أكيد خليجي بس مو من الاهل ويالغاليه الامر محير جدا يعني ننتظره صار لنا سنين ولما يجي يحيرنا هههههه سبحان الله الله يكتب اللي فيه الخير |
رايك حلو يالغاليه جرين
ولكن بسبب طبيعة عملي إذا وافقت على الرجل يعني لازم اقدم إستقالتي من العمل واكيد الحمد لله صليت إستخاره والله يرزقنا ما فيه الخير لنا |
الله يوفقك ياختي ويكتب لك اللي فيه خير، والله الزواج مافيه احلى منه، لكن إذا انتي مثلاً مدرسة تقدري تاخذي أجازة بدون راتب توصل لعشر سنين على حد علمي، عموما أشوف الزواج للبنت أبرك من الوظيفة، والله يوفقك ويسعدك ويحقق لك مبتغاك
|
جزاك الله خيرا أخي meat man
الزواج نعمه من نعم الله تعالى للإنسان بصراحه الزواج قرار صعب وإحتماليه نجاحه وفشله وارده بما يقدره الله وخايفه اترك عملي وهو ضمان لي لحياة كريمه وفي نفس الوقت أنا على يقين أن كل اموال الدنيا لا تغني عن طعم الامومه طيب ما رأيكم في مقترح قدمه أن أظل في بلدي وهو في بلده ونقوم بالزيارات المتبادله هو مقترح حلو ولكن هل سيحقق هكذا زواج الأستقرار والامان الذي يطمع فيه الانسان من الزواج؟ وهل ستكون الالفه موجوده وكل واحد في بلد؟ |
زواج راح تتركين بلدك فيه نظر
كيف بلدك ووظيفتك أخت صديقتي متزوجه خليجي وعلي حسب كلام صديقتي تقول شين جدا بعيده عن أهلي وتحس بالوحده وتقول أني أكون محتاجه لزوجي وهو مستغني عني عنده أهله ظروفك راح تتركين بلد وأهلك وحطي في بالك يمكن تجلسن شهور وماتجين + وظيفه + رجل متزوج وعنده عيال يعني معدد + بعد خمس سنوات أتوقع تكون جنسيتك نفس زوجك زواج كله تضحيات من طرف واحد إلي هو أنتي ولا فيه أي مغريات للموافق أو ضمان للعيش بسلام أختي لو عادي توافقين علي معدد راح يجيك معدد من بلدك بدون ماتتركين وظيفتك وياكثر الرجال إلي يبون يعددون قريبه من أهلك وموظفه وراح تكونين أم إن شاءالله وإضافه لكذا الوظيفه نعمه كبيره ممكن ماتحسين فيها لكن كثير بنات متزوجات ويدورون عنها وودهم يتوظفون ولو تعرف أمك أو أختك خاطبه لا مانع من أنها تكلمها عنك ومافيها شي أتوقع وصديقة أختي بنت متوفي أبوها وأمها ساكنه مع أختها الكبيره تواصلت مع خطابه والحمدالله تزوجت ألحين |
لا اعرف مااقول سوى استخيري واطلبي الله التيسير
ادعي الله ييسر لك اسأل الله ان يعطيك حتى يرضيك ويسعدك يعني ممكن تقدمي اجازات دون مرتب إذا استطعتي وفكري من جميع النواحي يعني ممكن لك انتي وايد طيب لكن هذا مانستطيع نعمم على حسب الشخصيات والجنسيات يعني مثلا بالسعودية حتى لو امها اجنبية صعب اتزوج حتى لو خليجي صراحة ابن بلدي ادرى بعادتي وتقاليدي انخطبت لخليجين ومواصفاتهم حلوة لكن مضطرة ارفض لأسباب كثيرة يعني مثل ماقلت لك يختلف من وحدة لوحدة وعائلة لعائلة بس الله يختار لك مافيه خير وفقك الله ان شاء الله تتزوجين قريب يارب |
الله ييسر لك
والأمر يحتاج لموازنة .... وتضعي المهم في المرتبة الأولى وبعد الإستخارة .. تنتقلين لوجهتك المقصودة ورجل خليجي يعني يحتاج لدراسة الموضوع من كافة جوانبه مع أنك لم تذكري سبب إقدامه على الزواج باخرى ولماذا من بلد آخر يختار عروسه؟؟ وبما أنه من بلد آخر فالسؤال عنه صعب أليس كذلك؟؟ ثم هذا الزوج ألم يفكر في أنها ستبقى بعيدة عن أهلها وقد يطول البعد لأشهر وقد يصل لعام إن لم يكن أكثر؟؟ وهل باستطاعته أن يوفر لها تذاكر على الأقل لو مرة واحدة في السنة؟؟ وهل سيبقى على هذا الحال طويلاً وهل الإمكانيات المادية تساعده؟؟ الأمر يحتاج منك لتبصر أكثر في شأن هذا الرجل وفقك الله أخية |
| الساعة الآن 04:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©