خطيبتي قامت تتغلى عليه
 

السلام عليكم ورحمة الله وبركاته

وأسعد الله جميع اوقاتكم بالخير والمسرات
وأسال الله ان يتقبل منا ومنكم الصيام والقيام وصالح الاعمل
وبالمره كل عام وانتم بخير ومن العيايدين الفايزين قبل الزحمه <<<<<< مقدمة بتاعت كله

اخواني واخواتي
من الطبيعي ان البنت تختلف عن الشاب في كثير من الامور ...........
ومن هذا المنطلق حبيت استفيد من خبراتكم في هذا الباب لعدة امور

الشغله وما فيها انا مملك من 3 شهور ........... وكانت خطيبتي او زوجتي معايه في بداية الامور شديدة الحياء ....... لدرجة لما اتصل عليها انا اللي يمسك المايك لدرجة اني حسيت اني ثرثار .
وبطبيعتي احب الفله والوناسه والضحك لكن وقت الجد جد ........ مع الايام من كثر ما اسولف معها واحاول ستدرجها في الكلام شرحت لها معانتي مع السمنه واني جالس احاول التخلص منها بس كثير من المحاولات فشلت . فحبيت اعرف وجهة نظرها في هذا الجانب وسألتها عن رائيها في السمنه وكيف قبلت فيني مع اني سمين وهل تلقت احراجات من اهلها او صاحبتها ........ الخ
وكان ردها انو الشكل ما يهم عندها وانو اهم شي حلاوة الروح ومن ذا الكلام ....... بعد نقاشنا هذا اعطتني دافع قوي للرجيم ولله الحمد نزلت من 143 الي 128 و الجاي اكثر ان شاء الله , وطبعن الطول 174
وعشان كلامها الحلو هذا اشتغلتها هدايا اشي عطورات واشي ورد وفوقها ساعة الماس.
بس بعد هذا كله حسيت انها بدت تتملل مني . يعني ارسل لها رساله ما ترد الا بعد ساعه او اكثر
اول كانت تستأذن برساله لما تروح اي مكان وقبلو بيوم .......... الحين بعد ما ترجع واسأل عنها تعلمني انها راحت ونسيت تعلمني
انا عارف ان طولت بموضوعي بس تحملوني لانو ما بقي الا السؤال
هل مصارحتي لها كنت هي السبب او الادميه شافت نفسها بحكم جمالها او هي نوع من الوسوسه الشيطانيه بهدف التخريب بين الزوجين او كثرة سؤالي واتصالي حسسها انها مهمه وعشان كذا قامت تغلى
مع ان الاتصال مره كل يومين او ثلاثه والرسايل بشكل يومي تقريبن.......... والله احترت معها
وانا عاطفي ورمنسي في نفس الوقت وما زلت احس بالفراغ العاطفي اللي يقولون
تكفووووووووون شور علي بالشور الطيب

[/SIZE]

لا عادي يمكن سمعت مشوره من صديقتها أثقلي والرجال مايحب كذا ومن هالكلام

الحين العروس أول نصيحه لها قولي قويه ولاتسكتين له لين طلعتي حليوه ماعطاك وجه

ومن هالكلام والوحده تضيع من تصدق

عموما مثل ماقالت نوره كل واضح معها أفضل لك ولها

الله يوفقكم

اخوي

زوجي يوم خطبني، قال لي من اول مرة
مااعرف كيف قبلتي فيا ؟ انت تستاهلي
واحد افضل مني

تضايقت من كلامه بس صارحته بعدين
يوم كرر كلامه و قلت له لا تقول كذا
و الجملة هذه تضايقني و تبعدني عنه

خاصة انه ماكان يدري اني كنت اسمع
كلام من اخواتي، انه بنات عمتي يقولوا
كيف اختكم قبلت فيه و انه مو كفؤ لها

فكلامه كان يضايقني يوم يقول لي كذا

لاني اخترته لدينه و اخلاقه، و مقياس
القبول عند اغلب اقاربي الفلوس والوظيفة
والمظاهر

فيمكن نفس الشئ، هي تغاضت عن الوزن
مع انها تدري انها بتلقى تعليقات من الاقارب
والصحبات فجيت انت و زودت عليها

و يمكن خليتها تشعر بغرور غصب عنها

فالواجب عليك برأيي،، انك تبرز لها مزاياك
وتكون اكثر ثقة امامها و مو مشكلة لو تثير غيرتها
بعض الشئ

مثلا، انه قريباتك مدحوك امام امك لانه مظهرك اصبح
افضل بعد ما خففت من وزنك

استخدم ذكائك و عقلك و ليس قلبك
و خاصة الفترة هذه

اسحب عليها شوي :)
لا ترسل رسايل ولا تكلمها بالعربي اثقل
وشوف هل هو نسيان لمن تقلك انا نسيت ولا غرور !!!
جرب لفتره وشوف وبعدها صارحها ان استطعت

عزيزي جروح
حلاوة فترة الملكة في الدلع سواً منك او منها
وانا معاك في ان الوسطيه هي الحل بس .... توقعت انها راح تكون فاهمه ومقدره
لكن التجربه خير برهان ........ بس تهدا الامور شوي
واجرب كلامك واشوف
عموماً اشكرك ع المرور
ولا عاد ترد عليه بالاحمر ......... احس انك بتفصلني من وظيفه <<<<< دعابه

اخي اعجبني ردك فعلا الواحد لو مادلع زوجته متى بيدلعها وبي يدلع مين بدالها وهي اكثر وحده تستاهل لا يوجد افضل من شريك الحياة والروح وام العيال <<<<< ان شاء الله
وعلى الاستئذان مادمت لم تدخل عليها فلا يجب عليها لانها لازالت في بيت والدها ولا تخلي ذا الشي يزعلك لانها عروس تتجهز اكيد بتخرج كثير والمراة بطبيعتها ماتحب الي يضيق عليها في حريتها فخلاص لاتقعد ماسك عليها في الطلعة والنزله بعدين لو جات في بيتك ان شاء الله خير

نجي على قولتك التجاهل ترى تسير خصوصا لما يقرب الزواج البنت اهلها يقولها اثقلي عشان يسير في لهفه
ومادم هي قبلت فيك باردتها ان شاء الله محد غير رايها ولاشي لو في شي بتقولك وبتحس من طريقة كلمها انها ماتبغاك
لو مضايقك مرة صارحها سمعها كلام حلو قولها اشبك متغيرة علي زعلتك بشي وصل عني لك كلام ماعجبك
واالله يسير اموركم