|
قربت ملكتي بس خايف ومرتبك ؟
السلام عليكم ورحمه الله رمضان مبارك علينا وعليكم في البداية اهنيييكم على هالمنتدى الرائع بدون مجامله:22: انا بصراحة سجلت بعد ما جلست فترة اتصفح المنتدى واعجبني .. ملكتي الحمد لله قربت بعد العيد ان شاء الله :14:. انا الحمد لله عندي ثقافة ومتفهم وش اللي ممكن يصير بعد الزواج وما عندي مشاكل بس الشي اللي مو مخليني ارتاح كل ما فكرت بسالفه الزواج ابدا ارتبك وتزيد دقات قلبي بشكل رهييب:d ما اعرف ليش ..طبعا البنت الى الحين ما كلمتها بشكل مباشر بس الشوفة الشرعية طبعا اعرفها من الطفولة بحكم انها بنت عمي واحبها .. جلست كثيير مع الوالدة الله يخليها لي .واعطتني من خبرتها بالحياة بس الشي اللي ما قدرت اقوله لها اني تجيني الحالة هذي ابد الخبط بالكلام وما اعرف اتكلم زي الناس وارتبك ..اخاف تضحك علي لا تستغربون انا لسى صغير:15: توني اول سنه بالجامعه.. ما عليش طولت عليكم بس ابغى اعرف اكيد بعد الملكة بجلس معها بس عارف اني بجيب العيد وبرتبك وما بعرف اتكلم :o تكفون وش نصايحكم يعني وش ابدا اتكلم فيه ووش لازم اسوي عشان ما اخاف او ارتبك ؟؟؟ الله يعطيكم العافية |
شوف انا نطنطنت في مليون مدرسة اهليه
بدايتي كنت اجي قدام المرايه واشرح كأني اشرح للطالبات بعدها صرت اي موقف راح اكون فيه واخاف من المواجهه على طووووووووووووووووووووووول المرايه صدق والله تعال قدام المرايه وتكلم مع خطيبتك بما انها بنت عمك وانت تبغاها من زمان اول شي لما تشوفها قول الحمدلله الي بلغني هذا اليوم ركز على النظرات وانك مو تبحلق في البنت اترك لها مجال هي تشوفك زين يعني مره ناظر فيها ومره تجول في عيونك في السقف وفي اللوح او اي شي ورتب كلام حلو كيف حالك وكيف الدراسه واسالها عن امها وخواتها بس بهدوء الله يوفقكم ويكتب لكم السعاده في الدارين |
ياقلبي توك صغنطووط
عموما خذ قاعده بالحياة الزوجية لاتتكلف مااقول لاتضبط كلامك او لاتتزبط ... لا ... لكن فيه اشياء خلها تجي من نفسها ... انت خذ معلومات عنها وحط ببالك سيناريوهات كثيره ممكن تصير واذا جاء الموقف خله يمشي كما هو يعني لاتتوقع انك لازم تسولف وتمسك الجلسه اولازم تكون بشكل معين لا الوضع عادي ويجي من نفسه ... انا ملكت وعمري 27 وكنت شخصيه لدرجة ان واحد من اخوياي يقول لي انت تصلح قاضي من قوة الشخصيه مع الناس ... يوم جلست جنبها تلخبطت ووجهي بدا يقلب الوان الطيف -الله ذكريات حلوه- وبالتلبيس كانت يدي ترجف وماقدرت البس ولما جيت اتكلم الحمدلله جبت كلمتين حلوات وهي طبعا جابت العيد الله يوفقها ويذكرها بالخير ... بعدها 5 جلسات نتفرج ببعض مع انا بالجوال نتريق على بعض ونستهبل بس المقابله تضيع علومنا ..... عموما الله يوفقك ايام حلوه تنتظرك برايي انك ادخل اقسام المنتدى وتثقف اكثر ... ولاتنسى تقرا كتب وتسمع محاضرات عن الحياة الزوجيه ...بالتوفيق ... |
((بسمة الاشراق))و ((ليش كذا)) الله يسعدكم يارب .
على كثر ماني متحمس للموضوع وناااط من الفرحة احس بتوتر بعض الاحيان .احس بصراحة انا اللي اوتر نفسي لكن ان شاء الله تعدي على خير.. |
مبرووووك اول حاجه على خطووبتك ..
ربي يتمم لك على خير .. خووفك وتوترك شيئ طبيعي .. دمت بووود=) |
طبيعي الي يحصل معاك
بس مثل ما نصحك احد الاعضاء خلك على طبيعتك حتى لو حصل وارتبكت قدامها شوي وين المشكلة؟ اصلا هي غالبا بتكون مرتبكه وماتدري عنك وعن ربكة وبكذا تقدر تسيطر على الامور الف مبروك ومقدام واتمنى لك التوفيق والسعادة:14: الله يوفقكم ويجمع بينكم على خير شطحة :25: بما انك مسمي نفسك ايتاشي اكيد عندك قينجيتسو تقدر تستفيد منه بعد ما تملك :18: |
أخى الصغير :
أنا ضعف عمرك... ووالله لوقالوا لى ستتزوج باكر .. لن أنام الليل من كثر التفكير.. والتحضير ...إلخ الإرتباك شيىء طبيعى جدا لأنك مقدم على حياة جديدة ... ويزداد هذا الشيىءكلما قلت خبرتك عامة فى الحياة ( 17 سنة تقريبا) لكن مع الوقت سيتغير كل شيىء وستكون عادى جدااا فقط كن على طبيعتك ولاتخجل من شيىء.. مبروووووك وعقبالنا وعقبال كل العذابيه من الشباب والبنات ,,, أخوكمm.s |
اقتباس:
بعض الاخوان في مصر لا يفرقون بين حرفي ذ - ز وكلمة العزابية بالزاء وليست بالذاء لتعرف الكلمة باي الحرفين انطقها باللغه العربيه الفصحى ولا يضر ان تستفيد من لسان العرب تجده في قوقل بارك الله فيك اخي |
لساااااتتك صغيرر
بس اتصرف على طبيعتك والله يووفقكم |
يعطيكم العافية على الردود وان شاء الله استفيد من النصائح
يا Metzawej وش عرفك ب ايتاتشي و قينجيتسو هههههههه معقولة تتابع انمي وانت بالعمر هذا:25::d اختي انسه طفشانه عارف اني صغير بس الوالد الله يهديه مصر اتزوج انا واخوي الكبير مع بعض وبيني وبينك انا متحمس بعد:22: |
| الساعة الآن 08:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©