أخاف أن يكون مجبور علي
 

السلام عليكم ورحمه الله وبركاته
انا بدخل بمشكلتي بسرعه
انا مخطوبه لولد عمي من فتره وجا وشافني الشوفه الشرعيه والحمدلله حسيت بالراحه وهو بعد من كلام امه واضح انه ارتاح لي بس المشكله بعدين خالته بدت ترمي كلام فكذا جلسه انه لاتجبرون اولادكم وقبل قد قالت لامه لاتجبرين ولدك بديت اخاف ان الولد مجبور علي ماتصدقون هالموضوع قد ايش متعبني
ووقت افاتح امي بالسالفه تقول انتي حساسه
اوقات اقول يابنت شوفي الولد قاعد ياثث البيت ومجتهد فيه لو مايبيك ماكان قاعد يتعب نفسه واثث لك البيت اي كلام واوقات اقول لو يبيني كان طلب يملك باسرع وقت
ماني عارفه انتو وش رايكم
:rolleyes:

أشوف ان عادي يعني خالتك حبت تتكلم كلام عام وممكن ما اتوفقت فالاختيار ..
لا تكبري الموضوع وانبسطي بخطوبتك :)

مشكوره واتمنى انه هالوساوس تروح من راسي

هذه كلها وساوساتركيها وراح تنبسطي ان شاء الله
الله يكتب اللي فيه الخير

أختي تأكدي لو كان مو شاريك ويريدك تكوني زوجته وشريكة حياااته ما كان تقدم لك
أنتي أرتحتي له وهو كمان ارتااح لك
توكلي على الله
والله يوفقكم ويكتب اللي فيه خير لكم جميعا

هناك اناس يحبون كثرة الكلام والقيل والقال وهذه الخالة منهم
وانتي كوني بعيدة السمع عن تلك الاقاويل والافكار التي تهدم حياتك
الولد شافك وارتاح ولو ما ارتاح لكان انسحب ولكنه هاهي فرحته بدأت
تتضح سرعة اعداد بيتكم
وفقك الله وجمع بينكما على خيرر

سؤال يا عزيزتي..

ما دام قد بدأ في تأثيث البيت لمَ لم تعقدا قرانكما بعد؟

مشكورين جميعا والله طمنتوني
اما بخصوص سؤالك ياخت مهره احنا هذي عادتنا كتب الكتاب يكون قبل الزواج بعده ايام
ادعولي ان هالوساوس تروح من راسي

تعوذي من الشيطان الرجيم وخلي عنك التضايق والوسوسة، ومثل ماقلتي عاداتكم تكتبون الكتاب قبل خمس ايام، الله يوفقكم واستمتعي بوقتك وفرحتك، ولا تخافين والله انه ماهو مجبور، كل المؤشرات تفيد انه طاير من الفرح