|
سلفتي وأفعالها حسبي الله عليها
بسم الله الرحمن الرحيم
إخواني أخواتي ترددت كتير وانا اكتب لكم بس والله يعلم الله الحاله إللي أنا وصلت لها راح أحاول أختصرموضوعي المؤلم قدر ماأستطيع لي سلفه إللي هي زوجة أخو زوجي ...من ست سنوات أتزوجت أخوزوجي وهي مطلقه وتصير بنت خالة أخو زوجي وليست بنت خالة زوجي لأنو أخوه من أبوه المهم من يوم اتزوجت زوجها هي بمشاكل كبيره وعلى طول مافي تفاهم إلابسيط مع زوجها زوجها الأول والعياذ بالله طلقها بالثلاث بسبب لسانها وبعدها على حسب كلامها أنتحر...ركب سيارتوومشي بسرعه وضرب بنفسه بعامود في أحد الكباري ومات والله أعلم عن صدق هالقصه وطلقها بسبب لسانها وأفعالها الغريبه إللي جننتوفيها المهم كم كان زوجي يتدخل بموضوع الصلح بينها وبين زوجها لأنو أخوه يسمع كلام زوجي المهم خلال هادي السنين كانت سلفتي تتصل على زوجي بحجة طلب المشوره وقت المشاكل وأحياناً لو أتصلت على جوال زوجي مايرد عليها لأنو قرفان منها تتصل على البيت وتطلب زوجي مني وطبعاً ماأعطيها هو بحجة إنو تعبان أونايم وأصلاً زوجي اللي يقولي صرفيها المهم ومع مرور الأيام ...صارت تتصل على زوجي وهو مايرد فترسل له رسايل تقوله رد علي أنا راح أموت قهرمن مشاكل أخوك ...يقوم زوجي يرد عليها وماكنت أدري إنها بدأت تعجب في زوجي وفي أسلوبه ...كتيرماتقولي يابختك ياروعه بزوجك عاقل وطيب وماهو مجنون زي زوجي قلت لها زوجك طيب بس لازم تفهميه وتسمعي كلامو إخواني هي إنسانه لاتصلي نهائي وحتى زوجها أحياناً يصلي واحياناً لأ وكم نصحتها وقلت لوتبغي حياتك تستقيم صلي واقري قرآن وبالذات البقر فأخذها بركه وتركها حسره لكنها تقولي طيب وتنطش والكل يدري إنها ماتصلي تخيلوا مع مرور الأيام والسنين صارت ترسل لزوجي مسجات على جواله مثلاً تهنيه بالعيد وشويه وترسل له رسايل إعجاب بطيبته وأصلو ومعدنه ...طبعاً كلو كذب اتاريها مخبيه خباثه أمس جوال زوجي كان بيدي طبعاً بأمر منه أعطاني هو عادي لأنو اشتري واحد جديد واعطاني القديم لأنو جوالي بدأ يتلاعب معايا تصوروا إيش لقيت بجواله والله صدمت وكان بيتي راح يخرب بسبب هالآدميه اللي ماتخاف الله ..لقيتها راسله له رسائل حب وغزل وكلام ماتقوله إلازوجه لزوجها بكيت وأنهرت وواجهت زوجي قالي والله شتمتها وسبيتها وقلت لأخويا على أفعالها ورسائلها اللي من شهرين ...وزوجها ضربها لكن رجعت ترسل لزوجي وتوصف مدى حبها له وتعلقها فيه وإنو هو ملاك دنيتها وتتمنى القرب منه وإنها تحبه وتكره زوجها المشكله إنو زوجي بيطلعني على كل شئ بس هالرسائل الأخيره ماقالي عنها ولاخبرني فيها ولاحتى مسحها وانا مو من طبعي أفتش بجواله وعلى قوله إنو من يوم ارسلتها أتصل عليها وشتمها بس لما أدخلت شريحتي ودخلت الصندوق الوارد صدمت صدمه ... وقلت لزوجي هادي ماأرسلت لك إلابينكم شئ وإنت مخبي عني قالي لأ والله بس هي بتطاردو من زمان وهو ماهو معطيها وجه وحتى لو أتصلت عشان مشاكلها إللي ماتنتهي بيطنشها ..المشكله عملت حركات حتى من أشقاء زوجها بس سبوها وشتموها هي تتعمد نفس الشئ ترسل لهم أو تتكلم معاهم بمياعه وتتعمد تطلع قدام الكل ببنطلون وبلوزه كاشفه لصدرها وجسمها وتلبس بريز قصيره ولما أحد ينتقدها ترد وماتخاف علين جاء لزوجها السكربسبب الضغوط هو في العشرينات وعندهم بنتين وحده عمرها 5 ووحده سنتان حسبي الله ونعم الوكيل بالله دلوني إيش أعمل علاقتي مع زوجي متوتره ومن أمس بس أبكي وماأكل ومقهوره من هالشئ فأرجوكم لاتبخلوا علي بالرد قلبي محررروق :( |
مستغربه من نقطه
كيف زوجها عرف بهالموظوع وللان جالس معاها؟؟ معقوله فى رجال يعرف زوجتها تغازل اخوها ويكتفى بتوبيخها وخلص؟؟ |
اقتباس:
يقول إنو ورطان لأنو عندو .منها بنتين وكم مره قالوا زوجي إنت ماتخاف إن تكون عند حرمتك بلاوي من وراك ..ومره قالوا قدامي بالجوال إنت ديوث وعلى فكره انا محرمه دخولها لبيتي زوجها يجي لكن هي لأ لأني ماأطيق افعالها القذره الله يكافيها ويصيبها في عمرها يارب |
أخوات زوجك و أمهم يا روعة .. ما عندهم خبر ؟؟؟
كيف ساكتين لها أهل زوجك ؟؟؟ من جد قهرتني .. |
اختي لا اتخربي بيتك عشان وحده بهل مستوي ولا تبكي ولا على بالك زوجك عارفها ومستحيل يتجاوب معها وبالنسبه للرسائل خلي زوجك يمسحها قبل مايقراها
|
خلص حبيبى المهم زوجك ينفر منها وانتى ساعدى فى نفوره منها اكثر واكثر
ولو اتصلت على موبايل زوجك انتى ردى وقوليلها شنو تريدين من زوجى يعنى خليكى قويه ولاتخجلين منها وحلو انك ماتدخليها بيتك وعلى راى زوجك زوجها كانه ... |
اقتباس:
أمهم تصير زوجة أب زوجي وكمان خالتها أخت أمها وهي كمان ماتبغاها كلنا مانرتاح لها وكلنا نسبها لأنها سببت مشاكل كتيره بالعيله ومره وحده من سلايفتي حكتني وقالت شفتي فلانه كانت حتخرب بيت سلفتنا الكبيره قلت كيف قالت تتصل على أخوزوجها الكبير وتتميع بالصوت وكان الأخو فاك الإسبيكر وسمعت زوجتو وصارت مشاكل بس ربك ستر ياقلبي اللي مايصلي ومايخاف من الله يعمل أشياء كتييره |
انتبهي على بيتك وزوجك.. لاتخربين بيتك بيدك.. زوجك ماسوا شي..
ماقالك عشان مايثير غيرتك.. وترك الرسايل عشان يثبت عليها اللي هي سوته .. يعني دليل قوي ضدها.. لو كان متعاطف معاها أو جاملها أو رد عليها أقول معاك حق!!! لكن تتوتر علاقتك بزوجك عشان وحدة تافهه قاعدة تتلصق فيه!!!! حبيبتي..كبيري عقلك.. واحتوي زوجك وأعطيه الثقة.. وبنفس الوقت عشان انتي تثقين زيادة بزوجك ممكن تراقبينه من بعيد لبعيد.. وراح تعرفين انه زوجك برييييييئ.. وأحرصي على قراءة البقرة وأدعي ببركتها.. وأدعي انه ربي يصرف عنك وعن بيتك وذريتك وزوجك شرها وشر كل خلقه.. |
اقتباس:
والله مكذب عليكم ماخليت سجده إلآودعيت عليها وزوجي يقولي الغلطه غلطتي كان من الأول مالي شغل بمشاكلهم ولاكان أعطيتها حلول لحياتها ويقولي كم مره قلت إنتم لو تصلوا لرب العالمين كان ربنا وفقكم ويحلف مية يمين إنو مابينهم شئ وإنو يخاف من الله ويقول معقول أغازل أو أخون أخويا مع هالوسخه وربي حارقه دمي حسبي الله ونعم الوكيل ...اللهم عليك بها فإنها لاتعجزك |
أكثري من قول , اللهم اكفنيها بما شئت أنك انت السميع العليم ,, والزمي سهام الليل ف أنها لاتخطئ بئذن الله .
كما أسئل الله لك الثبات والنصر عاجل غير أجل . |
| الساعة الآن 01:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©