استفسار بخصوص ماء الورد
 

مساء الورد
شخباركم جميعا

انا عندي حساسيه وغالبا هي بخدودي من تحت
وشريت ماء ورد يمدحونه للبشره لكن اخاف انه يضرني وانا ما اقدر اروح مستشفئ
في مسشفى خاص يمدحونه اظن اسمه الحبيب وهي دكتوره لكن امكانياتي ما تسمح لي
ياليت تقولون تجاربكم او اذا قد سمعتو انه مو زين معه هذا هو شريته ب 18 ريال من محل عطار اسفه ما اعرف اصغر الصوره

http://store1.up-00.com/Mar11/7P716285.jpg

و احلى شي لما نخليه مثلج و تمرريه على بشرتك


قدامك العافيه باذن الله 3>

ماعندي فكرة والله عن دي العلبه بس انا استخدم التاني الي علبتو قزاز خضرا تلقيه في اي مكان واعتقد حتا ارخص وممتاز حطي معاه نشا روعه للبشرة

ماء الورد رائع يشد ويسد المسام وخاصة مع قناع النشأ
ولكن اللي اعرفه انه مايصلح للبشرة المتهيجه

وللاسف كثير يستخدموه بعد ازالة الشعر مباشره وهذا خطأ
بالنسبه لي استخدمه بكل وقت ماعدا عند ازالة البشرة استخدم النشأ مع ماء بارد وثاني يوم ممكن استخدم ماء الورد

بالنسبه لك انصحك تستخدمي كريم اليكوم ممتاز لحساسية البشرة
ودائما رطبي بشرتك بزيت اللوز وزيت السمسم

عالجي الحساسيه اولا ولما تهدا بشرتك استخدمي ماء الورد

طيب ماتقدري تروحي عند دكتورة بشره
لكن صراحه مافي احسن من الدكاتره الرجال
ومااعتقد فيها شي ان شاء الله لو كشفتي وجهك يعني انتي بتكشفيه للضروره والعلاج ومو هدفك شي ثاني

ماء الورد المقطر انا استخدمه ومررره حلوو وسعره 15 ريال

بس بالنسبه لك بحكم انو في بشرتك حبوب لازم ياقلبي تروحي عند دكتورة احسن لك علشان تصرف لك ادويه تجيب نتيجه بإذن الله
واذا انصرف الدوا يبغالك تنتظمي عليه مو يوم ويوم لا لين يجي يوم مراجعتك والدكتورة تقرر

انصحك تروحي عند دكتورة بشره وتنتظمي على ادويتها

وماء الورد المقطر انصحك تستخدميه مافيه اي اضرار بالعكس حلو للبشرة خصوصا بالصباح

واختلف مع الاخت رواء الايمان يوم قالت

المشاغل لما يجوو يشلو لنا بالحلاوه تعطينا خلطه وتقول ادخلي الحمام( اكرم الله القاريء) وتخلينا نمسح بها جسمنا من إلى لين تجف وبعدين نغسل بالمويه العادية

المهم سألتهم ايش هذا قالت موية ورد + نشا ومعروف النشا وفوائده خصوصا للبشرة