|
رقم امرأة بجوال زوجي ما العمل؟
السلام عليكم ورحمة الله............
شكيت برقم في جوال زوجي واتصلت عليه طلعت وحده . المهم ان زوجي على علاقه بها من زمن عشان هذا الاسم من زمان وانا اشوفه . مع العلم ان زوجي مظهر لي انه يحبني وكم مره اواجهه بشكوكي بعلاقته بوحده وينكر .ويقلبها مزح اي انه في وحده ويحبها.... ومن هالكلام محاوله منه انه يصرف تفكيري عن الموضوع. المهم. مره سافر وجلس عدة ايام ورجع ويضمني ويقول انا ماراح الاقي وحده احسن منك ومن هالكلام. مشاعري اتجاه زوجي عادي يعني ياما شفت منه ومن ضمنها خيانات هاتفيه هاذا ما اعلم به كل ما اريده العيش بسلام . الان بعد ما تأكدت انها وحده ايش العمل؟؟؟؟؟ 1- اسكت واطنش واهم شي ما بنقص علي شي.2- اعامله عادي والمح له اني على معرفه بالامر3- ارسل للبنت اللي يكلمها انها تخبره بأني على معرفه بعلاقتهم.عشان ينحرج من نفسه. اواجهه مستحيل يقر زوجي وانا اعرف بطلعني اني مريضه وبتوهم. سؤال للرجال تتوقعوا ايش شعوره لمن يعرف اني عارفه وساكته واخلي البنت اللي يكلمها تخبره؟؟؟ كل ما اريده ان يعرف اني على علم بعلاقته ؟؟؟ هذا صح ولا غلط ارشدوني يا اصحاب الرأي السديد |
الله يعينك
خبريها و خليا هي تخبر زوجك انك عرفتي بالموضوع جد لازم تكون النسوان ما يهما الا حالها بكيفه زوجها اذا انحرف الله الي يحاسب حسبي الله على هالرجال |
سمو النفس .. نصيحه لا تكسرين حاجز الحياء إلي يرد عزوجك عن أهانتك .. هو مخبي عنك لأنه محترم مشاعرك .. خايف من زعلك .. خايف على مكانته عندك .. خايف لأنه عارف أن الشيء إلي يسويه غلط .. ليش تخسرين كل هذا .. بالعكس دائما أمدحيه وقليله أنا متأكده منك .. وعارفه أنك أوفى زوج في الدنيا .. وأن لو كل الرجال خانوا أنت لا أحسك إنسان تخاف الله .. أحسك إنسان مخلص .. دائما حسسيه أنك مبسوطه معه .. وأنك من غيره تضيعين وأنه هو كل حياتك وسندك .. نصيحه .. مع الزمن راح يرجع .. وراح يكون مثل ماترددين على سمعه أوفى زوج وأحن زوج .. لأنك لو قلتيله أنك عارفه راح يكابر ويستمر في غلطه .. بالعكس راح يحاول يرضي غرورة بالكيد لك .. وراح تلاقي هي تربه خصبه لمحاولة إثارة الفتن بينكم .. حبيبتي لنفرض أنو هي إلي اتصلت عليك وقالت أنا أعرف زوجك وهو يكلمني من زمان .. أنت المفروض تقولين فلان مستحيل يعمل كذا .. هي راح تنكاد .. وهو لو جاء تقوليتله وحده سافله كلمتني تبغى تنزلك من عيني وأنت كل شيء في حياتي .. وأنا أكثر وحده تعرفك أنت مستحيل تسوي كذا .. راح تكبرين في عينه .. وراح يترك هالخرابيط كلها .. طيب فما بالك أنك أنت إلي رايحه تعطينها الفرصة على طبق من ذهب .. نصيحه لا تخسرين زوجك عشان غرور لحظه .. أيش تستفيدين لو بينتي أنك عرفتي .. أيش أذكى منه يعني .. في نفس الحظه إلي تظنين أنك أنتصرتي عليه راح تخسرين علاقتك فيه .. وتخسرينه كرجل يحافظ على مشاعرك .. وبعدين راح يرجع يكلم قدامك وكأنك منتي أنسانه أنا نصحتك وأنت حره .. |
حبيبتي ارسلي مسج من جوالك على جوال البنت واحفضيه عندك وتعاملي مع زوجك عااااااادي مثل ماأنتي وبعد كم يوم كلميها وخليها تخبرهـ واذا جاء بيفتح معك الموضوع قوليله ماتهمني انا من كم يوم عارفه واؤسلت لها مسج وشوف تاريخ المسج وتأكد منه انا من يومين عارفه وعادي ماتغيرت عليك لأن اللي مايقدرني ويحترمني مايهمني الخساره خسارتك انت
انت اللي خسرت هيبتك فعيني هزيه بكلام يحرك رجولته واسكتي وتكلمي بكل برود وذكريه انه كان شي كبير وصار شخص مايهمك راح يبدأ يفكر بحياته بجديه ومابتندمين والعني خير جيبه هات وجيب وحط وودني وجبني دلللعي نفسك على الأخر ولا تحاسبينه على اي شي موووووت الرجال اذا فقد هيبته عند زوجته وحس انه بيخسرها لاتبينين انك زعلانه ولا متضايقه بس بيني له ان نفسك صاده عنه يعني بلاشي حركات الدلع والتقرب منه واذا كنت متعوده تتصلين فيه اذا طلع لاعاد تتصلين واذا تأخر لاتبينين قلقك عليه عامليه على انه شخص قريب منك بس مو حبيبك عشره ايام بالكثير بيرجع لك صدقيني بس اهم شي اهم شي اذا ارسلتي مسج للبنت خليك 3 ايام بالضبط وبعدها كلميها ووقليلها انك عارفه وبلغي حبيبك وهو راح يبين فيه لانها على طول بتقوله وبهالثلاثه ايام خليك جدا عاااديه صديقتي سوت كذا وحسست انه خلاص خسرها وقالت له انت زوجي بس مو حبيبي وبعد اسبوع رجع وحلف لها على القران انه اليوم انهى علاقته فيها وغير كل ارقامه ورجعت له بثقل لين صار يدور رضاهااا بكل وقت صدقيني الواحد مايعرف قيمة الشي الا اذا فقدته والله معك ,, |
اختي حلم الأمان رأيك لامس شيء بداخلي. لكن ؟؟ مراعي مشاعري ولا مستهبلني؟؟؟ والله مش عارف
مع اني دائما اشعره بأحساسي بعلاقته.مشكوره |
دانكن دونات . اه والله نفسي يعرف منها اني عارفه.... ولكن خايفه يكون تصرف فيه انتصار لكبريائي فقط وخساره لكل حياتي !!!!!!!! مش عارف
|
اختي الكريمه اعانك الله ورد الله عليك زوجك مشكلتك لها ثلاث زويا الانطباع العام شكوك في زوجها بان له علاقه عاطفيه مع امرأه اخري وتاكدت هذه الشكوك عن طريق الاتصال بالفتاه اللعوب مع حرص من زوجها على مشاعرها واشباع لرغباتها ومشاعرها بالكلمه والضمه والحركه وغيرها وانت في حيره من حبه لك هل يجمتع مع مرض المعاكسات اقول نعم هذا مرض لايخرم جدار الحب تحليل المشكله من خلال سطورك - انت تعانين من شكوك في الاتصال الهاتفي تاكدت هذه الشكوك حين كلمت على الفتاه تقولين ( من زمان وانا اشوف وشكيت ثم كلمت فاذا هي امرأه ) ولكن لماذا هذه الشكوك وهل كانت لك تجارب سابقه !! - زوجك يحبك ويقدرك وانت تشكين في حبه لانه يتصل على اخري (يظهر انه يحبني ويضمني حين قدم من السفر ويقول لن اجد امراه احسن منك ) - دوامه الشكوك جعلتك تواجهين ولم تكسبي المعركه حيث ان زوجك لديه اسلوب قلت عنه ( يقبلها مزح لكي يصرف تفكيري ) لانه يحسن سياسه النساء - تعانين من تعارض مشاعر حبك لزوجك مع الغيره من تصرفاته الصبيانيه المرضيه تقولين ( دايم يقول لي مثل ذلك ومشاعري تجاهه عادي ) - لديك حيره في الخيارات الحلوليه معه ويبدو انك استشرت فقيل لك (اسكتي لمحي واجهي اتصل بالفتاه اللعوب ) فانت ذكرت المشكله وذكرت الجواب عنها الحل - لابد من موجهه زوجك بحزم وقوه واخباره برقم الفتاه وانك عرفت كل شي ولايحسن هنا السكوت لان الفاس وقع في الراس - لابد من الاتصال على البنت اللعوب من قبلك او من قبل امرأه اخري تثقين بها وتعرفين حفظها للاسرار ومقدرتها على الاقناع وهناك بعض الدعيات يتصلن على امثال هولا المفتونات - حاولي التقرب من زوجك اكثر واشبعي حاجته النفسيه والاجتماعيه والعاطفيه والغدائيه والجنسيه حتى لا يلتفت الى غيرك ولديك ورقه رابحه وهو انك زوجك يحبك ويغليك ويقدرك - اياك ومراقبه جوال زوجك واخذه والتصنت عليه فلا يليق التجسس بالمسلم ولاتصلح الحياه الزوجيه اذا دخل اليها سوس الشكوك اللهم اصلح لها زوجها ووفقك بينهم بخير يارب العالمين |
بارك الله فيك اخي عمران .... طيب عندي سؤال هل يوجد اي اشكال في اني ابلغها تبلغ زوجي بأني على معرفه بعلاقتهم ام انها خطوه مدمره؟؟؟
|
انا بانتظار المزيد من الاراء السديده. اتمنى ممن يقرأ موضوعي والايبخل علي برأيه
هل اصارحه واواجهه بالرقم ولا اخليها هي تخبره بأني على علم بعلاقتهم. |
لا تدقين عليهاااااااااااااااااا ابدا
لاتنزلين مستواك وتترجين على حق من حقوقك كذا البنت راح تعاند ويمكن تسمعكي كلام ماتحبينه ........ مثل هو اللي يجري وراي و و و وهو راح يفهم انك خايفه عشان كذا ما واجهتيه وعلى فكره مستحيل اي امراه تقطع علاقتها باي رجل الا اذا هو الرجل قطعهااااااااااااااا بنفسه لو بلغتي زوجك راح يقطع العلاقه بدون مايبلغها .......... وبيت انه هو مو راغبها وتكون اقوى لكن لما تكلميها وتكلميه ........... تعرف انه يحبها وبسببك راح تعاند |
| الساعة الآن 09:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©