اكتشفت ان زوجي يشرب مسكر ..
 

السلام عليكم ورحمة الله وبركاته
انا عمري 23 سنة متزوجة ومعي بنتين وحامل
زوجي يشرب بالدس مايشرب قدامي او يدخل البيت سكران ومرة كل شهر يشرب و اذا بيشرب يقول بطلع المخيم وبنام فيه
وانا كاشفته وساكته ما صارحته اخاف يتجرا ويشرب قدامي وزوجي دايم يعطي وعود وتهب مع مهب الريح يعني حتى قسم ووعود ماينفع وهو يعتقد اني مااعرف انه يشرب
المهم اخو زوجي توفى قبل سنة تقريبا عمره 22 سنة
اصدقا اخو زوجي يوم الخميس عزموا زوجي واخوانه ب استراحتهم
و رجع منهم وكان مرة متضاااااااايق كأنه في يوم يدفن اخوه وكنت انا طالعه وكلمته مرة يبكي وحزين على اخوه وحتى يقول ماادري كيف وصلت البيت مااناظر من البكي
اخذت سواق عمتي ورجعت للبيت وحصلته قاعد يشرب خمر ويبكي
وتركته ماكلمته ولا شيء ودخلت الغرفه وانا وبناتي وقفلت علينا
يوم الجمعه صحى من النوم الساعه سبع المغرب وكان متضايق وحزين ماتكلمنا ولا شيء
وجاء امس يعتذر وقلت له بعد عني ماابي اكلمك ولاتقرب مني بعد بعد بعد < بصراخ
وقال لي شوفي انا يوم شفت اصدقا اخوي كأنه اخوي ميت اليوم ومو ناقصك ابدااااا ولا ناقص طولة لسانك ازعلي وانطقي واذا رضيتي عطيني بنق < البنق رسالة بالجوال >
وامس يطلع ويدخل وجاب عشى وجلس يتعشى هو وبناته ولا كأني موجودة ولا يكلمني ولا يناظرني
كيف اتعامل معه واعطيه درسسس ما عاد يرجع يشرب
اشكركم مقدما وجزاكم الله كل خييييييييييييييير

الله يكون في عونك ويهدي زوجك يارب،،،
حاولي تحتوينه وتعامليه ع انه مريض بدون مايحس،،
هو اكيد لجأ للشرب في وقت كان متضايق،،والحين صار عاده عنده كل ماتضايق قام يشرب،،
وهو اكيد لم يتفاجأ من ردت فعلك انك زعلتي منه انه يشرب ،،
الله يصلحه ويصرفه عن هالشراب يارب

اولا أ سأل العلي العظيم ان يهدي زوجي وزجك ونسأل الله ان يكتب لنا الاجر فانكي على صواب ياحبيبتي فينا تجدينه من التالم والعذاب بسبب وقوع زوجكفي شرب الحمر فهو من اكبر الكبائر انتبهي ياختي لاتهيني زوجك ولاتعايرينه بذنبه وبيني له الحب والشفقه والرحمه وخوفيه من عذاب النار واقرائي له بعض الاحاديث في الخمر وعن شاربها ولكن باسلوب ورحمه كثري من الدعاء له في ظهر الغيب حاولي يااختي ربط زوجك برفقه صالحه لكي ياخذه الى المسجد لان الصديق من اعظم الاسباب في حياته والله احس ان زوجك فيه خير بس يمكن وفة اخوه هي خلاه يرجع للشرب واسال الله العلي القدير ان يصلح زوجك ويحقق امالك

يارب
انا نفسيتي تعبانة منه ومن الحمل وماالي خلق اسايسه ومااقدر اجيه بالقوة والزعل والمشاكل لانه عقب وفاة اخوه وهو ماايتحمل اي صدمة او اي وجع راس
اشكرك الله يوفقك
يارب

امين الله يخلف عليه والله ماعنده اصدقا الا دشير
وفاة اخو اثر عليه بشكل كبير بس اذا طلع بيشرب مايكون وقتها متضايق من وفاة اخوه
يكون طالع عادي كأنه مستعد لمخيم
امين الله يجزاك خير

أعانك الله أختي وكل زوجة أبتلاها الله بزوج يشرب مسكر معانات تمتد لفترات طويلة سوا داخل البيت أو خارجه ولكن ذكرتي انه مايشرب إلا كل شهر او نص شهر مره وهذا يدل انه موب مدمن وفترة علاجة بإذن الله تكون قليلة ولكن يحتاج منكِ جهد ودعاء والتقرب إلى الله عز وجل . أتمنى أحتوا زوجك بحنانك وعطفك لا البعد عنه و اعرضي عليه مقاطع من بعض المشايخ ليعرف ماتسببه هذه المسكرات من ذهاب للعقل ويمكن يضر نفسه او زوجته أو أحد بناته وبكذا راح يندم بوقت ماينفع الندم النفره منه ماينفع بل العكس تقربي له كثيراً وحاولي أن تبعديه عن أصدقاء السوء الذين كانوا سبب في توجه زوجك لهذا التوجه ,, عموما أختي الله يعصم زوجك عن هذا وكل من أبتلاء به واعانك الله

طيب انتي يوم شفتيه يشرب في البيت وجا يعتذر اليوم الثاني مابينتي له انك عارفه من زمان وانك شفتيه يشرب..

ويااختي ...لازم تواجهين زوجك زتصارحينه انك عارفه وتساعدينه يترك الشراب...اذا ماساعدتيه انتي مين بيساعده اصدقاءه يعني...

ابكي عنده بحرقه...يمكن يتاثر ويبعد عن الشرب...واهم اهم اهم شي يبعد عن اصدقاء السوء...حاولي تشغلينه عنهم لاتطلعين من البيت بيني له انك خايفه تجلسين مع بناتك لحالكم في البيت خليه يجلس معاكم او اطلعوا مع بعض تمشوا

صدقيني هو اذا ترك اصدقاءه راح يترك الشرب...لكن طول ماهو يقابلهم انسي ان يتركه...
والحين ضروري تصارحينه.هذا منكر ولازم توقفينه وتنهينه عنه..بالعكس ماراح يتجرا عليك لانه عارف انك ماتبين هالشي.

وسؤال لو سمحتي...هو كيف علاقته في بناته؟؟؟؟عاديه ولا يحبهم مره متعلق فيهم...لو كان متعلق فيهم ممكن يتجاوب معك ويسمع كلامك من اجلهم

اشكرك على النصيحة ابعده عن اصدقاه مرة صعبه هو يوميا يطلع حتى لو مسكته يوم وطلعنا وتمشينا يروح لهم عقب مانرجع واستراحة الي يشرب فيها غير الي يسهر فيها يوميا اكتشفت هالشيء من محادثاته بالمسن
الله يجزاك خير
امين

انا الى الان ماقلت له لا اعرف من قبل وساكتة ولا قلت انصدمت بس من تصرفاتي معه موضحه كأني انصدمت فيه
اخاف اقوله اني عارفه وساكته يزود
ويجلس معنا على طول صعبة واصدقاه مايخلونه اتصالات وينشبون له
يموت في بناته بشكل بجنون وانا يتيمة ومااعرف علاقة الاب ب بنته او هالشعور الا ان احس انه غير الاباء مع بناتهم حتى اقوله اتمنى اكون بنتك
الله يجزاك كل خير يارب