|
رفض الاهل يزوجوه
السلام عليكم
هذي مشكلة لصديق لي يبي يتمرد عالعائلة والمشكلة بذكرها لكم باختصار .. خليني اذكرلكم مواصفاته عشان تحكمو الادمي عزيز علي ومحترم واخلاق ومحافظ على نفسه وعقليته ماشالله ناضجة وعنده صبر وحلول لجميع الامور الا هالمشكلة يقول لما تكون مقيد بشي بحكم العادات والتقاليد مالها حل الا انك تتمرد على هالعادات والتقاليد والفكر السطحي الي ببعض البيوت والمشكلة: الرجال متوظف براتب 3000 بشركة ينتظر الترسيم فيها ويصير حكومي لان ابوه شغال فيها حكومي بالادارة وابوه يقوله اصبر جايكم الترسيم ويبي يتزوج يبي يستر نفسه ,, والله وانا اشهدله انه ساتر نفسه لابعد حد وصحيح متهاون ولديه معصيات مثلي ومثل باقي الشباب الله يهدينا يعني ماهو متدين ذاك التدين , يدخن يسمع اغاني واشياء ماتخلو من اي بيت من معاصي الله يهدينا بس اهله مو راضيين يزوجوه بحكم اخوه الي اكبر منه بسنتين ماتزوج يقولو بعد مايتزوج اخوك نزوجك او انتو الاثنين بليلة وحدة واخوه مو داخله مزاجه زواج بها الفترة للمعلومية عمره 24 واخوه 26 يعني سنه مناسب جدا للزواج بس المشكلة بابوه خاصة مايبي يزوجه قبل اخوه واخوه كلم ابوه قاله زوجه انا مابتزوج الحين بس مو راضي..؟ وللمعلومية ابوه متعلم وفاهم ويلبيله اي طلب وهو الولد المدلل لابوه الي هو صديقي بس الا بها الموضوع الزواج رافض وبشدة الاب لازم اخوه الاكبر يتزوج قبله..؟ والادمي والله ياجماعة الخير امام عيني يجيه واحد من الشباب يقوله تعال معي الشقة عندي ثنتين انت خلك مع وحدة ونفلها سوا والادمي يرفض مو من قوة ايمانه لا يقولي ياخي وش استفيد اجري ورا شهوتي مرة والمرة تجر مرة ومرة واخرتها ارتبط ببنت الحلال الشريفة وانا ماستاهلها وربك يرزق كل واحد على نيته واخاف ربك يبتليني بعرضي بزوجتي او باهلي وخلني متحمل وربك ييسرها هذي بعض النماذج الي تحصل قدامي ودخل موقع زواج يبي يتزوج مسيار او يتزوج من عائلة بدون مايدرو اهله كل هذا والسبب ابوه مايزوجه قبل اخوه الكبير وش الحل ياجماعة الخير من ناحية ابوه مستحيل يتزوج قبل اخوه قد دخل الموضوع مع عمانه وكلمو ابوه ومارضي والادمي يبي يستر نفسه والله ماشالله عليه انه رجل تتمناه الف بنت مملوح واخلاق وشخصية وحبوب ودمه خفيف وعسل على عسل وربي ومتفهم وعارف اللي له والي عليه ودايم يوم نتمشى احنا الشباب ونلعب بالوت وضحك بصوت عالي يقلنا بالله خفضو صوتكم او خلونا نغير المكان نقوله ليش يقول جنبنا عائلة رجل ومرته مستانسين وتلقون زوجها الحين متضايق مننا ولايعكر مزاجه على حرمته . وابوه ماشالله اخذلهم شقتين بدل سكن من وظيفته ويخصمو على ابوه بدل السكن والشقق فاضية وحجزها لهم من سنة تخيلو يعني ماينقص الرجال الا المهر وتاثيث الشقة انتم وش رايكم تشوفوه مناسب تشوفوه طلب شي غلط من ناحية الصبر ابدا مستحيل مافيه صبر يبي وحدة تشاركة تانسه مو رغبته بس جنس لا ابدا ابدا حتى انا بنفسي والله ماعرفت وش اقوله ولا ادري ايش المطلوب من هالموضوع ممكن بسبب الحاحه علي اني اطرح الموضوع وهو معي 24 ساعة ويدخل يقراه ويبي احد يطمنه ويفضفض تشوفون فكرته مناسبة يزوج نفسه بنفسه ويحط اهله بالامر الواقع |
والله معو حق شو اهالعادات القاتله
ولكن اقول لك هو ياخذ اجازه ويدخل الغرفه ويقفل على نفسو ويكتب ورقه ويعلقها : اني نزرت للرحمن صوما اني لا اكلم اليوم انسيا ويدخل ويقفل على نفسو ويبدا يسبح ويستغفر ويصلي ويتعبد رب العالمين ثلاث ايااااااااااااااااام وان شاء الله كلو ينحل والله هذا الشي الوحيد اللي اغار فيه من الرجال هو انه يستطيع ان يدخل الغرفه ويقفل على نفسه و يتعبد ربو ويدعوه بتضرع ثم هو مش غلطااااااااااااان واطلب منه ان يصمد ولا يقع في الحرااام الله يكثر من امثالو |
هههههههههه
نفس وضعي تماما ادعولنا يا جماعه بالفرج |
خاله قرين هو فعلا ماعليها خلاف الاستغفار والتسبيح بس كمان الواحد ياخذ بالاسباب
هو يدعي ربه بكل سجدة يسجدها على كلامه وماله الا الصبر الله يفرجها عليه بيض الله وجهك على النصايح الي تقدميها وبميزان حسناتك يارب short والله مشكلة قبل فترة قالو غلا المهر والحين الاهل يمنعون الواحد يستر نفسه والرجل دامه طلب الحلال فمعناتها خلاص استرو عليه والمغريات ياكثرها الله يرزقكم يارب ويزوجنا اجمعين |
طيب ايش راي امه بالموضوع ؟ و ليه مايطلب منها تساعده ؟
ماعنده اخت ممكن تلين راس ابوه ؟؟؟ اخوي مثلك كان يبي يتزوج و امي كانت رافضة تماماً و انا اللي اقنعتها و خليتها تتقبل الفكرة |
اقتباس:
امه واخواته مأيدينه وواقفين معه بس الاب شخصيته قوية ومانعهم يفتحو معاه الموضوع ويقول مافي زواج قبل الكبير اكثر شي يحزني ويكسر خاطري يوم يسولف لي ويقول بالسهر اجلس مع امي واخواتي ونختار العروسة ومواصفاتها ويجلس بالساعات يفضفض لامه وهي تشاركه وتقوله فلانة سنعة ومن هالكلام ويوم اقوله ليش تتعب نفسك وتجلس طول اليوم مشغول بالك وبكذا بتتعب زيادة لاتفتح الموضوع اشغل نفسك معنا واطلع وفلها معنا,, يرد علي ويقول اي فلة ياشيخ مانروح مكان الا شايف التبرج ونفسيتي تنقلب زفت ابغا انسانة اشاركها حياتي عشان اوازن نفسيتي مابين عاطفة وحنان الي احتاجه ومابين طلعاتي معكم وكذا ويقول الموضوع افتحه باليوم الف مرة مع اهله ابغا افضفض احس براحة عالاقل لما يحكوني عالعروسة المستقبلية واقعد افكر قبل النوم ساعة كاملة فين نسافر وفين نطلع وكذا يرسم بباله مخططات واحلام والله حالته تحزن بالذات لما يقول, شي بيدك والمادة متوسطة وتقدر تفتح بيت بس مرفوض من الزواج بحكم العادة والتقاليد |
طيب خلّي يكلم أخوه ويقنعه بالزواج ..!! |
اخوه رافض الزواج هالفترة عليه التزامات اقساط السيارة وغيرها
وعاد هذا زواج مو مجاملة ويقنع باخوه عشانه تحس الموضوع مقفل من جميع الجهات مدري ليش |
للاسف هاذي عقليات بعض اولياء الامور والعادات وتقاليد ذبحتنا وذمرت بيوت كثير سواء رجال ولا نساء لا يتزوج مسيار ولا شئ يكلم امام مسجد ولا اهل الخير الموثوق لهم بصلاح من شيوخ ويكلمون ابوه واذا هو مصر على موقفه اجل يخطب وخليه قدام الامر الواقع للاسف كثير شباب تنجرف تحت الزنا والسبب حكم العادات وتقاليد الي متى اعرف قصه اب مثل هذا الاب ولما شاف الابن ان ابوه مره مقفل راسه اخذ امه واعمامه وخطب ولحين بيتزوج وفي الاخر الاب وافق الله يسر له امره
|
ظل انثى
بالظبط هذا الي اقوله انه شي مو بيدك دام ابوك وبعض كبار السن تفكيرهم محجر وراسهم يابس مالك غير تدعي ربك والله يفرجها وقال مالي غير هالحل بدون اهلي اخطب لنفسي بس متردد من العائلة الي بيتقدملهم وين ابوك وصعبة يوافقو او يفكرو يسئلو عنه قبل لايتاكدو |
| الساعة الآن 03:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©