|
استشاره اهل العقول في خطبت اختي
السلام عليكم
حبيت استشيركم في موضوع خطبة اختي وكلي ثقه في اعضاء المنتدى ان يلهموني الصواب اختي الكبيره دائما تخطب وترفض لانه العريس لا يكون مناسب والحين خطبتها زوجة اخوي لأخوها الكبير واختي رافضه بنسبه كبيره ولم تعطي زوجة اخي الرد معلومات عن اختي ملتزمه موظفه عمرها 27اخلاقها جميله وكلنت مريضه في السابق ولله الحمد شفيت ولكن لها مراجعات في مدينه غير مدينتنا مواصفات العريس ملتزم موظف عمره 27 اهله جدا طيبين ولكن يعيبه صغر عقله ولتي استدليت عليها من تصرفاته(مثل ضربه لزوجه ابوه وبناتها بسبب مشكله عائليه ومصاحبته لأولاد اصغر من عمره بفارق كبير) اختي متردده من ناحيه انها في هذا العمر ولن يأتيها غير متزوج ولكن اجدها تميل للرفض اكثر فما رأيكم هل هو مناسب واذا رفضت ايش تقول لأخته لانها مستحيه منها وايضا امي لاتدري عن الموضوع واختي ماتبغاها تدري ايش تسوي في حالة الرفض |
مستحيه بالعكس المفروض هي اللي تستحي منك انها تخطب له ثم تلومكم ليش ماوافقتو
هذا في حالة انكم بترفضون مسالة العقل ماذكرت لا يكفي دليلا ... مسالة الضرب تكون بسبب الغضب ولا يلزم ان تكون بسبب صغر العقل كذلك مصاحبة من هم اصغر له اسباب وعوامل ربما نفسيه او غيره ,,, اسالوا عنه اكثر خصوصا انه من ارحامكم واكيد اخوك يعرفك عنه الكثير لكن انتبهي لا يغركم اخوكم ترى للاسف بعض الاخوه يبي يفتك من اخته باي طريقه او يجعل اختك كبش فداء لارضاء زوجته ... |
يضرب زوجة أبوه وبناتها !! مو بعيد بكرة يمد يده عليها كمان .. خليها تستخير ، وتجرد مميزاته وعيوبه وترى من من القائمتين يطغى على الآخر وبالأخير تقرر هل هي كفؤ لتحمل مثل هذه النوعية أو لا ؟ مُوفقه .. |
زوجه أخوك مااتوقع أنها راح تخطب أختك وإهي ماعرفت أخوها زين
ممكن تسأل أخته وتحاول معها أو أنتي أجلسي مع زوجه أخوك وإسأليها عن أخوها وأحواله أكثر شي يطمن أنها زوجه أخوك ماراح تغامر تخطب أخت زوجها مهما كان لو صار شي راح يأثر علي حياتها أهي إلا أهي ضامنه أختك وكذاك أخوها وتشوفهم مناسبين أسألو أخوك وأخته ولا تفكر في عمرها توها في شبابها ومو كبيره عشان تقولين تاخذ معدد أو مايجيها أحد الله يوفقها للخير |
ح بي,’,
انصحك لوجه لله لآتوآفق عليهـ عآآدي تصآآرح امهآآ وتقول لهآآ يمه مآآني مرتآآحه لهـ وبس.. سويت استخآآرهــ ولكن مآآحسيت برآآحهـ شوفي آنا خطيبي مريض نفسي دمر نفسيتي..وبعد الطلآق ان شآآ للهـ توبه ما استعجل. آنصحك لآتوآآآآآآآفق عليهـ.. |
اخي اواختي ليش كذا
هي مستحيه بالرد يعني ايش تقولها حجه علشان ترفض ومن ناحيه صغر العقل في مواقف كثيره دلت على هذا الشي واخوي اصلا ماكلمها لان الكلام جاء عن طريق زوجته اختي ام عمر شكرا لردك كلام صحيح الي يمد يده على زوجة ابوه مي بعيده يضرب زوجته اختي ملامح قمر هي عارفه اختي زين بس اكيد ماراح تشوف عيوب اخوها وبالنسبه للسؤال عنه احنا عارفينه زين يعني من نفس الجماعه اقهرتني الدنيا صراحه انا اقولها انا مايناسبكي بس ماأبغا تتاخذ قرارها على كلامي بس *بس الي شاغل اختي في حالة الرفض ايش تتحجج بدون ماتزعلهم وكمان مانبغى الخبر يوصل امي كيف تسوي وشكرا لكل من حاول الرد واعطانا رأيه |
بسيطه تقول استخرت ما ارتحت ,,,,,
كل البنات يقولوها ,,,,,, |
فعلا تقول استخرت وماأرتحت عااادي جدا
وصدقيني اللي يضرب زوجة أبوه مومنااااسب أبد وبعدين 27 صغيره أعرف بنات كثييييييييير عندنا اعمارهم 30 ومافيه شئ يميزهم وتزوجوا شباب ماسبق لهم الزواج ومن خيرة الشباب الأرزاق بيد الله وصدقيني مع الدعاء بيسعدها الله لكن لاتستعجل |
أهم شي الأستخااااره وربي ييسر لها بس بصراحه الرجل الي يمد يده على أي أمرأة بغض النظر من تكون يخوف بصراحه
الله يوفقها وييسر لها أهم شي ماتوافق أختك بس لأنها خايفه ماتجيها فرصة ثانيه |
تتحجج بأنه مافي نصيب
وأنها استخارت وما ارتاحت لا تجامل زوجة أخوك على حساب حياتها إذا هي مقتنعه إنه ما ينفعها كزوج لا ترتبط فيه أبدًاا وإذا كانت مُحرجة ترد على زوجة أخوكم إنتي ردي عنها موفقين .. |
| الساعة الآن 09:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©