|
كيف التعامل مع زوج مدخن و سخي جداً على اصحابه
السلام عليكم ورحمة الله وبركاته
اتمنى ان يكون الجميع بخير :) انا مقبله على الزواج، المهم اضع هذا الموضوع في قسم المقبلين على الزواج لكن وضعته هنا .. لأني حابه النصائح من المتزوجين فقط .. وخصوصاً ((( الرجـآل ))) انا مخطوبه لشاب عمره قرابة الـ 24 سنه... موظف اهلي ، راتبه قليلة جداً --- الشاب: خلوق جداً، حنون، سخي .. فيه صفات جميله كثيير بس فيه اشياء سيئه فيه ، ومافيه احد كامل مُدخـن .. ولانه وحيده امه وابوهـ أحسه مايتحمل مسؤوليات سخي جداً لدرجـة انه يضيع فلوسه على اصحابه حالياً لسه ماملكت .. بعد شهر ان شاء الله ملكتي النصائح اللي أتمناها منكم كيف أكسبه.. لهذا السؤال اجوبه كثيره وحلول بس اللي اقصده كيف اكسب انسان واحافظ عليه وهو بهذه المواصفات.. يعني ابد عمره ماتحمل مسؤوليه؟ بالذات عنده اصدقاء ( عزبه )... والصراحه يخوفون يعني مدخنين واكيد لهم علاقات مع بنات مع ان اخواني يعرفونه حق المعرفه ، لانه يقرب لنا ويشهدون باخلاقه العاليه يعني كيف اخليه يبطل يروح لشقة اصحابه باستمرار؟؟ انا ماراح احرمه منهم واساسا هذا غلط، بس ابغاه يزوهم بندره الله يسعدكم ابغى استراتيجيات تخليني اكسبه واحافظ عليه ، لاني خايفه منه ، اخاف ياخذ اللي يبيه مني ويروح لاصدقائه اتوقع فهمتوني، متعقده من واحد بالعائله صغير ومايتحمل مسؤوليه .. ياخذ اللي يبيه من حرمته ويتركها بالذات الرجال..... ايش التصرفات اللي لو تصرفتها زوجتك .. تخليك تقعد معها بالبيت ولاتتركها وتذهب لاصدقاءك بكثر ؟ ايضا معروف عنه بشده الكرم لدرجة كل فلوسه لاصحابه وهو يستغلونه !! ابغاها لي انا بس ؟ ما اقصد يبخل عليهم ومايساعدهم، اللي اقصد يصرف علي بما يرضي الله اولاً .. يتصدق، واذا احد محتاج من اصحابه يساعده يعني ابغاه يصير حكيم شوي، بدون لا اعوده على البخل ------------------ الشيء الآخر.. هو مدخن، وحرام سنه صغير تتوقعون في امل يترك التدخين لو جاهدت وحاولت ؟ طيب كيف الطريقة اللي تخليني اقنعه بأن هذا يضره، بدون لا اقلل من رجولته اصير كاني امه ------------------ لو كان مو محافظ على الصلاه وقراءه القران ؟ كيف اخليه يحافظ عليهم ؟ ------------------ في العلاقه الزوجيه على الفراش، هل اعطيه كل مايطلبه ويريده ، ولا وسط ؟ لاني زي ماقلت لكم اخاف يكون انسان فاشل ياخذ متعته ويتركني:( ------------ آخر شيء انا من مدينة جدة، اذا احد يعرف متى وقت دورة تأهيل الزواج ياليت يخبرني الله يسعدكم محتاجه اتعلم كيف اتعامل معاه، لان ماعندي خوات كبار أفكر اخلي واحد من اخواني ( صديقه وقريب منه ) ... يحجز له ويقوله هديه مني عشان تصيرون انت واختي متفاهمين ؟ ايش رأيكم ، بس لان زواجي نهايه شهر العيد، اخاف مافي دورات الا بدايه الاجازات هل فيه مقاطع فيديو او اشرطه ياليت تعطوني هي ، او اساميها الله يعافيكم ويسعدكم بس كيف اخلي حتى هو يسمعها ويشوفها هل بعد عن طريق اخوي ، بدون لايحس انها مني؟؟ -------------------- الله يسعدكم ويوفقكم تم تعديل العنوان ليتضح المضمون/ الادارة |
مبرووووووك يا أختي والله يتمم لك على خير >>خشيت ابارك بما اني اول وحده :)
ان شاءلله الاعضااء يفيدووكي وحياكي الله بيننا .. دمتي بوووود=) |
مررت سريعا لكن اغلب اسألتك جوابها يعتمد عليك واسلوبك معاه وتصرفاتك ..
العزبه او الاستراحه كثير شباب الان عندهم هذا الشي لكن من يتزوج ينساها (( وانا عينه من اللي نسيت الاستراحه )) المحافظة على فلوسه.. هذا ماشاء الله عليه اكيد ماديته حلوه الا كان ماصرف على الشباب وراتبه قليل .. ويمكن يتغير وضعه بعد الزواج ويحس بالمسؤولية يترك الدخان ... عادي بإمكانك بعد ماتتملكي بفترة تفتحي سالفه الدخان وتسأليه كم زقاره باليوم تحكي معاه عادي بدون اوامر مثلا وش رايك تتركه او تخففه انا خايفه عليك وانه يسبب كذا وكذا ... عاد الباقي عليك وبالاول والاخير ... اخوانك يعرفونه بالحيل |
اقتباس:
|
اقتباس:
ايوا اخواني يعرفونه بس تتوقع الزوج في بيته زي مع اصحابه .. لا شخصيته لينه لكن فيها مساويء كثيره، يبغاله معامله خاصه ويصير مافي احسن منه شكراً أخي الكريم ، ماقصرت :) |
فين الأعضاء وخصوصاً الرجال ؟
لو كل فتاة قدمت لها نصائح ثمينه قبل الزواج ، ماكان هذا القسم مليان أفيدوني جزاكم الله خير :) |
,,, فديتج مبرووك مقدماً والله يتمم لج على خير ان شاء الله بيفيدونج المتزوجون << ما في خبرة :d |
هلا بك إنسانه ..
مبروووووك يا عروسه.. اتمنى إنك ما تشطحين بخيالك كثييييير وحاولي تكوني إنسانه واقعيه.. ولا تجعلي اكبر همك سلبيات زوجك وتغييرها ووتحجيمها.. لإنه يمكن تكون سلبياته.. إيجابيات لديه وفق قناعات معينه مثل صرفه على أصحابه .. هو عندك إسراف ولكن اتوقع من وجهة نظره.. كرم وجود وشهامه فلذلك.. لا تشغلي نفسك بتغييره.. بقدر كسب مودته ورضاه .. وحاولي بقدر الإمكان خلق توافق بينك وبينه.. خاصة في السنوات الاولى من زواجكم وبعدها يكون تأثيرك عليه سهل ومرضي وبدون منغصات او صدمات |
ألف مبروك مقدما وربي يتمم لك على خير واضح من كلامك عنه انه شخصيته ماشاء الله حلوه وسهله انك تغيرينها ..في السنوات الأولى من الزواج حاولي تجذبينه لك بإسلوبك وبدلعك بس الدلع والغنج يكون بتصرف مو تكونين جريئه كثير اخاف من الناس اللي يصير يشك بكل شي هههه وحاولي ماتنكدين يعني مو تنتقدين كثير بطلعاته مع اصحابه وبصرفه عليهم وإمدحيه كثيرخاصه لما يكثر خرجات لأصحابه اجلسي امدحي فيه وفي اخلاقه وبعدين قوليله بس فيه شي نفسي تغيره هو روحاتك مع اصحابك كثيره لو تخفيفها<<الحين حكمنا عليه من بدري انه كثير خرجات هههه اللي اقصده اذا فيه شي مايعجبك فيه اجلسي معاه بجلسه كلها هدوء وإبدئي امدحيه واطلبي منه يغير الشي اللي مو عاجبك...وبالنسبه للتدخين بعد الزواج حاولي تظهرين بتصرفاتك انك متضايقه منه يعني بلامح وجهك اقصد لما يقرب منك وفيه بالصيدليات غسول وشرائح اظن لترك التدخين بس اهم شي الإراده لتركه واذا يحبك وشافك تتضايقين منه اكيد بيتركه وممكن تحطين الغسول على المغسله ويمكن هو يستخدمه اذا شافه قريب منه ويفهم الرساله بدون تصريح الله يسخركم لبعض ويكتبلكم الخير والسعاده والذريه الصالحه |
الف مبروك اختى
لاتشيلي هم بكره يتزوجكى وينسى اصحابه اما مشكلة الدخان هذى والله على حسب عزمة اذا كان قوى يقدر يتغلب عليه ويتركه مع مساعدتك واللحين رمضان جاى ياليت تقوليله يستغل الفرصة ويتركه |
| الساعة الآن 09:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©