|
اللهم افرغ علي صبرآآآ
السلام عليكم اخواني واخواتي انا متضايقه من موضوع وحابه اخذ رايكم فيه انا من النوع اللي مااحب اخذحق احد ومااحب احد ياخذ حقي مثلا ام زوجي اذا فيه غرض بالبيت مثل موكيت اومكتبه اوجهاز انا ماابيه تجي هي تقول لزوجي ابي هالغرض على ان حالتها الماديه ممتاااااااازه ابوزوجي ماديا مرتاح ومايبخل عليها بشي مره قلت لزوجي ابي هالغرض للملحق واخذته امه وبستطاعتها تشتري مثله ومره ثانيه قلت يافلان ابي غرض ثاني وراح وعطاه امه بصراحه انا مااحب هالتصرفات وانا فاهمتها تبي تعود زوجي انو اي شي ماتبونه انا اعرف اصرفه واقوله انا قلتلك ابيه قال نسيت قلت طيب المفروض تشاورني قال انا شاريه بفلوسي ومالك دخل من اعطيه ومن انت حتى اشاورك ولاتفكرين اشاورك بهالشي بصراحه انا هالمره مااتحمل اكثر لاني اسكت واعدي شغلات لكن ماتوصل اغراض بيتي هي اللي تصرفها على كيفها من جد انا واصله حدي واللي ردودهم تريقه وتعليقات رجاااء لايرد |
طيب يا عزيزتي ..
إنت هالغرض (ما تبينه أصلا ) .. ما هي المشكلة إنها تفكك منه .. وتصرفه هي ..! حتى لو تبي توصل لزوجك فكرة (أني أعرف أصرف الأغراض )... ترى فكرة إن الواحد يصرف الأغراض مو صعبة أصلا يعني .. وإذا تبين تبينين لزوجك إنك فاهمة بتصريف الأغراض سولفي معاه عن أي شئ ما تبونه قولي له (الجمعية الفلانية ياخذون الأغراض) يا ليتك توديها لهم .. أو (في ناس محتاجين في الحي الفلاني) نبي نوصله لهم أو غيره من التصاريف الي عندك .. >>> عشان يعرف إنك حتى إنت فاهمة ! وإذا رد عليك وقال لك لا أمي تبيه ! قولي الأقربون أولى بالمعروف ... بالعافية عليها .. ما فيه عزيزتي شي يسوى تضيقين صدرك عليه .. موفقة .. |
اقتباس:
نفس الرد لا تضعين أمه في كفة وأنت في كفة ثم تخيرينه ولو بطرق غير مباشرة ... أجبرتيه على أن يرد عليك برد سلبي لانه شعر منك أنكِ متضايقة كون أمه تأخذ الأغراض بينما كنت تستطيعين أن تحتوي زوجك وأمه برجاحة عقلك .. لا أرى هناك مشكلة حقيقية سوى أنه نزغ من الشيطان |
الحل سهل جدا
أعطيها ما تريد و اطلبي من زوجك أن يشتري لك الجديد بعض النساء تبحث عن الأعذار لأزواجهن حتى يغيرو على أنفسهم و أنت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
شدعوه انتي الاغراض اصلا متململة منها وش بيصير لو عطاها لامه
|
طيب ممكن تحطين نفسك مكان امة.. وتجين لبيت ولدك اللى سهرتي وربيتي وكبرتي واخترتي له زوجه وزوجتيه وفيه في بيت ولدك بعض الاغراض اللى مغيرها وعجبك غرض فيه وقلتي ابيه محتاجته فقال لك ولدك ما أقدر يامي زوجتي رافضه او قال روحي شاوري زوجتي .. بالله شنو يكون في خاطرك .... صدقيني كنوز الدنيا ما تسوى ظفر أمي
|
أختي الفاضله قلب القمر لاأرى أي شي يستدعي غضبك :)
فأنتي بالأساس لاتحتاجين هذه الأغراض كما فهمت فمالمانع لو أعطاها والدته أذا كانت تحتاجها؟! |
أختي الفاضله
لا تدخلي بصراع مباشر أو غير مباشر مع زوجك بموضوع تكون أمه طرفاً فيه . أنتِ يهمك أن يكون بيتك مكتمل كما تريدين إذا صرف زوجك غرضاً ما , فهو مطالب بجلب بديلاً له عند الحاجة لا تهتمي أين صرف الغرض ولمن أعطاه , ولكن ما يهمك هو توفير البديل عند طلبه إذا شعر زوجك أنه يستنزف ماله نتيجة تصرفاته , تأكدي أنه سيكون حريصاً أكثر منكِ على التوفير . |
اختي الكريمه الغرض لاتحتاجيها وأنت تريدين أن تأتي بالبديل فالمانع لو أخذته؟؟؟ ولو طلبت ماتريد فهي أمه!!! كما أنت لو طلبت أمك شي من بيتك فماذا ستفعلين؟؟ أختي دعي عنك الأفكار الزائفه واستمتعي بحياتك مع زوجك ولاتجعلي للشيطان طريق لبيتك. . |
اختي شيهانه..الغرض انا ابيه بحطه بمكان ثاني
مثل فرش ابي احطه بالملحق المحلق بلاط بدون فرش تقول لمين تفرشينه قلت لاخواني اذا جوا من السفر بيتي صغير مايكفي قالت حطي فرشه صغيره قلت والباقي اخليه بلاط قالت ايه واخذته الموكيت والاثاث لبيتها وهي باستطاعتها تفرش من اول وجديد وغير كذا الحاجه الثانيه ابيها لغرفتي ببيت اهلي تقول ابيه لبنت اخوي مسكينه الجهاز اللي عندها صغير وابي هذا اكبر!!!!! وانا عديتها لكن اعرفهم اذاالواحد عدى لهم يتمادون .. |
| الساعة الآن 03:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©