زوجي والتدخين
 

بسم الله الرحمن الرحيم

السلام عليكم ورحمة الله وبركاته

الصراحه اعجبني المنتدى بأقسامه ومساعدة اعضائه والمستشارين لصاحب المشكله ..
فحبيت اطرح مشكلتي بعد تفكير طويل لعلكم تساعدوني فيها ..

مثل ما قرأتوا الموضوع زوجي مدخن وللأسف ...

الحمدلله انا مبسوطه معه واخلاقه عاليه جدا .. متفهم وحكيم وعاقل .. لكن فيه هالمشكله الوحيده اللي هي التدخين
الله يفكه منها عاجل من غير شر ..

في اول زواجنا قالي انه وده يترك التدخين ويتمنى اني اساعده في هالشي .. وكان يدخن من كان عمره تقريبا 20 سنه وألحين عمره 33 سنه ..

فأول خطوه بديتها معه أنه ينتقل لأخف نوع من انواع السجاير وفعلا اخذ اخف نوع وترك حبه وحده في اليوم لكن اتوقع الان انه رجع ..

لكني الحين سبحان الله فيني هيبه عظيمه اني اكلمه مره ثانيه في الموضوع .. مع انه حبيب ولا يعصب
إذا كلمته ..
بس ما ادري ليش فيني خوف من الكلام في الموضوع..

فياليت تساعدوني بأرآكم وتجاربكم ..

ولكم مني جزيل الشكر..

والسلام عليكم ورحمة الله وبركاته

ابحثي عن الاسباب التي سببت رجوعه للتدخين بكثره
فهو لم ينقطع على حسب ماكتبت وانما اقل من التدخين ثم عاد


تكلمي معه بإسلوب حسن
وانصحك بشراء كتاب موجود لدى مكتبات جرير
( الطريقه الاسهل للإقلاع عن التدخين )

كثير من اقاربي اقلعوا عن التدخين بعد قرائته


ومن الواجب عليك الصبر والتحمل والاحتواء
فالمقلعين عن التدخين يصابون بحالات عصبيه وتوتر
عليك فهم هذا ومساعدة زوجك


وفقك الله

في علاج للتدخين في مراكز مكافحة التدخين ..

زميلي ترك التدخين بفضل الله ثم المركز ..

مدة العلاج اللي قضاها زميلي اسبوع واحد كل يوم ساعة وحده ..

والحمدلله الحين يكره الدخان ..

انصحيه يروح المركز ..

هلا اختي..
بحكم تجربة مريت فيها مع فرد من عائلتي ..
لما طرحت علية فكرة التدخين والتوقف قال تعودت علية ..
وماقدر
طبعا بديت معاه بحل وهو السبب بعد الله بتركة ..
كنت اتعمد دوما ارسال اي شي جديد من مخاطر التدخين والامراض والصورعلى ايميلة ..
مو يوميا لكن اسبوعيا..
وطبعا المنتديات والمواقع الاجنبية ماخلت شي ..
لما شاف الوضع بدا يكرة السيجارة شوي شوي ..
وكل مافكر فيها ودخن يسترجع الصور والقصص والحكايات المولمة فيطفيها
لين ربي تاب علية وعسى ربي يديم علية ولايحرمة من صحتة وعافيتة وقوتة ..
ويثبتة ربي .. ويسعدة .. من حبي لة ناضلت عشان يتركة لخوفي الكبير علية ...
ويمكن مرحلة تعب الوالد ووفاتة كانت اكبر مؤثر لكرهي للتدخين الله يسكنة الجنة ويرحم ترابة ويغفر لة ..
جربي وماتكلفك شي غير فائدة واستفادة من هالتدخين ...وتعلمية باضرارة دون توجية الكلام لة ابددا
مثلة مثل اي ايميل ترسلية عاااااااام
...
احساس ..

لايوجد شي اسمه دخان خفيف أو ثقيل كله واحد نشارة خشب تستقبلها الرئة وينتشر النيكوتين في الدم
ولأني كنت مدخن ولااهتم لاأحد حينما وقت اشعالها وهو في منطقتي يعد كالمخدرات
أظن عليك محاولات متكررة وجهاد معه حتى يترك التدخين

ايضا 50% سبب تركه أنها كانت ترسل لي ابنائي ويقولون لي يابابا متى تترك الدخان

أشكركم جميعا على الرد ومساعدتي ..
أسأل الله لكم التوفيق ..

أخي الطيب بإذن الله اشتري الكتاب واهديها له..
وزوجي كان فعلا يدخن وبشراهه لكن خفف عن اول وهو مستحيل يدخن قدامي او قدام بناته ..
وماعليه اصبر بس هو يترك التدخين ..

أخي الحيران ليتك تعطيين اسم المركز او رقمه .. ولك جزيل الشكر ..

أختي احساس عمري..
ماينفع معه هالأسلوب لأنه قال لي مره انا ما ابي نشرات او نصايح انه يسبب سرطان للرئه
وخطر على الجيم ومن هالكلام ابس أسلوب ثاني ..>> ما ادري وش يبي الله يصلحه ويكرهه في التدخين من غير شر..

اقهرتني الدنيا..هذا وباء انتشر الله يكفينا شر ليتهم يمنعونه بس من المحلات ..

متزوج2 ماشاء الله على زوجتك عرفت كيف تقنعك ..
لكن عندي بنتين بس الكبيره ام 11 سنه والصغيره توه 11 شهر .. مايتحمل ان بنته تتكلم في هالموضوع او بمعنى ادق
مايتقبل منها ..

اختي دانة المغرب.
أنا قررت اكلمه إذا بغى يقوم من عندي ويدخن برى ..
واسوي اللي قلتي لي عليه ..

دعواتكم لي اخواني واخواتي..

أسأل الله لكم التوفيق في الدنيا والآخره ..

لماذا لايذهب الى عيادات وجمعيات مكافحة التدخين
انا واعوذبالله من كلمة انا ذهبت اليها حب استطلاع من بعد ماتركت التدخين وشاهدت كيف شباب وكبار عليهم اقبال فكل بدأ يترك هذا الوباء

أخوي متزوج 2
هو قد راح للعيادات من قبل واقلع عن التدخين لكن جته ضغوط ومشاكل من زوجته الأولى فرجع لها ..

الله يقدرني عليه واقنعه يروح مره ثانيه للمركز..