|
زوجي دلوع وما يتحمل المسؤولية جني انا الرجال والله تعبت
بسم الله الرحمن الرحيم السلام عليكم ورحمه الله بإختصار مشكلتي هي زوجي ع فكرة اهوة اصغر مني ب3 سنين والحمدلله بالشكل كلش مو باين وهو ولد خالتي ف البداية كان يبي يفرض شخصيته علي وماكان يرضى الا اني اطلع بالعباية ع الرغم انه من اول كان يشوفتي البس عادي واسع وتنانير وجذي وما قالي هالشي وقت الخطوبة وسكت لانه المفروض يقولي ترى هالشي ابية يتغير بس امه قالت لي قبل وانا اتوقعت منها اهية لانه هو شخصيا ما قالي ـ المهم لابسنا العباية السودة والحمدلله انا محجبة ، وخلصنا من هالشي فجأة لبسي نقااب ، طيب لحضة يا عمي مو بهالسرعه ورى بعض انا وحدة موظفة واساعد اهلي وانا يتيمة ما في عائل لأهلي ومالي غيرهم وشلون اتنقب ع طوول جذي خليني احبة اكثر وافهم ف الدين واعرف انه فرض ع كل مسلمة بس مااقدر بيوم وليلة رغم اني مرات البسة قبل الزواج مع اختي اذا مالي خلق او شي جذي وبالعكس حلو واحبة ، اما اني البسة خلاص ويوميا وجذي ف صعب شلون ودوامي هناك ما في احد جذي كلهم تنانير او بناطير وجذي ، مع انهم كبار بالعمر بس الله يهديهم ويصلحهم يارب ـ والله يا جماعة اني اي وحدة منقبة وشكلها ملتزمة مو الي اطلع نص خدها والكحل واصل لي اذونها لا المنقبة الملتزمة ـ اشوفهم بشارع وابتسم ودي اركض لها وابوسها واقولها انا احبج واهنيج ع هاللبس الطاهر والحلوو وودي اصير مثلهم وناوية ان شاءالله بس ابي الوقت المناسب المهم قتل حق زوجي لما اطلع وياك بلبسة واذا بروحي بدوام لا وجذي المهم سكت واوكي ـ وانا متأكدة انه هو يبي هالشي عشان ربعه يشيشونه ويقطوون كلام او انه يبيهم يشوفوني وانا منقبة بما انه ربعه مطاوعه وهو يدرس شريعه .. بس انا البس عباية وسيعه سودة وحجاب اسود مغطي وطويل ونازل علي يعني يبين شكلي مو خربوطية !!! نجي للمنشكلة الرئيسية كل ما صار شي راح دق ع امة يمة صار جذي شسوي تخيلوا والله يخلي امه تروح تسوي سيرفس السيارة وهو يتحجج ف الامتحانات والدراسة ويريته يدرس لا امجابل الاب توب وخالتي مرة كبيرة تقولي ما فيني حيل اسوق انتي سوقي وانروح وزحمة ويقولون تعالوا مبجر ونتبهذل بالحر وانا قتلها خالة ما يصير جذي لازم هو يعتمد ع نفسة هو الريال مو انا وخاصة اني (حاااااااااااااااامل) بشهر الرابع يعني ما فيني حيل والوحام اصلا ما خلص عندي فتقولي ميخالف اهو مو متعود يطلع وما يدل عدل ميخالف شوي شوي !!!!!!!!!!!!!!!!!!! وهو فعلا مو راعي مطاعم واسواق وتمشي بس يروح ديوانية اصدقائة وبس !!!!!!! وبعدين يخليني انا اودية المستشفى وهوة ما يروح بروحه ما يدل وولا يرضى امه تجي وياة لانها ماادل ويرحون مع تاكسي والاخ يتفشل او ماادري ليش ما يرضى !! يعني اله انا الي اودية او بمعنى اصح واحد يودي ويجيبة بدون بهذلة وانه ما اندل او رح ننطر تاكسي او شي جذي قلت حق امي تقولي ميخالف مريض عادي خواتي يقولون رح يتعود ويخلي البيت كلة ع راسج وانتي الي عودتي وتستاهلين :( وخاصة انه باجر جاينى بيبي ويحتاج اغراض ومراجعات وروحات ف منو بيسوي كل هذا ان شاءالله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انا تعبت والله ساعات ابجي بروحي وافكر بطلاق اذا ما تعدل بس اتعوذ من ابلس الله ياخذه، انا وحدة تزوجت عشان ابي ارتاح تعبت من الشقا وانا عندي امي تحملت وايد مسؤوليات وهم بعد الزواج ما ارتاح ويطلع لي طفل على شكل زووج!!! متى ارتاح مليت من التوصيل وكل شي ع راسي :( ملاحظة يا جماعه هو طيب وكريم ودمة خفيف ويحبني ويقولي انتي اروع زوجة بس يقولي انا ما ادل وميخالف سامحيني ! ابي حلولكم الله يخليكم ويوفقكم دنيا واخرة وسامحوني اذا طلعت كلمة مني ولا مني قعد اكلمكم وانا ارجف ومعصبه حييييييييييل وكاتمه هالشي بقلبي من زمااااااااااااااااااان والله من اول يوم زواج الله كريم |
في البدايه لايعتبر زوجك " فرض" شخصيته من ناحية الحجاب
فهذا دين وتشاريع وسيحاسب عنكِ يوم القيامه , فتنقبي يا اخية فإنه افضل لكِ ولدينك , واعلمي انكِ لو تجملتي وخرجتي صحيح سيكون منظرك اكثر جمالاً ولكنه بنفس الوقت ستكونين مجرد لحم خام يستمتع الرجال بالنظر له وسيقل احترامك بنظر الكل , فاحفظي نفسك ودينك يا أختي الكريمه , -------------------------- زوجك , زوج رائع ومحب ويستحق الصبر عليه ومحاولة اصلاحه , لاتلوميه فليس له ذنب هناك اُسر لاتعلم ابنائها المسؤوليه وهذا كثير في وقتنا هذا الآن لابد من جلسة ومناقشه هادئه تخبرينه انه هو الرجال وهو المسؤول عنك وهذا الأمر منزل من السماء وليست مجرد اعراف اجتماعيه وانك لن تتحملين مسؤولية بيت اوجب الله عليه مسؤوليته , واذا قال انا ما ادل ومااعرف فقولي له تعلّم , كل رجال العالم تعلموا عن طريق المحاولة , ايضاً من السهل جداً ان يعرف الطرق فقط عليه الخروج , ولا تتزحزحي عن موقفك فلابد له من التعلم! وكلام اخواتك صحيح , ان لم تضعِ حد سيتعود ويترك لكِ المسؤوليه كامله , الأمر بسيط , صارحيه + لاتتركي موقفك ابداً واجعليه يتعلم بالرغم منه , فكل الرجال تعلموا بالرغم منهم تمنياتي لك بالتوفيق |
الرجل يحب من يمدحه في أفعاله و تصرفاته و رجولته
كل ما عليك فعله أن تعرف الطريقة التي تطلبين بها ما تردين الطباع تتغير فلا تقلقي بعض الأشخاص_رجال و نساء_ لا ينتبهون لواجباتهم إلا بتنبيه الغير |
كلام الاخوان قبلي صح طالما زوجك طيب معاكي خوش بس مشكلة الدلع هوا مالة ذنب اهلة ربوة كذا وكلام خواتك صح لا يتعود يقولو الرجال ينضحك عليهم بسرعة تعاليلة بطيب والمدح انت خوش رجال انت لازم تسوي كذا بكرة بتسير اب وكلام من كذا وانشاء الله اكون فدتك ويارب يسير زوجك مثل ما تبي
|
الجانب الاخر رأيك جميل جدا وانا ولله الحمد لست متبرجة وارتدي الملون والضيق
البس عبائة وحجاب اسود واعرف انه ليس اللبس الشرعي ولكني ادعوا الله انه ييسر لي طريق التدين اكثر واكثر وليس انه يأتي زوج ويفرضه علي دون سابق انذار !! وجزاك الله خيرا ع النصيحة الطيبة وسأصارحة بهدوء لانه حساس جدا وسريع الزعل LYESLYESSE كلامك صحيح وبالفعل هناك اشخاص لا يعرفون مسؤولياتهم الا بالاوامر والطلب ولكن الزوجة صعب ان تضع قائمة وجدول بمهام وعمل الزوج وجميل ان يفعل هو كل شي يخص الرجل او الزوج وبدون تنبيه او زن وحن ع راسه جزاك الله خير وسأعطي له مهام بطريقة غير مباشرة بلسم الروح انتي فعلا بلسم ، جزاكي الله كل الخير ع الدعوة الطيبة وسأعمل بما قلتي اشكركم يا اخواني او خواتي ع ارائكم السديدة بارك الله فيكم ورزقكم من حيث لا تحتسبون |
ينقل إلى قسم المتزوجين ..الإشراف |
يعني انتي تقولين انا متحجبه
طيب متحجبه يعني وجهك مكشوف ؟؟ وش الفايده من التحجب يا اختي المراه كلها عوره الا وجهها بصلاة وبعديني انتي تقولين شوي شوي البس نقاب هذا دين مافيه شي اسمه شوي شوي خلاص اخذتي فرصه يوم يومين اسبوع بعدها تنقبي الا اذا انتي ماتبين اصلن فهذا شي ثاني وانا معك ان زوجك مقصر وش ذا الرجل الي مايدل ؟؟ الي يسأل مايتوه يروح ويهز اكتوفه الله لايهينه |
اختي العزيزة
مسألة وقت مع مساعدتك له ويتحسن حاله الى الافضل وانصحك بالتعامل معه باللين والحوار والمناقشة وليس بالعصبيه وفرض الاوامر عليه وذكريه بقوامة الرجل وذكرها بالقران وعلى حسب كلامك انه طيب كريم فهذا يكفي ونسأل الله لكم التوفيق |
| الساعة الآن 11:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©