|
ماعدت انبسط ولاعاد يشرح خاطري الجلوس مع زوجتي؟
لدي مشكلة غريبة
احب ادخل في الموضوع مباشرة انا رجل تزوجت من عشر سنوات تقريبا وانا طالب في الجامعة منتسب وموظف بوظيفة متوسطة الحال وساكن في سكن خاص من أول زواجي ولله الحمد ما عمري اني احتجت لاحد وخلال هذه الفترة لم أرزق بذرية الى هذا اليوم والمشكلة من زوجتي طبعا خلال الثلاث سنوات الاخيرة تحسنت ظروفي المادية وزاد الدخل وهذا من فضل وتوفيقه ثم دعوات الوالد رحمه الله والوالده أطال الله عمرها على طاعته كنت خلال السنوات الماضية زادت سفراتي ورحلاتي خاصة لجدة وكنت كثيرا أصطحب زوجتي ونأخذ عمرة ولكن في كل مرة نرجع فيه من السفر نرجع متخاصمين وارجع متنكد ولاارتاح إلا اذا جعلتها عند اهلها وكانت تجلس بالاسابيع عند أهلها ليس بسبب الخصام ولكن كانت هناك اسباب أخرى منها تعب الوالد رحمه الله كنت ارافق الوالد غفر الله له وانام عنده ,طبعا بعد وفاة الوالد ما عدا صار لي عذر ولكني ياجماعة مجرد ما تجلس عندي في البيت يوم وإلا يومين تجي حالة النكد والزعل على اتفه الاسباب وهناك امور لما ادخل للبيت واشوف البيت خرابه وزوجتي جالسه تلعب اوجالسه على النت والله اني يضيق صدري واقول نظفي البيت وهي تقول ان شاء الله ولاحياة لم تنادي . تتلخص المشكلة في الاتي : 1- اذا جلست يوم او يومين تكون ممتازة ثم تقلب على اي شيء يضيق صدري 2- البيت مكركب على بعضه والله اني ما عاد احب ادخل بيتي ما ادري ليش حتى غرفة النوم حوسه غرفة الملابس حوسه طلبت خادمة فرفضة ولقلت ابحثي لك عن خادمات بالساعات انا ما بي خادمة تجلس تناظرنا في كل صغيرة وكبيرة , لي خمس سنوات وانا احاول تجيب خادمات بالإجار . 3- زوجتي لاتهتم برائحة جسمها وفي البيت يعني والله الرائحة تضايقني كثيرا أحيانا ارغب في معاشرتها فلما اقترب منها انصرف منها مباشرة المح لها وتفهم ولكن ما ادري ليش ما تتحسن . 4- الصلاة فيها تكاسل غريب. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ مميزة زوجتي 1- متعلمة ومعها ما جستر 2- أهلي يحبونها ويقدرونها ,((ولكنها مطنشة لم أفتحها في هذا الموضوع مطلقا وانا حالف اني ما اكلمها في موضوع اهلي لما لامتني اني ما اخبرها عن جماعتهم والسبب اني ما اخبرها لان كنت في السابق اخبرها وتقول لي انها سوف تذهب اليهم واخبر اهلي انها سوف تحضر ثم إذا جاء موعد الذهاب نامت او اعتذرت مني فصرت في موقف محرج عند اهلي وهذا الموقف تكرر مرات كثيرة )) 3- لبسها عند الناس ممتاز ويتواجه به . 4- انها إمراة حافظة للسر ولاتخرج مشاكلنا خارج المنزل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ لا يظن أحد اني كاتب هذا علشان ابرر لنفسي الزواج من ثانية لا والله ما بعد فكرة ولن افكر في هذه الفترة - ياجماعة ماعاد انبسط ولا يشرح خاطري في الجلوس مع زوجتي هل الخطأ فيني ؟ انا افكر استاجر لها دور قريب من بيت اهلها لان جلوسي عندها قليل |
اقتباس:
بزوجتك شوية امور مابتتصلح الا عن طريقك ودايم تذكر ايجابياتها ومن ناحية البيت الي جنب اهلها مانصحك فيه لانك انت مشحون من ناحيتها وبتكون لك الفرصه كل مازعلت منها ارسلتها لاهلها تحييييييييييييييييييييييييييييييييتي |
والله يااخوي ترا مااحد كامل -صارحها بالاشيا اللي مضايقتك منها وازعل منها الين تنظف البيت -جيب لها مجموعة استحمام كامله من بودي شوب وقولها ابغاكي تستعملينها يومياً قبل انام معاكي ابي اشمها بجسمك -وفيه شامبو سيباميد بالصيدليه للمنطقه الحساسه خذلها واحد وبرضو قولها قبل الجماع غسلي فيه المنطقه مرتين -قولها اصدقائي دااايم يشترون هالاشيا لزوجاتهم انتي ليش ماتطلبينها زي باقي البنات؟؟ يمكن تحس بالتصريح دام التلميح مانفع معاها-ونفس الشي مع فرشاة الاسنان-يمكن حالتها النفسيه تعبانه عشان الحمل وهذا بالتاكيد ويمكن ياثر عليها من ناحية النكد وهيك-بس انت برضو صارحها انك ماتحب النكد وهذا يدفعك للهروب وقولها يمكن بالمستقبل يدفعني لشي اكبر خلها تصحا
|
اقول عند زوجتك ملل وخصوصا انها لم تحمل كل هذه السنين
هل تعالجت هل حاولت ان تأكلو المغذيات البحريه زوجتك يجب ان تغير من حياتها هل تعمل ؟؟؟؟ يجب ان تغير شيء بحايتك اقترح عليها ان تكفلو يتيم وتمسحو على راسه خذها لدور الايتااااااام وخذو معكم هدايا او كاتو ووزعوهم على الاولاد اشتري لها شي ينشطها مثل فيتامين الحديد والله تلاقيها تشتغل بالبيت وما تقدر تجلس يلزمكم تغير كبير بحياتكم وقوي طبعا ما رح نقول لك انو مش من حقك انو تتزوج ويكون لك ولد وذريه فهذا حقك ولكن زوجتك يلزمها تغيررررررررر قووووووووووووي وصااااااااااااااااارم منك فكر معنا وشوف حاول انو تقرأ كل يوم سورة البقره او سورة يس واكثر من الاستغفار بطريقك للعمل وبطريق العوده هناك محطات فضائيه خاصه القرآن الكريم 24 ساعه بالتوفيق ما حبيت اخرج من غير ما ا |
انا مع الاخت green..
انا اخت زوجي كذا لها 13 سنة ماحملت وشاكين انه احد مسويلها ربط عشان ماتحمل لان كل التحليلات سليمة... وفعلا كسولة جدا وطول وقتها قدام اللابتوب او تلعب بلايستيشن...والله اول ماقريت قصتك قلت يمكن انت زوج اخت زوجي ههه عموما فعلا احس اخت زوجي الله يرزقها ويرزقكم عندها ملل وطول الوقت طفشانة ووزنها زااااد..والبيت تجيها وحدة بالساعات ممع ان بيتها صغير بس ماتحب شغل البيت...وانا اتوقع انه نفسي ماتبي تحس انها مثل الشغالة بس تطبخ وتنظف وتكوي...ف نفسيا تبي تحسس نفسها انها حرة واللي يعجبها بتسويه... للأسف ماعندي افكار حلول في ناس افضل مني في المنتدى إن شاء الله بيفيدونك...بس حبيت اوضحلك انه نفسي يعني ما اتوقع انها تعاندك... |
يمكن زوجتك نفسها بعد ملت الحياة الروتينية ,فالحياة بلا اطفال لاروح الله
رزقك الله و زوجك بالولد الصالح ابحث عن سبل العلاج لزوجتك , و إذا حاولتوا مسبقا و اعتقد ذلك لطول عدد سنين زواجكم تزوج من أخرى فما اظن زوجتك ترفض ,,,تزوج انسانة طيبة لتنجب لك اطفال يجددوا حياتكم وقد تأنس بهم زوجتك أيضا و يعطيها دفعة ايجابية للحياة و الله أعلم |
اعذرني أخي على رأيي الذي سأقوله ..
ما احسست به من كلامك ومن الموضوع ككل ان انزاعجك من زوجتك وفي كل الامور التي ذكرتها ما هو الا عذر للزواج!! ايعقل انك عاشرتها كل هذه المدة ولم تشكو ولم تتذمر ولم يضق صدرك الا بعد تحسن احوالك المادية؟؟ ألم تكن تلحظ ترتيب بيتك ونظافتها ووووو؟؟؟ لماذا لم تظهر كل هذه العيوب الا بعد تحسن احوالك المادية؟؟؟ اخي الكريم قل ان احوالك المادية ولله الحمد تحسنت وتريد الزواج بزوجة اخرى (ربما لتنجب!) - لاني لم اشعر ان موضوع الانجاب يحظى بذاك الاهتمام من ناحيك!!- لكن لا تذم زوجتك وتنسى عشرة سنوات طويلة بمجرد تحسن مادياتك،،، لاتريد ان نقول لك ونلومك على مكافأتها بأنها صبرت معك طوال السنين الماضية ووضعك ليس كما يجب بالزواج عليها حالما تحسنت الاوضاع!!! اعذرني ولكن هذا ما شعرت به.. |
اتفق مع الاخت اللي قبلي
موضوعك شوي مرتبط بتحسن احوالك المادية والا السلبيات هاذي كلها شاللي كان مصبرك عليها !! عموما الله يهديكم لبعض |
عندي لك حل رائع
حسسها إنك خايف عليها وتجي تقول لها أنا حاس إنك مو طبيعيه كسلك غريب بوديك أفحصك وعيش دور الخايف خذها المستشفى وسوي لها تحليل الغده لو طلعت عندها فقدرها لإنها تسبب كسل مو طبيعي ودام هذي أكبر عيوبها أبدأ بعلاجها كسل الغده يسبب خمول بالجسم وعدم القدره على عمل أدنى مجهود حلل وبعدها أحكم وإذا كانت سليمه هنا بتوقف هي قدام نفسها بموقف خجل إن اللي تسويه ماله مبررعندك وإنك مطالب بكل حقوقك وبعدها أبدأ بسياسه الحزم والله بعدها راح تتغير وبتتذكر كلامي ملاحظه مهما قلت ومهما أشترطت راح تتغير فتره وراح ترجع لاكن لمن تحطها أمام نفسها راح تصحى وقتها ولاتنسى إن زوجتك فيها أشياء مرره حلوه الله يوفقكم ويسعدكم |
عندك أحد أهم الأعذار الشرعية التي تبيح التعدد للرجل فلماذا لا تتزوج بزوجة ثانية
لماذا نعالج موضوع اهتمامها بالبيت وبنفسها ومن ثم نأتي بيتيم والزوج يستطيع أن يأتي بطفل من صلبه ؟؟؟ تزوج بثانية لكن احرص على العدل ولعل زوجتك تجد في ذريتك أبناء لها تبرهم وتحسن لهم فيكونوا لها أبناء بارين |
| الساعة الآن 05:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©