|
زوجتي قالت لي اقلب وجهك
السلام عليكم :
انا سعيد بانضمامي الى هذ المنتدى الرائع.... لدي مشكلة مع زوجتي وان شاء الله تنحل انا ملكت ولي حوالي 9شهور والحفله ان شاء الله بعد شهرين...كانت الفترة الماضية جميلة ورائعة تعرفت على زوجتي وتعرفت علي ...الشاهد في الموضوع عندي ملاحظات على زوجتي بذكرها لكم وابغى منكم الإفادة وايجاد حل..... الفترة الماضية اتصالات زوجتي كانت قليلة وبالعكس كنت ادق عليها ماترد واذا سالتها ليش ماتردين تقول كنت مشغوله......برضه احس ان زوجتي تحاول ان تفرض لها هيبة وقوة بحيث ان تكون هي صاحبة القرار يعني مثلا تبغى هي اللي تختار القصر وتبغى هي اللي تختار الطققات مع ان العرف عندنا في قبيلتنا ان هذ كلها على الزوج وهو اللي يختار....طبعا تكذب علي كثيييير وتحسب اني ما ادري....برضه تطلب مني دايم فلوس ولازم اشحن لها جوالها مع انها تعرف اني باقي ماتوظفت ....صح ان ذا من حقها بس برضه لازم تقدر ظروفي برضه من ضمن الاشياء اللي سوتها معايه كنا نتكلم عن اغراض الزواج وكانت تقول لي الشي اللي يعجني رايح اخذه مهما كاااااان سعره ....طبعا انا طرطعت وقلت لها مستحييييييل يحصل هذا الشي وعصبت عليها ومن شدة التهور قلت لها هذ اخر مكالمة اكلمك طبعا تصرفي خطا ...ردت علي برد للاسف لم اكن اتوقع مثل ردها قالت بين قوسين "اقلب وجهك" تخيلوا 9 الشهور كلها كانت حلوه ولا حصل اي مشاكل والمكالمة الاخيرة قبل يومين حصل اللي قلته لكم تكفون ابغى نصيحتكم وش اسوي ....وهل هي تحبني من خلال تصرفاتها اللي تسويها |
لاحول و لاقوة إلا بالله
طبعا اخي الكريم هي مخطئة و تصرفها سيء و غير ناضج و قولها سأشتري بأي سعر , تصرف مراهقات بصراحة يعني حتى لو كانت تتمنى شراء الأغلى و الأفضل فالطبيعي انها تستحي تفرض هالشيء على خطيبها و تصر عليه فهي بهذا تعطي نطباع سيء و تستهين بك اجد مااسميته بتهور ردة فعل عادية بل كلمتها اقوى الآن ,,اتركها يعني لا تكلمها فترة حتى تعرف خطأها و إن كانت تحبك ستتصل و تعتذر يعني لا تستجدي اعتذارها بل انتظر و اصبر حتى هي تكلمك .. |
ينقل للقسم الأنسب
|
اقتباس:
طبعا مافي امل اكلمها ابغها تحس شوي لان اذا كان هذه بدايتها فكيف بعدين اذا ارتبطنا |
الله يكوون بعوونك اخي الفااضل ..
:: لآزم من البداايه تفهمهاا انها لازم تقدر وضعك الماااادي .. :: تصرفك غلط لمن قولت لها هاذي اخر مكالمه بيني وبينك .. هي اكييد عصبت وقالت لك (اقلب وجهك) . الغلط هنا من الطرفين .. :: لا تكلمها هاذي الفتره او قلل المكالمات يلي بينكم .. واذا كلمتها كلمها بررسمية جدااً .. // وان شاءلله بتعترف لك على خطأها .. الله يعينكم وييسرلكم اموووركم وينور طريقكم بالخير والصلاح .. تقبل مرووري دمت بوووود=) |
ياخي الكريم من الافضل في فتره الملكه ان لا تطول ولاتطيح الميانه بين الزوجين
وتكون فتره تاسيس ووضع الاساسات للقيام حياه راسخه بالمبادي والقيم وياخي الكريم يجب ان تكون بينكم شعره معاويه يعني اذا شدت انت ترخي واذا شدت هي ترخي وهكذا الحياه اما ان تكون هي معصبه وانت تعصب فحينتج كهرباء واحتمال التماس كهربائي لكن هدي العب وادر الامور لصالحك حتى تسير المركب الى مرسى الامان وياخي لاتنسى بان الشيطان والحساد هم اشد مايكونوا في هذه الفتره فعليك بالاذكار والاوراد الشرعيه واكثر من الاستغفار والصلاه على الحبيب محمد صلى الله عليه وسلم وبالتوفيق |
كل اللي اقدر اقولك
هذي طبايع البشر الكلمات هذي هي متهودة عليها مع صديقاتها على اساس الميانه وطبقت الشي معاك مو عارفه انه شي يضايق وممكن يهد بيت زوجتك صغيرة ويمكن مراهقه اعذرها وقومها بنفس الوقت بس لا تشد معاها ابداااااااااااااااااااااا الله يوفقكم ويسعدكم ياخوي |
خطيبتك تتغلى ياخوي
المفروض كنت تمشي معها في الكلام,,, السبب بسيط البنت يهمها المعنى النفسي اكثر من المعنى المادي,,, تحب تحس انك ممكن تسوي المستحيل عشان توفر اللي تتمناه حتى لو كان غالي لانه طبعا مافي اغلى منها,, ردك ياخوي حطمها و قالت هالكلمتين,, |
طيب وش رايكم وش الحل ردودكم جميلة لكن أنا محتاج لحل خصوصا من اهل الخبرة ........بالنسبة لعمرها فهو 24 لاهي مراهقة ولا شي .......تكفون النوعية ذي هل تصلح تكون شريكة حياة
|
الصبر طيب.. دوبكم على أول الطريق الخلاف على الرأي بديهي بين اثنين نشاءوا وتربوا في بيئة مختلفة.. ولن يحصل توافق إلا بتقديم بعض التنازلات ومراعاة مشاعر الطرف الثاني والتناسي عن بعض الهفوات.. .. لكن يجب عليك (يجب) منذ البداية ان تفهم خطيبتك بأن التفاهم والحوار هو الذي يحل الخلاف ولا يحل بفرض الرأي والتشدد والتعنت.. .. وفهما بأنك تحاورها وتشاورها لأن الحياة مشاركة .. وان هنالك أسلوب نقبل به وآخر نرفضه.. ويا ريت لو تفهمه برضه ان لا تدخل طرف ثالث لأن التدخل وعلى وجه الخصوص الأسري يفسد أحياناً أكثر من أن يصلح.. نصيحتي.. ألزم الصمت.. لا تستعجل فتتصل سوف تبادر هي ولو برسالة توضيحية أو مستنكرة انقطاعك وكأن شيئاً لم يحدث لا تكلف نفسك فوق إمكانياتها وأنت مقبل على حياة جديدة يفترض أن تبتهج بها لا أن تثقل كاهلك الديون |
| الساعة الآن 11:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©