|
زوجي يزعل لأسباب تافهة و يغضب بطريقة غير طبيعية
[SIZE="6"]بسم الله والسلام عليكم
بحاول اسرد قصتي واشكركم مقدما على القراءة,,,أنا متزوجه من 4 سنوات واحب زوجي وهو كمان يبادلني الحب مشكلتي معاه انه بطبيعته يزعل كثير يعني من اتفه شي يسوي من الحبه قبه وكمان عصبي جدا واذا عصب يصير شخص ثاني ما اعرفه يقولي اوسخ الكلام وكمان من اول ماتزوجنا وهو كذا مره يمد يده علي بس بعدها يجي ويبكي عندي حتى اسامحه ومره لما كنت لسه عروس مالي شهرين ومره وانا حامل بالشهر9 كمان ضربني عشان اشياء تافهه وقتها ماكنت بسامحه بس بكى عندي لما جيت الم ملابسي ع اساس بروح لاهلي وكمان مره باس رجولي,,انا بقولكم بصدق انا مره احبه بس اكره طبيعته فضيع في نكران المعروف وفضيع لما يخليني ماسويت له شي مثال بسيط بس هو 80% متحكم براتبي يعني حتى لما بعطي احد احسه يتضايق لو مايتكلم واحيان يتمنن علي بانه سوى لي شي بطريقه مستفزه مع انه سواها لي من فلوسي ومع كذا وربي ماعمري عايرته ولا حسسته بشي لاني اعرف راتبه قليل ووضعه المادي من تزوجنا وهوماعنده الا الشي القليل وبعدين بصراحه كمان هونشأ فقير نوعا ما فهذا اللي مخليه شوي يقهرني براتبي ويعتبرني مبذره وانو هو يعرف يتصرف احسن مني,,,المهم انا مشكلتي معاه حاليا انو مره زودها يصارخ على من اتفه شي ولا يراعي وجود الشغاله و ولدي اللي عمره 3س وصار مره يفهم ويخاف وتغيرت نفسيته ياما كلمته بس مافي اي فايده يقتنع لما يهدأ بس لما يعصب ينسى كل شي ,والمشكله لما يعصب اقسم بالله يكرهني نفسي لو الانتحار مو حرام وربي لانتحر وارتاح منه يصارخ باعلى صوت ويفضحني عند الكل وينكر كل شي اسويه له مع انو اقسم بربي اني مدلعته ع الاخر ولما يروق يعترف بس لما يعصب ينسى كل هذا ويتذكر اشياء سخيفه بس باسلوب ماكر وخبث يخليها مصيبه انا سويتها وهو انتبه لها .. كمان هو عنده حب تملك يعني احيان يصارحني انه يغار من ابوي والاحظه احيان قد ايش يتضايق لما اتكلم عن ابوي ومايعامل اخواني زين مع انهم وربي ماسووله اي شي ولا يحب اني اطول مع اهلي بالمكالمات ولا يوديني عند اهلي كثير واذا وداني لازم اروح لهم وانا عيوني حمر من كثر ماينكد علي قبل اروح لهم ,, 4 سنوات وماجات عند اهلي مناسبه الا وانا رحت لها وانا ابكي.بس انا بقولكم انا ما اقول لاهلي شي واحس انو هذا اللي مكبر راسه علي ,احيان لما يحصل بيننا زعل يجي يقولي دقي على اخوانك وانقلعي وربي كذا مره افكر ادق بس انا ما ابي الفضايح لانهم بس مره دروا عن شي حصل بيني وبينه زعلوا وكبروا الموضوع واموت ما انساها بس الحين يقهرني لما اقوله انا ماقلت لاهلي لو دروا ماراح يسكتوا يقولي قوليله ولا يستفزني يقولي روحي لهم ,, مره امه كانت تحكي له عن اخته المتزوجه انها كلمتهم تبكي يالله وربي اموت وانا مانسيت شكله وقد ايش زعل وقال وربي لو انه ماد يده عليها لاكسر يده ومن بعدها وهالكلمه ماتفارقني اخواني مو عاجزين بس انا ما قلت لهم ولا قلت لابوي اللي كل ازواج اخواتي يعملوله حساب وحتى هو كمان بس هو يكابر ويسوي انو ابوي مايهمه... الشي اللي ماقلته انه بمجرد مايهدأ يصير ملاك انسان رومانسي لابعد الحدود وكمان حنون ويحاول يسعدني قد مايقدر. بس اللي خلاني اعرض هالمشكله انو الايام اللي احنا مبسوطين فيها عددها اقل من ايام الزعل والنكد والقهر.... ومن امس صار بيننا الخلاف ع شي ماتتخيلوا تفاهته بس لاني انا عودته والله العظيم سواء اخطأ ولا انا اخطأت انا اجيه واراضيه واحط الخطأ علي..واليوم بكل صراحه مدري وقاحه يرسل لي يقولي اعتذري وانهي الموضوع مع اني ورب البيت ما غلطت باي شي بس لما قام يصرخ انا سكت الين وصلنا البيت وجن جنونه بزياده فلما جينا قال انتي تلوين بوزك علي فما قدرت اتمالك نفسي من كثر الضغط اللي انا متحملته وقمت ابكي واقوله خاف الله ومن هنا كبرت السالفه وصار يدفني ويلعني واوسخ الكلام يقوله لي,, انا تعبت وبموت من البكى اتطلق بما انو ماعندي الا ولدين صغار ولا فيه ممكن شي يغيره ولا اقول لاهلي حتى لو فيها فضايح بس يمكن وقتها يعرف اني جد مو متحمله هالعيشه ويخاف اسألكم بالله ساعدوني انصحوني اي شي, |
|
اذا صرخ عليج حقريه
خليه يطلع كل اللي فيه وبالنهاية حقريه وانتي يا حبيبتي عزي نفسج لا تذلينها له لو شي سواه بفلوسج قوليله الله يعز الحكومة اللي تعطيني راتب لا تحسسينه انج ممنونة له ابدا يعني حسسيه انج تقدرين تستغنين عنه ووقت الصفا قوليله كل اللي بقلبج باسلوب كله دلع وغنج واذا قلب علييج الطاولة سكتي ولا تراددين والله يعينج ويوفقج |
اقتباس:
أختي الكريمة كل ما لونته بالأحمر فهو كلام أوقفني كيف تسمحين له بهذه المعاملة ومن أول أيام زواج وإن كنت تساعديه براتبك كان من المفروض أنه يحترمك وتكبر في عينيه وكيف لا يقدر أهلك المهم هناك أخطاء كثيرة حسب ما ذكرت وهناك تساهل كثير من جهتك واسمحي لي أن أقول لك لا تسكتي على الظلم وعدم التقدير والاحترام وأقترح عليك في مرة وهو معصب سجليه بطريقة خفية لا يراك فيها وعندما يكون في أهدء حال سمعيه الشريط لكي يعلم ما يصدر منه عندها عاتبيه وكلميه بأسوب فيه من الاحترام أنك لن تقبلي منه مرة أخرى مثل هذه التصرفات وإن عاد لها فأخبريه أنها تكون آخر مرة يراك فيها والله يوفقك لما فيه الخير والسعادة وأسأل الله أن يهديه ويصلح حاله |
أخيتي أنا مبدائي إذا الضربدخل بين الزوجين فوقفة الأهل ضرورية أعذريني أنا ماني شايفه أي ميزه له سوى حبه لك الذي يطير أدراج الرياح بعصبيته الزايدة
وممكن ينقهر من أهلك يخاف إنك تعطيهم فلوس لازم تقولي له إذا مد يده أو تلفظ عليك سوف تذهبين لبيت أهلك ولازم أهلك يدروا كيف يتربى الولد في هذه الأسرة لا تزعلي إذا ولدك في يوم قام ضربك لأنه شاف هذا الشي مرارا وتكرارا فصار أمر عادي عنده بعض الرجال يبغاله وقفه صح ومو من حقه يتحكم براتبك طالما إنك عارفه ظروفه وما تحمليه فوق طاقته وإنت جربتي 4 سنوات ما تغير بس يبكي ويرجع مره ثانية لأفعاله لازم يعرف إن إنت مو لعبة في يده يلعب بها ويكسرها وقت ما يبغى |
قارني كل أفعاله بكتاب الله و كل ما هو خارج عن حدود الله يجب أن توقفيه عن فعله فورا ، كأن يضربك مثلا !
أنت لستِ بناشز ليسمح ليده بأن تمتد و يضربك أيضاً استعمال الكلام الفاحش و السب ، فهذا خارج عن شرع الله و يجب ألا تقبلي به مهما كان ! اذا شعرتي انه يتضايق من صرفك لراتبك اقترحي بطريقة غير مباشرة أن تتوقفي عن العمل و شوفي ردة فعله لما يكون طفك موجود و هو يبدا يشتم و يصرخ احملي طفلك الى غرفة أخرى فورا ، و هو يجب ان يستشعر عندها فظاعة و بشاعة فعله ان لم ينفع اشكيه لأهله و ان لم ينفع لأهلك |
لو عرفت المراه ان الصمت يزيدها جمال لصمتت ابد الدهر
الله يفرج عنك وعيشي حياتك يوم بيوم اخرتنا قبر يضمنا ولاراح ينفعنا غير العمل الصالح |
ماتعملي اي شيئ بس اذا زعلتي روحي عاالحمام واجلسي تحت الدش وطلعي كل طاقتك الحزينه وضعي عطرزيت القرنفل بلبانيووبعدها روحي صلي وأقرائي قران وحطي راسك ونامي بروح عنك كل هذا العذاب ولادخلي أحد من أهلك أو أهلوحلي امورك بنفسك وخلي دائما على لسانك انك بتتركيه وحطي له حدود مشان الضرب وقوليله اذابتضربني بروح على البراي وماتعرف ويني حتى تبتلي فيني واهلي يعرفو شلون يحدولك هاد الشيئ الك مني دعوة ان الله يهدي سرك يكون بعلمك بكون كل هذا من الحسد
|
والله يااختي مابيدي غير ادعي لك الله يصبرك ويسخرة لك بس اسمحي لفتني كلامك بهالجزء 7 7 7 [SIZE=4] اقتباس:
؟؟؟؟؟؟؟؟؟؟؟؟؟؟؟؟؟؟؟ الشخص الي مايرضى لاختة هالشي استغرب كيف يرضاة لبنات الناس ؟تبغي الصراحة كل شششششششششششششششي بالحياة الزوجية من مشاكل يتخل بين الزوجين الا الضرب الا الللللللللللللللضرب اول مددة يد لة كان علي بيت اهلك وتقولي لاخوانك . كل شي بالتفاهم الا مد الرجل علي زوجتة بالضرب مارضااااااااااااااها لي ولا لك ولا لبنات المسلمين .. قولي لاهلك عالضرب دامة مسوي فيها رجال علي زوج اختةولا يبغي يكسر يدة ؟؟؟:29: طيب مانتي عندك كمان رجال ولا مستهين فيهم ؟ عجبببببببببببببي علي قهر الرجاااااااااااااااااااااااااااااااال |
| الساعة الآن 07:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©