|
زوجي يكلم فتاة ماذا أفعل
السلام عليكم ورحمة الله وبركاته .. أنا عضوه جديده سجلت من اجل طرح مشكلتي وأتمنى تنصحوني وارتاح من عذابي ــــــــ انا متزوجه من خمس شهور تقريبا وزوجي عليه حركات وتصرفات غريبه لدرجه اني صرت اشك فيه ومن اهم هالحركات انه اوقات يكون جالس على النت ولما ادخل عليه يسكر كل الصفحات والماسنجر واذا قلت له ليش يقول انا كنت مسكر قبل تدخلين ...!!! ومع الوقت وسوست وبديت اشك فيه بزياده وقبل اسبوع كان سهران لحاله لحد الفجر وانا كنت نايمه ولما صحيت من بكرا قلت بفتح جهازه واشوف ايش كان يسوي طول الليل فتحت سجل المحادثات حصلت له محادثه مع بنت والبنت هذي تدرس بامريكا واللي فهمته من المحادثه انه يعرفها من قبل الزواج (( يعني علاقه قديمه والى الان مستمره)) وقالت له انا راح ارجع من امريكا وقال لها ضروري اشوفك اذا رجعتي وكلام طويل ماله اول من اخر .. انا بصراحه مليت وتعبت من التفكير ومحتاره مدري ايش اسوي اقوله او اسكت واسوي نفسي مدري او ازعل واروح بيت اهلي وقلت مافيه حل الا اسجل عندكم واخذ بنصيحتكم وانا من المتابعين للمنتدى ودايم ادخله واقرأ ويعجبني تعاونكم ونصايحكم |
شوفي يااحبيبتي صارحيه وقولي له انا بنت ناس مو من الشارع وراي رجال ماارضى بكره بناتي يصير فيهم زي الي تسويه بنات الناس
واذ ماتعدل دخلي احد فاهم بس لا تفضحينه كوني رايقه وكلامك بمكاانه اهم شي التروووي |
يبي لك جلسة مصارحه زوجيه بجو هاديء ورايق
|
اهنيك على صبرك
اكيد صارحيه قبل لا يتمادى بالي قاعد يسويه ماشاء الله في حريم يصبرون اليوم وحدة من صديقاتي تقول لو زوجي بيتزوج علي عادي والي يخونها زوجها تصبر وين انا من بين هالحريم والله ماعندي صبر لمجرد خيال انه يخوني فما بالك لو اشوف شي صارحيه ياختي واحزمي الامر واذا اعتذر سامحيه بس لا تتركي له المجال زيادة |
طبعا قوليله...من راى منكرا فليغيره...وانصحيه
عشان يستحي على وجهه وعلى الاقل يفهم انك منتي مغفله..والبنت كلميها وانصحيها عيب الي قاعده تسويه مين قال.الي يخونها زوجها تصبر...تصبر الين ماينقلها مرض وبعدها محد يسال فيها...ولا يجيها سرطان في الدم من القهر |
لااااااااااااااااااااا تصارحيه
تو شفت موضوع في المنتدى هذا لأخت مثلك زوجها يكلم ونصحوها الكل بأن تصارحه ويوم واجهته قلبها على راسها وووووطلعت غلطانة (روحي اقري الموضوع) اتريثي الله يخليك الرجال مختلفين وانت كمان شخصيتم مختلفة ادع وانتظري ربي يلهم احد الاخوة او الاخوات بحل مناسب لشخصية زوجك دخلت عشانك يارب يفرجها عليك واعيد لاتصارحيه |
اذا زوجك متلبس لباس الالتزام و ممكن يستحي من عمله واجهيه و بحزم و كبريها شوي
يعني قوليله (بتخوني ؟؟؟؟ ) و لا تسكتي أبداً قوليله (هل ترضى أن أكلم رجل على الماسنجر و اتواعد معه و اشوفه ؟ ) ( هل ترضى أن يفعلها احد مع بناتك بالمستتقبل ) ؟؟؟؟؟؟ (اذا بتحبها ليش تزوجتني ؟ ) و اذا قالك بتتجسسي و ما بتتجسسي قوليله انت تارك المحادثات محفوظة ورب العالمين شاء ان يفضحك و لو الانسان بريء رب العالمين يمهله قبل ان يفضحه عن أنس أن عمر أتي بسارق ، فقال : [ ص: 451 ] والله ما سرقت قط قبلها : فقال : كذبت ما كان الله ليسلم عبدا عند أول ذنب ، فقطعه . وإسناده قوي . انا برأيي لازم تواجهيه قبل ما يحصل اللقاء العاطفي ! لكن اذا زوجك ما بستحي من عمله و ممكن يقلبها عليكي احبكيها اكتر ما بعرف حاليا ما عندي فكرة بس انتي ادرى بزوجك يا اختي |
حبيبتي كيف العلاقه بينك و بين زوجك؟ هل في فتور من ناحيتة؟ ام هو يحبك و يدللك و ما يقصر معاك؟
و كيف كان طريقة زواجكم: هل كانت تقليدية؟ هل هو كان مغصوب عليه؟ توكم 5 اشهر معرسين و يهدج و يسهر عل نت؟ ليش؟ شو السبب؟ هل من البداية كان جذي؟ هل هو دارس برع؟ كيف طريقة تفكيرة؟ هل هو انسان منفتح؟ معليش ردي علي عشان شوي نعرف طبيعة علاقتكم يالغالية ... بس انا برايي لا تصارحية الحين و تصبري .... لان ساعات في العجلة ندامة ... و و التروي و الصبر زين بانتظار ردج يالغالية و الله يديم المودة بينكم |
لا حول ولا قوة الا بالله
الله يرده لك ردا جميلا ماحبيت ادخل بدون ما ادعيلك |
اشكر الجميع على المرور الله لايحرمني منكم |
| الساعة الآن 02:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©