|
ايش اهدي زوجي قبل لا اولد
السلام عليكم و رحمة الله و بركاته
حابة اخد رايكم في نوع الهدية اللي باهديها لزوجي .. لاني جلست اسبوعين محتارة ؟؟؟ قبل كل شي باوضح المناسبة: - زمان كنت دايم اهديه هدايا قيمة زي جوال و كذا و هو لا ،، لحد ماتوقفت و بدأت اعوده يجيب لي هدايا بالمناسبات زي عيد الفطر و الصراحة ماقصر معاي هذه السنة و انا العكس .. توقفت .. - عدت مناسبات و ماجبت له هدايا بسبب الظروف اللي مرينا بها من سفر و مرض امي و شوي ظروف عند اهله و شوي حملي و كذا،، فكان نفسي اجيب له شي اشكره لوقوفه معي بمشروع تخرجي + عيد الفطر + مناسبة يوم زواجنا و ولادته و غيره .. و اللي يمنعني غالبا هو المواصلات او اذا كنت معاه، فاحس ماراح تكون مفاجئة .. - و اخر شي بسبب وقوفه مع اهلي و خاصة الفترة الاخيرة مع غياب اخواني .. فحابة اشكره - و فيني طبع احب اهدي حبايبي اي شي اشتهيه لهم :) مع العلم اني دايم اتشكره بالكلام و الأفعال و وقوفي معاه بمواقف لا احب ذكرها .. :) بس هذه اهم الاسباب .. و ابغى أعطيها له قبل موعد ولادتي فمستعجلة،، الاسبوع الجاي اخلص التاسع و ادخل العاشر : ( . . بس ودي اجيب له هدية تستاهل الصراحة .. و تجلس معاه .. احد ممكن يفيدني بأفضل شي ؟ و افكار لطريقة تقديمها له ؟ ليت الاخوات يشاركوا بأفكارهم و الرجال كمان ؟ و الف شكر لكم |
الله يولدك بالسلامة ويرزقك الذرية الصالحة الطيبة ويخلي لك زوجك ويسعدكم يارب..
لحظات وراجعة أفيدك.. |
شوفي ياقلبو..
ممكن تهديه آيباد خصوصاً لو كان محتاجة في مجال عمله ممكن تهدينه نظارة شمسية فخمة.. ممكن طقم مكتب خاص به في العمل.. وفيه فكرة طبقتها ومررررررررررره عجبت زووووجي تبرعت عن نيته وباسمه في مؤسسة خيرية وأهديته الايصال... والله يوفقكم.. |
فكرت اجيب ساعة ، بس زوجي دايم يضيع ساعاته و ضيع الساعة اللي اهديته هي يوم الملكة
و العطورات هذه مرات اشتريها له من غير مناسبة و يخلصها بسرعة في كم اسبوع الجوال مستحييييييل، لاني جبت له زمان و باعها تاني يوم و حلفت ما اجيب له جوال هدية و هو من بعدها قال توبة و جاتني عقدة هههه مادري ؟ ينفع الايباد و لا نوت بوك و لا لاب توب صغير ؟؟؟؟؟ احس متشجعة لفكرة النوت بوك اكثر ؟؟؟ فيه افكار ثانية ؟؟؟ *شي بحدود الألف و الألفين .. |
ديمي معليه ماشفت ردك غير دحين :)
فكرة الايباد جات في بالي، بس خايفة اجيبها و يقوم يبيعها هههه هو الصراحة مايحتاجها بمجال عمله أبدا ، يمكن يحتاجها للترفيه و الفشخرة ، يعني بس برستيج هو عنده ايفون و مايستخدمه و النظارة الشمسية يحبها، بس مايعرف قيمتها اذا جبتها له ،، جبت له وحدة ماركة غالية زمان و عجبت صاحبه، و قام أعطاها له : ( عشان كذا بطلت اعطيه هدايا من سنتين اقل شي هههه عشان يتوب يبيع هدياتي له او يهديها لاحد طقم مكتب ماتنفع لانه حاليا مو مستقر بوظيفته و اخر فكرة ، حلوة مرة مرة مرررررررررررررة و الله يجزاك كل خير و باعملها ان شاء الله عن قريب بعد ما اجيب له هدية ^^ بس اكيد باعملها ان شاء الله و منها اكون شجعته على اعمال الخير ^^ و بتكسبي أجرنا بإذن الله ^^ |
مافي داعي للهدية
كفـاية وجـودك واذا مصره الافضل تعطيـه كاش موني .. يعني فلوس نقدا لان اي هديه احتمال كبير يبيعها في ثاني يوم وحرام يخسـر فارق السعر بين الجديد والمستعمل ولو يوم |
:* روح الطير كيف حالك .. ياغالية؟ نشترك في نفس الطبع حب أهداء الأحباء على قلوبنا وأمي دائماً تقلي يدك مخرومة طيب بسألك: أيش هوايات زوجك..؟! أنا هداياي لزوجي هدايا تخدمه بمجال عملة غالباً والآحظ أنه يحب أختار له العطور ويقول العطر إلي تهديه لي أفضله على إلي أشتريهم لنفسي فصار العطر شيء إلزامي +الهدية :* أخر مرة شريت له شنطة خاصة لرحلاته ومحفظة بطاقات الصراف وخليت أحد المحلات يكتب عليها اسمه بطريقة حلوة هي طريقة الحرق ووضعت معها مصحف صغير :* وسبق وشريت له خاتم فضة وجعلتهم يكتبون لي جواته عبارة حلوة والتاريخ + أوتجراف كيوت مره وعليه صورة رومانسية لحبيبن وكتبت فيه عدة صفحات سولفت له فيها سواليف كثييييرة:d :* ممكن كمان تختاري له ميدالية مفاتيح أو شيء يضعه بسيارته ترى الرجال يحبوا سياراتهم زي حبهم لزوجاتهم فلاتنسيها تراها ضرتك :* كمان فيه شنط حلوه خاصة بمكينة الحلاقة وأدواتها من فرشة وشامبو وعطر وخلافه وهذه مهمه لما يروح لأي حلاق يأخذها وتجي أساساً : كاملة بس تغلفيها ومافي رجل يستغني عنها بزمنا إلي مهم فيه كل شخص يستخدم أدواته الخاصة ومايثق بأدوات الحلاق :* ممكن تشتري له طقم بيجامات مع الروب تبعها ويكون باللون إلي يحبه :* إذا يحب الرياضة أشتري له طقم رياضي للفريق إلي يحبه :* إذا راعي كشتات وطلعات ممكن تشتري له أشياء تخص هالشيء :* إذا مهتم بالتصوير أشتري له كاميرا :* وممكن تقدمي له الهدية بجو حلو أطلبي عشاء من برى و هاتي كيكة وضعي عليها رسالة محطوطة بداخل ظرف حلو ومعبرة فيها أنتِ عن كل مشاعر الشكر والعرفان بداخلك له :* والله يتمم عليك وتجيبي نونو زي القمر ويألف بين قلبيكم ويحفظ لكم ذريتكم :* |
ماشاءلله سيدة الموقف كفت ووفت ..
بس عندي اضافه بسيطه .. لمن تجيبي له اي هديه وبعد ماتغلفيها .. لآ تنسي تحطي معاها بطاقه شويه كبيره مكتوب فيها كلام روماانسي وحلوو .. وبعد ما يقرأها تعلقيها في المرايا حقت التسريحه .. ودمتم لبعض =))* |
إن شاءالله تقومي بسلامه ياااارب
والله يحفظكم لبعض ولا يحرمكم من بعض ابدا ياااارب المهم ايه رايك بالمحفظه??يعني ممكن يستخدمها بشكل يومي وحتبقي معه طول الوقت وبعدها زي ما الاخت الغاليه سيده الموقف قالت ممكن تسوي له انجراف بأي شئ انت تحبي تقوليها او ممكن كمان يعني فكره بسيطه بس حتكون معه طول الوقتkey chain وكمان تسوي له انجراف باي كلام انتي تحبي تقوليها |
[SIZE="4"]
امممممم SIZE]روح ليش ما تأجلي الهدية إلى بعد الولادة والنفاس ؟؟ أحس مالها موقع من الاعراب الحين .. يعني بعد النفاس أنتِ محتاجة تغيير لوك وجو وحفلة صغيرونة حلو لما تكون فيها الهدية ، بس الحين انتِ تعبانه وحتى البحث عن الهدية المناسبة راح يتعبك أكثر .. والهدية حلاتها مع حفلة وفستان وعشاء صغيرون وأحس الحين صعب عليكِ هالشغلات :25: وفي النهاية الرأي لك ~ أما اش تهدي ، فما راح نكون أعرف منك بزوجك أفضل الهدايا اللي تجي وقت حاجتها أو يُستفاد منها إذا كان من محبي التصفح الجالكسي تاب حلو له أو الآي باد ، ومثيلاتهم ... ::[/ اقتباس:
سيدة من فين أخذتيها ؟ :o COLOR]قلبت الدنيا عليها كان محتاجها وما لقيت اللي يعجبني :( أشكالها وألوانها تقليدية جدًا ، أبغى شيء مميز :28: ويسلمووو مقدمًا ~ ::[/ |
| الساعة الآن 03:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©