|
زوجات زوجي ظالمات
السلام عليكم
ذكرت لكم فيما قبل اني زوجه لزوج معدد واعيش بديرة زوجي واهله وزوجاته التي تبعد عن اهلي ساعات مشكلتي الآن أبطرحها عليكم وأبغاكم تقولون لي هل هذا طبيعي ويصير بكل العوائل أم أنني منبوذه من أهل زوجي وهذا لاغبار عليه :d أم فيه أسباب أخرى بتستنتجونها ممايلي: انا اسكن بجنب زوجات زوجي بس كل وحده فينا بيت لوحدها مستقل عن الآخرى زوجي يسافر كل شهر او شهر ونصف ويجلس 10 أيام زوجاته الثنتين عندهن اطفال الاولى منهم المتزوجين والثانيه منهم اللي يدرس وانا بدون اطفال إذا سافر زوجي ماياخذني عشانهن يغارن ولما يسافر ويتركني عشانهن انا اجلس ببيتي لحالي مقابله الشغاله وهن يروحن بعيالهن لمخيمنا ويستلمون السواق عندهن وكل يوم يجتمعون ويفلونها بالمخيم وقايلين لزوجي لا نشوف زوجتك تبي تطلع تطلع معك بيومها بس معنا لا وهو سامع كلامهن وهن متحكمات فيني وفيه لاهن متقبلاتني واصير اروح انبسط معهن ع الاقل يعتبروني بنت من بناتهن ولا هن مخلياتني اسافر مع زوجي حسبي الله ونعم الوكيل فيهن بالله ردوا انا وش اسوي احس من الوحده اكتئبت وان جيت بطلع السواق معهن حسسسسبي الله ونعم الوكيل فيهن.. |
اطلبي من زوجك سواق خاص فيك 00
اما زوجاته فما لك شغل فيهم 00 والافضل لك أن لا تكون هناك علاقه بهن - والله اريح لك |
حبيبتي اشتغلي علي زوجك ... لو قدرتي بشطارتك تكسبين قلبه راح يسوي لج اللي تبينه ... لا تنسين انج انتي الصغيرة و المدللة بينهم
خليه يحبج لدرجه ان ما يقدر فراقج و يوديج معاه في السفرات نصيحة صغيرة من اخت: حاولي تحملي باقرب وقت لان شكلهم مسوين عصابة ضدج و انتي تحتاجين سند في المستقبل الله يهدي النفوس |
خلاص يااختي اطلبي من زوجك يفسحك لوحدك
ماعليك منهن اهم شي زوجك يتقي الله فيك وفيهن |
انتي اذا كنتي بعمر بناته من الاولى حاولي انج تقربين منهم
ولازم يصير لج نشاط غير ريلج يعني هو يوم عندج ويومين لا فحرام يروح عمرج هدر وتعيشين تحت رحمته وبعد تقتدرين تتعرفين على رفيجات وروحي طلعي معاهم وفليها او انتي روحي المخيم اللي هم يروحونه من غير لا يدرون واستانسي مع الجماعة اللي هناك من غير لا تكلمينهم او تقتربين منهم وعسى الله يوفقج |
البلا كل البلا من الثانية
شوفي الاولى ممكن توقف معك بحكم إنك بصفها لكن الثانية لا لأنك جيتِ عليها آآآآآآآآآآآخ بردتي قلبي يا شيخة الله ينصرك عليها و يسخر لك زوجك |
ياحبيبتي مالك شغل فيهم.. هم مو واجب عليهم انهم يحبونك.. ولا ملزومين بتقديرك..
ولا فرض عليهم تتونسين معاهم.. هم أحرار.. ما منعوك تستانسين مع صحباتك.. ولا منعوك تروحين لأهلك.. فأنت ونسي نفسك بشي مايخصهم.. محد بيقول لك لأ.. أما بتدخلين معاهم بالقوة مالك حق.. حبوك من حالهم بها ونعمت.. ما حبوك هم أحرار.. وموضوع انك تروحين مع زوجك برضو مو من حقك.. لأنه زوجاته برضو لهم حق يروحون معاه.. شمعنى انتي من بينهم تجرخين مع زوجك وهم لا؟!!!! مو من العدل إلا في حال هم متنازلين بمحض ارادتهم مو لسبب ضروف تمنعهم من الروحة.. هنا ممكن يكون لك حق.. وأولا وأخيرا اللي انتي عليك هو زوجك وبس.. شي ثاني مالك دخل فيه.. ولا تتشكوين لزوجك منهم بقصد تغيرينه عليهم.. تذكري من حفر حفرة لأخيه وقع فيها.. أحسني لزوجك واتقي الله فيه وفي زوجاته.. ربي بيريحك ويسعدك بالدنيا والاخرة.. |
اقتباس:
خلاص هي صدمتها الثانية وبس.. لكن الثانية يووووووووووووه.. تنهبل تنجن لو يتزوج فوقها وحدة ولا ثنتين !!!! نفس الهبال يجيها بالثالثة والرابعة.. :d مع أنه المفروض انها تتوقع في اي يوم ممكن يتزوج عليها .. لأن اللي تتزوج معدد بيعدد عليها. |
والله غريبه وأنا أختك الأولى والثانيه مايتفقن إلافيما ندر سبحان الله مقلب القلوب بعدين أنتي من جدك تبغين تروحين وتجين معاهم وين ماراحوا وش عليك منهم خليهم
وأخلقي لك جو لحالك عيشي فيه وريحي راسك من القرقه سجلي في دورات وتعرفي على صديقات وزوري أهلك وأطلعي تمشي معاهم بعدين ما أتوقع بيحبونك لا الزوجه الأولى ولا الثانيه تدرين ليش لأنك أنت الزوجه الصغيره المدلله عند الزوج في نظرهم بالذات إنك صغيره بالسن وماعندك أطفال علشان يشغلونك عن زوجك يعني وقت يكون زوجك عندك ماعندك أي شئ تهتمي فيه غيره يعني بيذوق طعم الراحه والهدوء عندك أنتي وهما وقتهم ماهو لهم بالذات مع أبنائهم ماشاء الله تبارك الله مخلفين عيال واجد الواحدة منهن مايمديها تحك راسها من مسؤلياتها وحتى السفرات المفروض بكل سفره ياخذ وحده من زوجاته مدام إن الأولى والثانيه ربنا هاديهم ومتفاهمين مع بعض خلاص الأولى تحط عيالها عند الثانية وتسافر معاه وبعدها تجي الثانية تخلي عيالها عند الأولى وتسافر معاه وبعدها أنت تسافرين معاه ويالله السفرات بالدور عليكم كل مره وحده فيكم وأنت شكلك من النوع إللي ساكت ليش ماتطالبينه بسواق مثلك مثلهم وإلا يكون السواق في خدمتكم كلكم بالرغم إني أشوف إن أنتي بحاجة السواق في خدماتك أكثر منهم هما عندهم عيال كبار يسوقوا السيارات إذا إحتاجوهم بأي وقت راح يودونهم عيالهم لاكن أنتي ماعندك أحد إذا أحتجتي شئ شوفي أنت طالبي بحقوقك بس إبتعدي عن ذكر زوجاته ولا تقارني نفسك فيهم أبد قدامه ولاتجيبي طاري لذكرهم عنده كل ماعليك تهيئة ليله مريحه وجلسه هادئه ومناقشة زوجك بالشئ إللي أنت تبغينه وبكل طلباتك قولي له أنا الحين أبغاك تشوف لي حل من عندك وأناراضيه بكل شئ أنت تامر عليه وأنا واثقه فيك وفي حلولك بس إصحك تجيبي طاري لزوجاته حتى لو هو جاب طاريهم قولي له أنا مالي علاقة فيهم وذولي زوجاتك ولهم حق عليك مثل مالي حق عليك ولاتدخلهم في الشئ إللي أنا ناقشتك علشانه وكلنا زوجاتك وأنت مسؤل عنا في كل شئ وإن شاء الله ربنا يصلح شأنك معاه وبعدين ترى رفض زوجك سفرك معاه هاذا مو معناته إن زوجاته مسيطرين عليه أو يحبهم ومايبغى يزعلهم بسفرتك معاه لحالكم مع بعض لا صدقيني زوجك ما وده يظلم أي وحده من زوجاته هو يخشى الظلم ويخاف الله ويتقيه وماوده يجي يوم الآخره وشقه مائل فأنتي كمان راعي ظروف حياته الأسريه الثانيه وبنفس الوقت طالبي بحقوقك الزوجيه منه وأسأل الله أن يسعدك ويهنيك في حياتك الزوجيه ويرزقك الذر ية الصالحه ألتي تقر بها عينك وتبر بك اللهم آمين . |
يا ستي تعرفي على ناس اطلعي معهم ادخلي دورات او اي شئ تشغلي وقتك فيه وتتعرفي على ناس
والله يفتح بينك وبينهم |
| الساعة الآن 10:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©