|
طرائف وغرائب الأطفال
طالبة في الصف الأول ابتدائي نزلوها للمديرة واستدعوا أمها !!! تدرون ليش ؟
الطالبة في الصف الأول وتقول للطالبات انا معجبة بسواق الباص قالو الطالبات ليش قالت لأنه إذا ركبنا الباص في الطليعة يوقف السائق جنب الباص ويلبس نضارة سوداء ويشرب دخان (ما شاء الله أعجبت فيه لأنه يشرب دخان ويلبس نضارة سوداء ونعم التربية مع ان فيها براءة الطفولة ) القصة الثانية عمل استفتاء لطالبات المرحلة الابتدائية عن أمنياتهم وحدة تقول أصير دكتورة وواحدة تقول معلمة فكل طفلة تتخيل أمنيتها وتعبر للاستفتاء لكن وحده منهم شوفو ايش أمنيتها؟ تقول أتنمى اذا كبرت اشتري قهوة (تقصد مقهى ) واجلس على كرسي واشرب شيشة وينادوني الناس يامعلمة (تأثرت بالأفلام المصرية ونعم المراقبة من الأم والأب ) هذه الأفكار من الأطفال وهي اقرب للطرفة سوف تتلاش مع الزمن لوجود براءة الطفولة وحسن النية لكن إذا كبرت معها تلك والله المصيبة . عموماً تربية الأطفال لابد ان تكون هناك خطوط حمراء ما يتجاوزها الطفل؟ منها مايترك له الحرية في مشاهدة القنوات الفضائية . ما يترك للبنت الحرية في مجالسة الرجال او مخالطة الأولاد وخصوصًا عند المناسبات العامة ان كان ترين ابنك او بنتك تربيتهم تربية صحيحة فهناك أطفال لم يربو ولم يوجهون فممكن مخالطتهم نصف ساعة يغيرو سلوك الطفل ويهدمو تعليم سنين فكم من فتاة تشكي غلطة وقعت مع طفل في غفلة من اهلها فهي تعض أصابع الندم كلما تذكرت تلك الخلوة مع ذاك الطفل وكم وكم من قصص وأحداث وقعت للأطفال يندي لها الجبين . لا يترك الطفل ان يذهب للبقالة وحده وخصوصً البنت يقول احد القضاة في الرياض أكثر القضايا عندنا في المحكمة اعتداء عامل البقالة على الأطفال فأطفالكم أمانة في أعناقكم فلا تهملوهم او تضيعوا الأمانة اسأل الله ان ينفع به . |
القسم المناسب ..
الاشراف ؛ |
اقتباس:
الله على الأطفال وبراءتهم بس تصدق يا ابو ريان هذي الطفله طموحها زين ومقبول بالنسبة للي بكتبه لك لي صديق مدرس يدرس في قرى خط الساحل وتحديداً في قرى مدينة الليث يقول في مره قاعد يسأل الطلاب وش طموح وانت وش طموحك واحد من الطلاب قال طموحي اصير مهرب خليها ياعمي تقعد وينادونها يامعلمه وتفل امها بعد :d |
انا القصه اللي بقولها عن بنت اختي بصف ثاني ابتدائي القصه كانت الاسبوع اللي راح بنت اختي جت عند امها بعد ما رجعت من المدرسه قالت لامها ماما ايش يعني ( جنس) عذرا لكم بس هذا اللي صار قالت لها امها من قالك هذي الكلمه قالت فيه وحده معنا في الفصل قالت لي انتي ما جربتي الجنس قالت ماما علميني اش يعني جنس يعني جن وانس اختي ما عرفت اش ترد عليها وقالت بروح مدرستها واشوف اش الموضوع انتم اش رايكم اش ترد على بنتها؟ |
اختي كنت انثى ضروري الام تروح المدرسة تشوف وش الي صاير لاحول ولاقوة الابالله هالوقت صار ينخاف منه:(
انا والله بنتي في ثالث ابتدائي صديقتها بتزن عليها انة تجيب لها "اوتجراف" عشان تكتب لها فية قلت لها توك يابنتي على وجع القلب :29: وشرت الاوتجراف كنت مفكرة انة راح تكتب لها فية كلمات طفولية اورسومات الاقي البنت جالسة تتغزل وكاتبة مسج غزلي من الطراز الرفيع والعيار الثقيل >>>> فكرت ارسلة لزوجي :17: طبعا بنتي ماتدري وش السالفة عقلها طفولي مايستوعب كذا وجات تبغاني اشرح لها كلام صديقتها:24: انا طبعا جلست كم دقايق فاصلة نهائيا عن الواقع وافكر بطفولتنا ياحلاتنا ماندري لاعن مشاعر ولارومانصيات :25:ولااتوجرافات الالماكبرنا شوي ومانكتب فية الاالجملة الدارجة "اتمنى لك النجاح وانتي تاكلين التفاح":d:d خلاصة القووول انة يبغى لنا رقابة مكثفة لااطفالنا لانة كل هالتقدم الي صاير بدء يشوة معالم الطفولة:15: وممكن يجرهم لااشياء ماتحمد عقباها لذلك ينبغي الحرص :30:وربنا يحفظ اولادنا واولادكم |
اشكر تفضلكم بالرد على الموضوع
اشكر مشاركاتكم النيرة اسأل الله لي ولكم صلاح النية والذرية |
فعلا هالزمن غييير وينخااف على الاطفاال مرررره
الاسبوع الي راح كانت عندي حصه انتظار عند سادس المهم سولفت مع البنات شوي الا وحده تقول استاذه انا معجبه فيك@@ <<وانا بيني وبين نفسي اقول من متى توني اجي المدرسه اليوم:) وجلست اتناقش معهم في هالامر وانو مافيه اعجاب فيه حب في الله ووو ... واكتشفت اموور كثيره الي تسمع اغاني وتتابع بعد المغني الفلاني ؟؟والي تشوف افلام يابانيه مدري كوريه @@ <<<الله يذكر طفولتي بالخير حدي كنت اتابع زورو وكان فارس احلامي هههههههه |
انفاس العطور
اشكر تفضلك بالرد على الموضوع اشكر مشاركاتك المفيدة اسأل الله لي ولك صلاح النية والذرية |
| الساعة الآن 09:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©