مع او ضد هذه المقولة؟
 

:22:السلام عليكم ورحمة الله وبركاته








كيفكم اخواني واخواتي اتمنى تكونو بأفضل حال

دايما لما كنت صغيرة كنت اسمع لما وحده تشكي من ولدها او وحده تشكي من خطيبها يقولولها بكرة يعقل بعد الزواج
بكرة يتغير بعد الزواج


برأيكم خواتي هل فعلا هالشي صحيح
يعني الي تقول خطيبي بخيل هل فعلا خطيبها بيتغير بعد الزواج
الي زوجها عنيد او عنده اي صفه
هل حسيتو انو فعلا ازواجكم تغير للاحسن بعد الزواج؟
هو مجرد سؤال خطر ببالي وحبيت نتناقش وياريت الاحوة كمان يشرفونا باجوبتهم

اعتقد اللي يتغير بعد الزواج يكون يبي يتغير وعنده استعداد وإرادة للتغيير


عشان جذي تشوفينه من بعد الزواج بشهور ينقلب راسا على عقب


اما اللي يبي يتغير وعاجبه حاله سواء زين والا شين فتحريك الجبل اسهل وأهون

على حسب.. مانقدر نقول دائما يتغير.. ولا نقدر نقول مستحيل يتغير..


لكن عموما الشخص اللي عارف إن في شخصيته طبع سيئ ..

ويلقى قدامه يد تحاول تغيره للتغلب على هالصفة طبيعي يتغير..
خاصة إذا كان هذا الشخص يثق فيه وعزيز على قلبه..


لكن اللي يشوف نفسه هوالصح واللي قدامه غلط!!!
لو تقعدين إلى يوم الدين تغيرين فيه ماراح يتغيير إلا إذا ربي أراد ..

أنا تغيرت بعد الزواج :17:


لكن بصراحة لم يكن عندي استعداد أن أقبل بعيوب على أمل تغييرها فيما بعد .. وقناعتي هي إما أن أقبل العيوب كما هي أو لا أقبلها على الإطلاق.

وأتفق مع موهبة الكويت .. فالإنسان يتغير بقناعته هو وإرادته هو .. أما أن يتغير بناءً على ((طلب أو رغبة)) شخص ما فلا أرى هنا أن التغير حقيقي أو نابع عن قناعة.

إيه بالله إنك صدقتي يا أختي كل شخص فيه صفات غير هاذي الصفتين يمكن يغيرها أو يخفف منها لاكن البخيل لو يصير وش ماصار ماراح يتغير يضل جلده طول عمره وأنا بقول لكم عن سالفة وحده صديقه لي الحرمه طيبه وما شاء الله عليها وتزوجت رجل من طبعه البخل وإذا صرف مبلغ غصب عن إرادته يعني إنجبر يدفع يجلس مريض أسبو ع عقبها تقول لي زوجته والله يا أختي أنا زوجي مايمرض إلا وقت المناسبات وقبل العيد بيومين كل ما نقوله نزلنا السوق ناخذ مقاضي العيد يقول تعبان ومسخن وأحس عظامي مكسره كلها وسبحان الله ماشاء الله عليه إنسان مقتدر وظروفه حلوه وبعد تقول لي زوجي مايحط فلوسه بالبنك مايثق فيه يقول أخاف البنك يصير فيه عجز مالي وياخذون فلوسي ويطير حلالي هههههههه وكأن مافيه غير فلوسه ومخبيها عنده بالبيت و مايطلع كثير من بيته قلت لها الله يعينك عليه بصراحه البخل مشكله كبيره وصفه ذميمه أنا أمقتها بشده من كل الطرفين نساء ورجال
والشخص الكاذب ما أتوقع عمره يتعدل يجلس يكذب ويكذب ويتطور من الكذب الخفيف إلى الكذب الثقيل والمشكله يكذب ويصدق كذبه وحتى الحلف بالله يصير عنده سهل لدرجة كل ماقال كذبه حلف عليها بالله إنها حقيقه وهاذا مؤشر خطير وأنا بصراحه ما أشوف أي شخص يتغير من تلقاء نفسه إلا إذا أراد الله سبحانه وتعالى له بتغير والهداية و يبتلى بمرض أو بلاء في نفسه أو ماله أو أهله أنا أذكر في ديرتنا كان عندنا شخص نعرفه كان مايصلي ولا يركع لله ركعه وكان يستهزئ بالناس الملتزمين والمصلين وقدر الله عليه بمرض أصيب بورم في الأنف من برى كان ظاهر للعيان وتعالج وراح كل مكان مانفع معاه شئ بالعكس كل ماجاء للورم يزيد و ينتشر رجع راح عند شيخ يرقيه وهو نذر على نفسه إن الله عافاه وشفاه من مرضه إنه ما عاد يأذن فرض إلا وهو بالمسجد وسبحان الله عقبها تشافى وتعافى واليوم أسأل إخواني عنه يقولون والله إنه يحضر المسجد قبل الإمام ويجلس يصلي ويقرأ قرآن وعقب الآذان والإقامه يصلي ويرجع يسبح ويقرأ قرآن ومايطلع من المسجد إلا آخر الناس وسبحان الله اليوم سيرته بين الناس سيرة طيبه فأحيانا الإنسان مايتغير إلا إذا حصل له موقف مؤثر أو أبتلي ببلاء وضميره فاق وصحى من غفلته فشئ أ كيد بإذن الله بيتغير نسأل الله العفو والعافيه ونسأله عزوجل بأن يتوفانا ونحن مؤمنين اللهم آمين.

والله انا زوجي اتغير للافضل بعد الزواج مني والحمد لله
كان مو معاه حتي الثانوي والحين معاه الماجستيرويطمح بالدكتوراه
خليته يرجع للدراسه وينجح ويدخل الجامعه وانا افتخر بشي هذا
بس انا ماتغيرت بعد الزواج للافضل لاني مشغوله فيه ونسيت حالي حتي دوامي تركته عشانه