|
رجاء لكل ام وكل اب
بسم الله الرحمن الرحيم
وبعد ....... ....كم منا سأله ابنه : ( ايش كنتم تلعبوا وانتم صغار ؟) , اخواني اتمنى منكم التجاوب معي في كتابة ما تعرفون او تتذكرون من الالعاب القديمه مثل ( الحبل, والمصاقيل, ودبق البنات ) وغيرها الكثير , فقد قررت ان اجمع هذه الالعاب في كتاب بإذن الله , واطبعه على حسابي الخاص , ليكون لنا ولأبنائنا ذكرى جميله اسعدتنا في الصغر . والتي كنا نلعبها لساعات دون ملل ودون ان نشتاق الى التلفاز , والى كل ما شغل ابناؤنا اليوم دون فائدة تذكر . ولتعاونكم معي اشد الأثر على هذا المشروع , فأرجو التجاوب وسيكون عنوان هذا الموضوع بحسب اقتراحاتكم . (جميع الأحباب من اهل الكويت والامارات والسعوديه ) بالذات لا تنسون الألعاب والأغاني الحلوه ان تتحفونا فيها . أختــــــــــــــــكم ملك |
حلوه الفكره والله
انتظر الأعضاء يساهموا معانا ولي عوده يثبت |
شكرا على التفاعل الكبير مع الموضوع وقد اسعدتني ردودكم وتجاوبكم!!!!!!!!!!!!!!!
|
كنا بالحاره واه على الحاره والايام الحلوه التي نقضيها كنا لاندخل البيت الاوالجوع والتعب هلكنا ثم ناكل وننام طفوله حره
ليس مثل اطفالنا امام البلاي ستيشن ثم يغلقونه ويفتحو التلفاز وهكذا والله ارحمهم احس انهم لايفرغون طاقتهم عفوا نسيت طلبك اختي الاولاد البراجون وحنا الدبق وشكلك عارفتها والحبله شبره امره شمس نجوم وسلمى ياسلمى ونجمع البلاستيك وندقه بالحصى ونصنع منه ملابس ياحبيل ذيك الحاره اه بس اه على ايام الصبا بدون هموم ولاغموم ياختي عيشتني بحلم ابروح انام |
شكرا اختي ريتال وشكرا اختي دبدوبه بس نبغا تكتبون الاغاني القديمه وطريقة لعبها لاني نسيت الكثير منها .
وتفاعل الرجاء الله يعافيكم. وتفاعل الرجاء الله يعافيكم. وتفاعل الرجاء الله يعافيكم. |
اختي ريتال لا تفاعل من احد لذا فضلا لا امرا لا اجد داعي في تثبيته .
اختي ريتال شكرا والف شكرا على تعاونك وخلقك الرائع |
هلا اختي ملك
احب اشارك معك حبيبتي بما تسعفني به الذاكره الان من بعض غناوينا الشعبيه اللي كنا نقولها زمان اذاجا المطر كنا نقول طاح المطر على الطين الله يسلم فلسطين فلسطين بــــــــــــــلادنا واليهود أعدائنــــا ----------------------------------------------------------------- وهذي مشهووووووووووووره عند اهل المدينه زماااااااااااان وتسمى " الشعبنه " كانو الصغار يخرجون في شعبان ويدورون على البيوت ويقولون : " سيدي شاهر .. يا شربيك " " اما مشبك ولا فشار ولا نكسر باب الدار " واذا عطتهم راعية البيت اللي يبغون "مشبك او فشار" يقولون لها : " قاروره يا قاروره .. ست البيت أموره " أو " بندوره يا بندوره ست البيت غندوره " واذا ما عطتهم .......ياويلها ويلاه يقولون لها : " كبريته يا كبريته ست البيت عفريته " ---------------------------------------------------------------------- وهذي لعبه ايضا كنا نلعبها مع البنات ونصفق ليدينا ببعض ونقول :cool: انا وياك يابسمه تحت الشجره جلسنا جانا الشرطي وحبسنا كله منك يابسمه بسمه اليوم زعلانه تبغى قطعة تفاحه والتفاحه في الثلاجه والثلاجه مقفوله والمفتاح عند الحداد والحداد يبغى فلوس والفلوس عند العروس والعروس تبغى ولد والولد يبغى حليب والحليب عند البقر والبقر يبغى حشيش والحشيش فوق الجبل والجبل يبغى مطر يامطره حطي حطي على قريعة بنت اختي بنت اختي جابت ولد سمته عبد الصمد ركبته في المشايه والمشايه مكسوره قطعت راس الليمونه ---------------------------------------------------- هذا ماتذكره الان عزيزتي ولي عوده عندما اذكر شئ جديد :d -------------------------------------------------------------------------------- |
ام حماده اسعدك ربي بجنة النعيم ..
الف شكرا اختي الغاليه والله فقدة الامل في ان يشاركني فيه احد ...... قد كتبتي لي اشياء رائعه ربما كوني من نجد لم اعرفها من قبل ولكنها بغايت الجمال والروعه ووالله ان اكتمل الكتاب ووصل الى حدود 60 صفحه كما طلب دار الطبع ستجدين اسمك على هذا الكتاب بعد ان تشاركيني في اختيار الاسم.............ز اسعدك الله كما اسعدتي .... يا رب |
اهلا عزيزتي ملك
شكرا عزيزتي ملك على دعواتك الرائعه واتمنى من الله يوفقك وبصراحه انت اللي خدمتيني لانك اعدت ذاكرتي الى تلك الايام الجميله0 وعلى فكره انا ايضا من نجد عزيزتي وهذه الالعاب اعرفها من بنات الحاره زمان وانا رجعت علشان اضيف بعض الاشياء اللي تذكرتها واتمنى تفيدك ---------------------------------------------------- كنا نصف دائره وواحد في الوسط يقول علي عليوووة ,, يالله ضرب الزميرة ,, يالله ضاربها حربي نطتت في قلبي قلبي الرصاص أحمد رقاص يرقص على مين يرقص على شاهين شاهين ما مات خلف بنات خلفهم تسعة وأخويا فيهم ,, واللي حوليه يعني الدائره كل ماقال اللي في الوسط جمله يقولون يالله واذا خلصت الانشوده يعدد اللي في الوسط من واحد الى عشره واللي تجي عليه العشره يدخل في الوسط ويبدا ينشد000الخ ----------------------------------------------------------------- وهذي انشوده كنا نغنيها كذا بس مدري ليش يامرت أبوي يامرت ابوي ولي وليتي خذاك ابوي خذاك ابوي ما تهنيتي وش هالشحم وش هالشحم ميع اكبيدي ياحليلك يالابو خذيت مرت ابو وراء الباب جني يرقص ويغني ممشط اقرونه ومكحل اعيونه- ---------------------------------------------------------------------- وهذي اغنيه كانت تغنيهاجدتي لنا زمان بنتي ماحلاها شعرها من وراها خطبها السديري وابوها ماعطاها ------------------------------------------------------------------ واسفه على الاطاله :cool: |
طاق طاق طاقيه شباكين بعليه رن رن يا جرس حول واركب على الفرس والدبه وقعت بالبير صاحبها واحد شفير .......
اجا العيد وبنعيد وبنذبح بقره اسعيد واسعيد مالو بقره بنذبح بنتو الشقرا والشقرا مافيها دم بنذبح بنتو بنت العم تحياتي |
| الساعة الآن 02:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©