|
تصرفات زوجي مريبه !!
السلام عليكم ورحمة الله وبركاته حابه اخواني واخواتي اعضاء منتدانا الراقي اخذ رايكم في تصرفات زوجي اليومين هذي لانها لافته انتباهي وحاسه انه وراه شي .. اول شي بعطيكم نبذه عن زوجي .. الحمدلله محافظ على الصلاه وصلاة الفجر الا اذا غلبه النوم لانه نوام .. يقرى كتب دينيه ويسمع محاضراات الحمدلله فيه جانب ديني حلوو بس في المقابل يسمع اغاني ويدخن الله يصرف قلبه عن كل سوء .. وعلاقتنا الحمدلله ممتازه مع بعض .. المهم انا بصراحه من كم يوم اشوف تصرفاته غريبه من يوم طلع جواله الجديد صار يبغى يجلس لحاله لما يطلع يدخن برى كالعاده صار يطوول فاتصل عليه اشووف هو يكلم ولا شي القاه يرد يعني مو مشغول .. لما يدخل يلقاني في الغرفه مع انه العاده يحب انا نجلس سوى بالغرفه لا صار يقولي ليه انتي بس جالسه هنا ؟ اقوم اطلع معاه المجلس يجلس شوي ويطلع لما افتقده اجي الاقيه في الغرفه لحاله وبيده الجوال !! واكثر من مره لدرجه دخلت اليوم الغرفه لقيته طالع من الحمام ( اكرمكم الله ) والجوال بيده !!!!! واليوم كنت طالعه انا وامه ودانا محل ورجع البيت اثاريه طول الوقت في الغرفه عالنت لما فتحت اللاب توب لقيته ماسح كل المحفوظات ومرجع الجهاز زي ماخليته يعني كانه مااستخدمه !!!! انا حاسه انه فيه شي .. فابغى منكم حل مناسب للموقف .. وكيف اتصرف هل انبهه ان تصرفاته مريبه او اسوي نفسي مو منتبهه بس اكون مراقبته من بعيد يمكن فتره طاير في الجوال وتعدي !! |
اتركي الامور اذا بحثتي ودققتي بتنصدمين
عموما كل شي بيبان مهما طال او اجلسي معه وتناقشي سبب تغيره |
افضل لك انك ماتسبيه لوحده ضلي وارءه
لاتركنه لوحده واذا مره افتحي معه الموضوع فى مكان هادي ولا اعزمه برا طلعه وافتح الموضوع وقولي له كل لي باخاطرك الله يسعدك امين |
اجلسي أمام زوجك و أعلميه بتصرفاته
|
الله يعطيكم العافيه عالردود .. بصراحه هذا اللي افكر فيه اني اخلي الامور زي ماهي واشووف .. اليوم العصر جلست معاه وقلت له عطني حبيبي جوالك اشوفه شوي اذا عجبني عشان تجيبلي زيه (( حيله عشان اشوف بيعطيني اياه ولا لا )) طبعا بضحك وسوالف بس رفض يعطيني اياه وجلس يفرجني عليه وهو في يده ويحاول يمر بسرعه على بعض البرامج .. بس بحاول اليوم بعد واذا رفض بالمره يعطيني اياه في يدي بساله اذا فيه شي تخبيه عني ؟؟؟ >> تشوفوا الطريقه هذي مناسبه ؟؟ ارشدووني في تصرفي جزاكم الله كل خير |
السلام عليكم . . . والله يا أختي إن بعض الظن إثم الشيطان يحب يوسوس لك أشياء ما تكون موجودة أصلاً المهم ... ابحثي في البداية عن ماهية العلاقة مع زوجك يعني هل انتي منيحة معه وهو منيح معك؟!؟ هل طبيعة العلاقة بينكم وثيقة ومافي مشاكل أو فتور؟!؟ مرة واحدة نفس حالتك ... اكتشفت في النهاية إنه زوجها منزل عالموبايل لعبة GAME والجوال طول الوقت في إيده ... واستحى يحكي لزوجته إنه يحب هاللعبة . . . أسأل الله العفو والعافية والله المستعان http://www.hawaaworld.com/sites/default/files/s1478.gif |
ماهو جواله؟
|
مووضوعك يشد وفي النهااايه ماعندك سالفه
افعااال زوجك مريبه حسبت يضربك يسرق من الصفاات البذئيه الله يوفقك |
اختي لاتستبعدين...ترى بعض الاصدقاء مايستحون على وجيههم...يرسلون صور ومقاطع فاضحه..ويخلون الواحد غصب ينسحب وراهم...ويدمن مثلهم..يعني اذا الواحد محترم ورايح في حاله يجوون هم يقلبونه 180 درجه مهما كانت اخلاقه ..
اذا جلستي معه قوليله يافلان اذا فيه عندك شي مو زين الله بيكشفك...طال الزمن ولاقصربتنكشف...وان الله يمهل ولايهمل... |
اقتباس:
وهي قالت افعاله مريبه يعني مشكوك فيها وتجيب الريبه..يعني الشك... وهي فعلا تصرفاته تشكك الواحد فيه.. وهذا زوجها.ومن حقها تقطع الشك باليقين..لان اكبر غلط اننا نشوف تصرف يجيب الشك ونسكت لحد مايطيح الراس بالفاس..خصوصا اذا كان من الزوج.. |
| الساعة الآن 09:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©