|
استفسار عن الهجران
السلام عليكم
مساء الخير انا هاجر (مطنش)خطيبتي لي ثلاث ايام تقريبا لعدة اسباب : قليلة الكلام .. احس بالابتعاد عنها يعني لا تهتم فيني .. مملكين لنا 7 اشهر ولا عمرها حسستني بانوثتها تقول (ولد ) مو (بنت) ما تستغل الفرص وتهتم فيني .. الان هجرتها وتوها تحس فيني ترسل وتهتم اكثر يوم اني هجرتها .. هل هجرها يصلح لها او يؤدبها .. او فيه طريقة مثاليه اخرى ... صارحتها بكل شي لكن لا فائده عمري 26 وعمرها 18 |
خير الامور اوسطها
لا ترخي الحبل كل الرخي فيسقط من يديك ولا تشده كل الشد فينقطع وخير الكلام ما قل ودل |
دامها عرفت ان القصور منها و صارت تهتم و تسأل
لا تصد عنها و لكن خليك معتدل معها يعني لا تكثر اتصال و لا تقطعها و الله يوفقكم و يتمم بخير .. |
بصراحه هي ضغيره ويبغالك تعلمها وتفهمها بطريقه غير مباشره وبعدين هي في سن المراهقه المتأخره يعني استحملها شوي
ومشاء الله انت اكبر منها بكثييييييير واعقل فلازم تراعي شعورها وحتى لو ما حسستك بأنوثتها اي حاجه يجرح البنت حتى لو زي ما تقوول ولد مو بنت (لاتشبهها حراااام تكسر بخاطرها) وصدقني مع الووقت رااح تتغير معليش اذا طولت او اذيتكم بكلامي لكن والله البنت تتغير او ما نتخطب تصير حساسه وتبغى اهتماام اكثر وتستحي واكثر شي عندها العفويه وصدقني حركاتها وكلامها كلوا عفوي او انها تستحي لكن ما تبين لك حسسها بأهتمااامك في الفتره هذي محتاجه اهتماام اكثر وشكرا |
ألف مبروك الملكة وأسأل الله أن يتمم لكم بخير
والحمد لله فرق العمر لصالحكم الاثنين لأنك لو بعمرها كان تطاقيتوا ههههههههه بس كويس واحد فيكم أكبر من الثاني عشان يتحمله ويعلمه. ببساطه إذا حاب تعرف كيف تتصرف معها تخيل نفسك يوم عمرك 18 وش يجيبك ووش يوديك وتعامل معها على هالأساس اللي بينكم مرحلة اسمها ركادة العقل وهي في سن الـ22 تقريباً وأنت متعديها وهي ما وصلت لها وهي طبياً مرحلة اكتمال خلايا المخ فتستقر النفسية ويبتعد الأنسان ذكر كان أو أنثى عن حركات المراهقه. والخطير في الموضوع إن كان هذا التصرف ليس منها بل إملاء من أكبر منها خرج من تجربة فاشلة ويملي عليها ردات فعل حادة لتجربته السابقة الفاشلة من أقصى النقيض إلى أقصى النقيض. بالعامية (خلك مثلها بالتفكير في هالمرحلة) وقلها صراحة أعجبتني اللعبه هذي معك تهجرين أهجر تقبلين أقبل إلين نتزوج وش رايك بالحل؟ |
اهلا اخي.زي مقلت انت اكبر منها شوي وهيا لسه في سن حرج 18 سنة يعني لازم تكون منك انت مبادرة وتقربها منك لو كنت بتحبها راح تتحملها.يمكن تكون البنت بتتخجل منك او شئ ما تحكم عليها وحاول معاها بلطف ورقة وكلام حلو في نوع من الحب والغزل كلام الي يحرك مشاعرها تجاهك ويخليها اصبع في ايدك.ده لو كانت بتبادلك نفس الشعور بس بتخجل منك.اذا كان العكس لازم تصارحك بكل شئ وكمان تحكي معاها ليه بتعامل هيك.
|
| الساعة الآن 09:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©