|
رأيكم في مدارس الانترناشيونال
السلام عليكم ورحمة الله بركاته
انا حابه ادخل ولدي مدرسه انترناشيونال بس حابه اعرف: كيف امور الدراسه ؟ هل مناهجهم صعبه ؟ وكيف العربي والقرآن فيها ؟ لا تحرموني من مساعداتكم لي لاني بجد محتاره وياريت تدلوني علي مدارس كويسه |
اهلين عزيزيتي انتي ما قلتي عمر ابنك او بأي صف ما عندي اي خلفيه عن مناهج التعليم للمدرسه بس طبعا كل هذه المعلومات لك الحق بالسؤال عنها في المدرسه نفسها اتصلي فيهم و اطلبي موعد مع المديره او شخص له علم بالمناهج و نظام المدرسه بعض الأسئله اللي ممكن تسأليها: * ماهي المواد الذي سيدرسها في صفه * كيف طريقة التعليم و الشرح للطلاب * كيف تعليمهم من ناحية اللغه العربيه و الدين الإسلامي * كيف يكون دورهم لو مستوى الطفل ضعيف شوي (بعض المدارس يعطوا دروس خصوصيه للطلاب اللي مستواهم ضعيف شوي و استيعابهم للشرح بيكون بطرق تناسبهم) * كيف اوقات الأختبارات و الإجازات للمدرسه * كيف نظام الأكل في المدرسه (بعض المدارس يوفروا اكل صحي للطلاب و البعض يطلبو منهم ان يجيبوا اكلهم معاهم) هل عندهم نضام باصات التوصيل و لا يكون شخصي و اسئله مثل كده و انتي زيدي اذا عندك اكثر موفقه ان شاء الله |
مدارس رائعه عندنا بسعوديه فيها حصص للدين واللغه العربيه لكن للاسف ماعندي بنفس المدينه الي انا فيها
|
اقتباس:
مشكوره علي مشاركاتك بس انا كان ودي تقولي لي رأيك في اني اعلم ابني الانجليزي وهل حيفيده في المستقبل اقتباس:
المدارس في منطقتي كثيره جدا بس محتاره في المناهج هل هي صعبه وهل سيستفيد صغيري ام لا اشكر لك مشاركتك |
عزيزتي اتوكلي علي الله ودخليه انترناشونال
وصدقيني حيستفيد اقلها لغه انجليزيه تنفعه اذا كبر اما المدارس العاديه فمناهجهم لاتودي ولاتجيب غير حشوا وفي الاجازه تتبخر كل المعلومات بالتوفيق ان شاء الله |
المهم انك تتفرغي لطفلك حتى يستفاد
و تعرفي انه المدرسه لوحدها ما تعمل شي لازم متابعه مع ابنك و مع المدرس و تركزي تكون المدرسه توجهها ديني و تشوفي المدير و المدرسين او امديره و المدرسات و الجو العام للمدرسه زوريها مره و اثنين و شوفي الاهل المسجلين اولادهم بلمدرسه و اوضاعهم و مدى جديتهم و التزامهم الاخلاقي و الديني الله يسهل لكم اموركم اهم شي تستحضري النيه من اتقان ابنك للدراسه بلغه اجنبيه و جعليها خالصه لله و من ثم مصلحته و تبتعدي عن انها تكون من اجل المظاهر امام الناس |
اقتباس:
طبعا عزيزتي راح يفيده لا شك في ذلك اذا من الحين بدأ فراح يتقنها بجداره ان شاء الله و راح تنفعه كثير خاصة في مجال العمل او لما يكبر ان شاء الله و حاب يكمل دراسته بره فراح يقتصر على نفسه مجهود تعلمها انا لما كنت صغيره دخولني اهلي حضانه تعلم انجليزي و ما كنت اطيق الماده هذه ابدا و اذكر اني كنت اقول لأمي ايش فايدته محد يتكلم انجليزي حرام عليكم هذه ماهي لغه :d و الحين ما شاء الله اتكلمها بطلاقه لا و سهلتلي اتعلم لغات ثانيه كمان. الحين اتكلم 3 لغات ثانيه الى جانب العربيه و الإنجليزيه فصارو 5 لغات الحمدلله :) |
اقتباس:
[COLOR="rgb(75, 0, 130)"] مشكوره عزيزتي علي تنبيهك لي في مسألة النيه لله سبحانه وتعالي والمدارس في جده تحرص علي انه يتعلم القرآن واللغه العربيه بجانب الانجليزيه الله يجزاك خير [/COLOR] اقتباس:
ماشاء الله لاقوة الابالله ايش رايك تعطيني دروس خصوصيه:d كلامك شجعني اني اتوكل علي الله لاني بصراحه صليت استخاره وحاسه اني متفائله خير في مدارس الانترناشيونال الف الف شكر علي عودتك لموضوعي الذي عاد لي بالفائده |
اقتباس:
الله يوفقك عزيزتي وسامحيني توي انتبهت اني مارديت علي مشاركتك وكلامك صحيح في مسأله المدارس في الوطن العربي عامة كله حشو جزاك الله خيرا |
مثل ماقالو اغلب الاعضاء ان هالمدارس بتقوي لغته الانجليزيه
ممكن الحياة الاجتماعيه هناك هي اللي بتضر طفك لأن صاحبتي جدا زعلانه من أهلها أنهم دخلوها مدارس انترناشونال لأنهاا ماكونت صداقات من بنات نفس بيئتها وافكارها وشوي ممكن تأثر هالمدارس بالمعتقدات كون اغلب المدرسات اجانب |
| الساعة الآن 07:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©