|
لم يبررو سكوتهم
السلام عليكم ورحمة الله وبركاتة ..
انا من متابعين لهذا المنتدى الراقي.. وحبيت افضفض لكم لأني والله خلاص طفح كيلي من جد مدري وش اسوي .. اليوم مدري وش صار فيني احس بكأبه ... ابداء بموضوعي .. انا مخطوبه من سنه ونص ولا كأني مخطوبه ماحددنا الملكه ولا العرس .. وغير كذا الاخوان سافهينا مدري وش بيون بالظبط وحتى مابررو لنا سكوتهم عن الموضوع .. قسم احس اني قلبي ينحرق من فعلتهم .. انا عارفه لو الشخص رافض او مغصوب كان من البدايه قالو هذا الشي وانهمو الموضوع مو يسكتون سنه ونص .. كل ماجت اجازه اقول يمكن يستحون على وجيههم ويحددون او يقولو شي .. تخلص الاجازه ولاسمعنا رنة وحده منهم .. مااخفي عليكم .. اول ماخطبوني كانت امه .. متحمسه اخذت رقمي وقالت ان بنتي راح تتواصل معك .. اتصلت اخته اول مره بس كنت مشغوله واعتذرت منها وبعد يومين اتصلت .. وصارت ترسل لي مسجات كل فتره واخرى <<< يعني تسكيته لنا ..:25: وفي الاعياد يعايدونا .. وسنه جديده يهنوني خواته ماقصرو .. في الاوان الاخيره سكتو لاحس ولاخبر منهم وش اسوي انا ...<< للمعلوميه مافيهم الا العافيه حتى ابوي صار يسألني عنهم .. واقول له الغايب عذره معه << اسوي نفسي مو مهتمه ههه:d والحين صرت مثل المجنونه انتظر اتصال او مسج من اخته << هبلو فيني بس :23: .. كتبت مشكلتي هنا حبيت افضفض لأحد ..لان امي ملت من كثر مااتضيم عندها طفشتها المسكينه .. ربي يكتب لي ولكم الخير .. |
سلام انتي ذكرتيني بموقف حصل لأخوي خطب وقالوا له اهلها نبي مهلة اسبوعين تفكر البنت المهم بعد ثلاث ايام دقت امهم وقالت البنت موافقه قعدنا اسبوع ننتظر يوم اجازة اخوي اللي هو بالويكند ماشفنا الا الام تتصل وتغسل شراعنا :18: وش فيكم لا اتصال ولا خبر ولا كأنكم خاطبين ؟؟؟ < اسبوووع بس مو سنه ونص !! والله اني اذكر ذاك اليوم اخووي جا من دوامه وخم امي بسسسرعه وراح لهم ركض شايل انواع الهدايا :22: والله تمم لهم الشاهد من هالكلام خلي امك تتصرف :29: الله يقدم لك اللي فيه خير وعسسى ان يكون لك بهالتأخيره خييييره |
هلا فيك ترتر ..
الله يكتب لك الخير وربي يوسع صدرك ويسر امرك .. ياترتره .. التمسي له سبعين عذر وربي يفرج عليك .. ممكن ماصرح لكم او مابررو سكوتهم خوف من رده فعلكم تكون عكس توقعاتهم .. ومن الممكن ان مو مستعجل على الزواج بسبب ظروفه .. |
انا لست متعجبة من سكوتهم ....... انا متعجبة من سكوت اهلك ....
على اي اساس تتعلقين وانتي لا زلتي في بيت اهلك دعي والدك يتصرف فورا او والدتك افرضي ان هناك العديد من الراغبين في الزواج منك هل يطيرون منك على اساس انك مخطوبة لواحد لا تعرفين هل يريدك ام لا ؟؟ من حقكم تسألونهم هل يريدونك زوجة لأبنهم ام لا ممكن والدك يتصل ويسأل بعفوية مى نعمل فحص طبي او متى تريدون عقد القران حتى تتبينوا من الامر .. وفقك الله |
بالفعل اختي الكريمة ليس من المعقول ان تتركي نفسك معلقة..صحيح الغائب عذره معه و لكن ليس ان تنتظريه لمدة سنة و نصف..
بسرعة يجب ان تتخدي اجراءا مناسبا لمعرفة موقفهم اتجاهك.. دعي والدك او والدتك تكلمهم على حسب ما تفرضه عاداتكم و تقاليدكم في هذا المقام.. و لكن لا تظلي مكتوفة الايادي تنتظرين المجهول..متحججة "بالغايب عذره معه".. موفقة اختي الكريمة و الله يكتب لك الخير اينما كان.. |
المفروض امك تتصل وتسألهم عن الموضوع ايش وصل
حتى يتضح كل شئ قد يكونون عندهم عذر او مستحين يردون عليكم والسكوت الفترة الطويلة صعبة عليك الله يوفقك ويكتب لك الخيرة |
اقتباس:
ههه :22: زين ماسوت فيكم البنت ماشاء الله عليها باين امها قويه .. ياليت امي تغسل شراعهم .. امي مره طيوبه مش قويه .. لو بتكلمهم راح تترجاهم يجون مو تغسل شراعهم << اذا ترجتهم انا اعتبرها اهانه لي كني ماشفت خير .. |
الله ييسر امرك .. سنة ونصف ليه كل هالوقت وبدون مايتكلمون ترى هالشيء غلط أهلك المفروض يكلمونهم بأن بنتنا مايصير تظل هالفترة كلها مخطوبة بدون مايحصل اي تطور في الموضوع انا كنت مخطوبة لولد عمي وكنت رافضته ولكن امي قالت لهم اننا موافقين و قلت يمكن يتغير احساسي بعد فترة وظليت سنتين محجوزة له وبعدها اتصلت امه وقالت اذا جاء نصيب لبنتكم زوجوها ، ولدي مو جاهز الحين !!!!!!! وبعدها بشهور يخطب وحده ثانية :@ |
اقتباس:
طيب سنه ونص وانا التمس لهم عذار بس الحين وش عذرهم .. |
اقتباس:
المشكله مو مني المشكله من اهلي ماهمهم وضعي اذا طلبت من امي تتصل ترفض وابوي كمان مراح يتنازل ويدق ... صادقه كم من الخطاب خطبوني ورفضت .. يعني هم ماحطو في اعتبارهم اني بنت صغيره وممكن اي احد يطلبني له .. هل تتوقعين هم يريدون ان ننهي الموضوع من نفسنا ؟؟ |
| الساعة الآن 06:18 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©