|
افكاركم يا بنات لتزيين فصل للصفوف الأوليه
السلام عليكم ورحمة الله وبركاته
صباح / مساء الفل والياسمين ابي فزعتكم لي انا عندي فصل وابي ازينه اذا عندكم افكار لتزيين الباب او الالواح الي في الجداران اكون لكم شاكرة بالمناسبة الفصل يخص الصفوف الاولية |
وعليكم السلام ورحمة الله وبركاته
بأعرض لك كم فكرة وبإذن الله تعجبك .. الفكرة الأولى/ بما أنهم صفوف أولية ممكن تضربين الجدار دهان وكل جهة لون ممكن الألوان اللي يحبها الأطفال مثل الأصفر الليموني أو التفاحي وجهة لون أحمر الهادي وجهة موفي وجهة مثلا لون ومخطط بلون ثاني وطبعا الطاولات والكراسي تترتب بشكل حرف إل أو مجموعات كل طاولة حولها اربع كراسي وينحط على الطاولات مفارش بلون أحد الجدران وتكون هناك مكتبة صغيرة بلون أحد الجدران واللوحات تكون بشكل بسيط غير مكلف والباب إذا كان لونه خشبي خليه على حاله وضعي عليه من اللوحات ولو فيه استطاعة تفرشين فينيل اللي باللون الشكل الخشبي حتى لو بتسوين حلقة أنت وبناتك ممكن.... الفكرة الثانية / ممكن ترسمين على الجدار بحر والأحياء البحرية مثل نجم البحر والاخطبوط...إلخ وعلى نفس هالأحياء البحرية تتجسم لوحات الفصل يعني مثلا مجسم الاخطبوط وهكذا وعلى نفس الباب ينحط مجسم من الأحياء البحرية وينكتب عليها ، وممكن تفرشين لون أزرق سماوي ومفارش الطاولات أزرق سماوي ايضا.. الفكرة الثالثة / ممكن مجسم هدايا مكعبات صغير ووسط وكبير بجانب بعضها ومغلفة بألوان مختلفة مثل الأحمروالبرتقالي والأخضر والبنفسجي وومربوطة بشرايط عريضة ويخرج منها بطاقات اللي تمثل لوحات الفصل وينكتب فيها وممكن ترتبيها بحيث كل مجموعة في زاوية وإذا كان حجمها كبير ممكن في منتصف الجدار اللي في الوجه ومجموعات الطالبات حوليها وممكن يتعلق فوق السبورة مجموعة من الهدايا بحجم صغير وايضا على الباب وعلى اساسه مفارش الطاولات "ملطوش".. الفكرة الرابعة /حديقة وفي زاوية من الزوايا مجسم كوخ بالفلين يستوعب طالبة أو طالبتين وجانبه مجسم شجرة بطول المعلمةوهذي فكرة تنفيذه جدا بسيطة من البر ممكن تحضرين جذع شجرة وتنظفينه وتشترين من محلات الزينة والأزهار أوراق الشجر اللي بالمتر وتبدأين تنسقينها على ذوقك وممكن تكون اللوحات على شكل ورق الشجر ومفارش الطاولات وعلى االباب ايضاً وومكن تتنفذ هالفكرة بطريقة ثانية على شكل سحب وقطرات ماء وهكذا ... إن شاء الله أكون أفدتك ووصلت الأفكار .. وبالتــــــــــوفيق عزيزتي...... |
اقتباس:
بالنسبة للفصل ممنوع نصبغ الجدران والباب لونه رمادي كئيب ومساحته صغيرة على 23 بنت يادوب يكفهم والطاولات ممنوع نجلدهم عشان كذا ودي بديكورات حائطية للسبورة والجدران بألوان فرائحية والله يعطيك العافية عجبتني فكرة مجسمات الهدايا اسعدني تجاوبك معي |
احنا تزيين بالونات وزينة وبس
|
اقتباس:
أحضري بوردر وهو عباره عن لفه من الورق المرسوم عليه اشكال .( ....أختاري اللي يناسبك أو على حسب اسم الفصل.. فراشات أو نحل أو فواكة..) تلصقيه على جدران الفصل الاربعه ويجي معاه صور مفرده منوعه هذا بالنسبه للجدار ولو تجيبي ستاير ملونه بنفس الالوان..أو ستائر رول . http://img819.imageshack.us/img819/2975/74867947.jpg http://img215.imageshack.us/img215/1838/82253973.jpg |
| الساعة الآن 12:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©